Danyel 3:12 - JAM DE NHIALIC 2011

¹² Ade kɔc ke Judai cï tääu në bääny de paan de Babilonia nɔm yï: Cadrak, ku Mecak ku Abenego, kɔc cïï jamdu ee riëëu. Acïkï yanhdu ee lam ku cïkï kenïïm gut piny në këduön cï käär wään bä looi nɔm.

Danyel 3:12 ပူးပေါင်းရင်းမြစ်များ

Ethta 3:8

Ëtɛ̈ɛ̈n go Ɣaman lɔ tëde Melik Athuwereth ku lueel an, “Ade Jur cï thiëi ë wuötku yiic ëbɛ̈n, adekï ciɛɛŋ cïï thöŋ ke ciɛɛŋ ë juöör kɔ̈k, ku däŋ aya, keek, acïkï lööŋ ke Melik ee riëëu, ka yen, acïï piɛth tëde Melik në luɔi duëër en ke pɔ̈l.

Kɛ̈ŋ 27:4

Agɔ̈th ee riɔ̈ɔ̈c bɛ̈ɛ̈i, ku jɔ tiɛɛl rac arëët.

Wɛ̈ɛ̈t 4:4

Ku yɛn cï kënë kɔc tɔ lui aläl ŋic, ee biäk ye kek kakë kɔc thiääk ë keek woi, ku ee kë ɣɔ̈ric, acït cum de yom cök.

Danyel 1:7

Go bɛ̈ny tueŋ de rooc keek cäk rin. Go Danyel cäk an Beltecadhar, ku ciëk Ɣanania an, Cadrak, ku Miciɛl an, Mecak, ku Adharia an, Abenego.

Danyel 2:48

Ago Danyel gäm bäänydïït agök, ku gëm miɔ̈c lɔyum, ku tɔ ye bɛ̈ny de paan de Babilon, ku tɔ ye bɛ̈ny nu në röör pelnïïm ke melik nïïm.

Danyel 2:49

Go Danyel melik lip, ago melik Cadrak, ku Mecak ku Abenego kuany ku tɛ̈ɛ̈u keek në bääny de paan de Babilon nɔm, ku Danyel acï bɛ̈n döŋ ke rɛ̈ɛ̈r ë luŋ de melik yic.

Danyel 3:11

ku raan cïï yenɔm ee guöt piny ku lɛm abïï dɛɛny ë many dɛ̈p yic.

Danyel 3:16

Go yï Cadrak ku Mecak ku Abenego bɛ̈ɛ̈r, an, “Yïn melik, acuk bï them luöi bï wok röt kony.

Danyel 3:29

“Ku ënɔɔnë aluɛɛl an, na lɔ kɔc ë wuöt ëbɛ̈n ayï juöör ëbɛ̈n, ku thook ëbɛ̈n Nhialic de Cadrak, ku Mecak, ku Abenego, lɔ kuöc jääm, raanë abïï nɔ̈k, ku ɣönde abïï tɔ ee dhuur nɔm. Acïn yanh duëër luäk ë luääk cït ee kënë.”

Danyel 3:30

Ago melik Cadrak, ku Mecak, ku Abenego gäm bäänydït paan ë Babilon.

Danyel 6:13

Agokï ja lɛ̈k melik, an, “Danyel, raan töŋ ë kɔc wään pec ë Juda, acïï yïn ee riëëu ku acïï löŋ cï tääu piny ee theek. Ee cool ë läŋ raan diäk ë kööl tökic.

Danyel 6:14

Na wën piŋ melik ee jamë, go piɔ̈u diu, ago them aläl në luɔi bï yen Danyel luök. Go kuɛɛr them ëcaŋwën abï akɔ̈l thëi.

Luɔi 17:7

ku acï Jathon e gäm ɣöt, ku kɔckë kedhie ayek lööŋ ke Kaithar rɛɛc gam, ayek lueel an, de melik däŋ, cɔl Yecu.”

Luɔi 5:28

an, “Kënku week yɔ̈ɔ̈k arëët an, Duökï kɔc ee bɛ wɛ̈ɛ̈t ee rinkë? Ku tiëŋkï, we cï Jeruthalem thiɔ̈ɔ̈ŋ në wëëtdun, ku we de piɔ̈ɔ̈th luɔi bä wek riɛm ë raanë dɛɛr ë woyiëth!”