Danyel 3:18 - JAM DE NHIALIC 2011

¹⁸ Ku na cïï wo luäk, ka abä ŋic yïn melik nɔn cïï wok yanhdu bï lam, ku wok cïï wonïïm bï guöt piny në këde adhääp cï käär wään cï looi nɔm.”

Danyel 3:18 ပူးပေါင်းရင်းမြစ်များ

1 Mel 19:14

Go lueel, an, “Yɛn cï tiɛɛl dɔm Bɛ̈nydït Nhialic de Rɛm, në kë cï kɔc ke Yithriɛl löŋduön cï mac pɔ̈l, ku thuurkï ɣäänkuön ke läm piny, ku näkkï tït ke Nhialic në abätäu, ku ja döŋ yatök ë giliŋ ku akɔɔrkï wëikï bïk a nɔ̈k.”

1 Mel 19:18

Ku yɛn cï rɔt bɔ̈th aguum kadhorou 7,000 në Yithriɛl, kɔc kën kemiɔl tuök Baal ëbɛ̈n, ku kënkï ciim ë kethook.”

Jop 13:15

Të ciɛk ë Nhialic a nɔ̈k ku ciën nɔm aŋäth, ke yɛn ŋoot ke ya kääc ke ya gööny në Yenɔm.

Kɛ̈ŋ 28:1

Kɔc ee karɛc looi ayek kat të ciɛk en ciën raan cop ke, ku cït kɔc piɛth piɔ̈ɔ̈th jööt ke kɔ̈ɔ̈r.

Danyel 3:28

Ago melik lueel an, “Pianykï Nhialic de Cadrak ku Mecak ku Abenego! Acï tunynhialde tuööc bïï ë kɔckë bɛ̈n luök, kɔc ee yen ŋɔ̈ɔ̈th ku luuikï. Acïk löŋ rɛɛc gam ku koonkï wëiken në luöi cïï kek kenïïm bï guöt piny ku lɛmkï yanhdäŋ, ee Nhialicden yetök en bïk lam.”

Lebai 19:4

Duökï röt ee luöi ka ye lam, ka cï guaŋ në tiim ayï yiëth. Ee Yɛn Bɛ̈nydït Nhialicdun.

Math 10:28

Ku duökï ë riɔ̈ɔ̈c ë kɔc näk raan guöp tei, ku cïkï wëi ke raan lëu ë näk, aŋuän luɔi bä wek aa riɔ̈ɔ̈c në Raan ë wëi ke raan lëu ë näk ayï raan guöp aya ë giɛna yic.

Math 10:39

Raan yök wëike abï wëike mɔ̈ɔ̈r, ku raan mär wëike në biäkdï abï wëike yök.

Math 16:2

Go pɔ̈k nɔm keek an, “Të cï akɔ̈l thëi, ka yak lueel an, ‘Piny abï piath, tënhial acï thiɛth.’

Luɔi 4:19

Na wën, ke Petero kekë Jɔn ë ke bëër, yöökkï keek an, “Luɛlkï week, nɔn piɛth en tëde Nhialic të piŋ wok këdun awär pïŋ piŋ wok këde Nhialic.

Ɣeberuu 11:25

Aa lɔc luɔi bï yen yaaŋ guum ëtök kekë kɔc ke Nhialic, ku pɛ̈l miɛtëpiɔ̈u de luɔi de kërac cï bï tɔ̈u aɣet athɛɛr.

Jocua 24:15

Na cäkkï Bɛ̈nydït bï luööi, ke we lɔc raan bäk luööi ee köölë. Tɛk däŋ, bäk yiëth ɣɔn ye kuarkun lam piny de Yuparat lɔŋ tui kek bäk luööi, ku nɔn ee kek yiëth ke kɔc ke Amor, kɔc rɛ̈ɛ̈r wek pinyden. Na yɛn wokë baaidï, ee Bɛ̈nydït Yen abuk luööi.”

Nyuuth 12:11

Gokï tiaam në riɛm de Nyɔŋamääl, ku në jamdɛn cïk lueel ke ke ye cäätɔɔ, ku kënkï wëiken tak a thou kek.