Danyel 2:48 - JAM DE NHIALIC 2011

⁴⁸ Ago Danyel gäm bäänydïït agök, ku gëm miɔ̈c lɔyum, ku tɔ ye bɛ̈ny de paan de Babilon, ku tɔ ye bɛ̈ny nu në röör pelnïïm ke melik nïïm.

Danyel 2:48 ပူးပေါင်းရင်းမြစ်များ

2 Tham 19:32

Ku Bardhilai aaye monydïït cï dhiɔp, ade nɔm run kathiërbɛ̈t. Aa ye raan kueth, ku aaye melik yiɛ̈n këcam në Maɣanayim.

2 Mel 5:1

Ku Naaman, bɛ̈ny ë rem de tɔŋ ë melik de Thiriya, aaye raan dït tëde bɛ̈nyde, ku ye raan de naamde, në luɔi cï Bɛ̈nydït Thiriya kony në yen ë kuny dït, ku ye raan ril ŋeny aya, ku aa de guöp wɛth.

Jop 1:3

Ee raan de nɔm kajuëc aläl, ade aguum kadhorou ke thök, ku aguum kadiäk ke thɔ̈rɔ̈ɔ̈l, ku agum töŋ de ɣɔ̈k, ku bot ka dhïc ke mul, ku kɔc juëckɛn ee luui, yen ajɔ Jop aa raan de naamdɛndït awär kɔc nu të lɔ aköl amiäk.

Jeremia 5:5

Yɛn bï lɔ tëde röördït, ku jam wo keek. Ee yic aŋickï kë kɔɔr ë Nhialicden, kë kɔɔr ë Bɛ̈nydït bïk looi.” Ku keek kedhie acïk bääny de Bɛ̈nydït rɛɛc ku acïk jaai bïk riëëu.

Danyel 2:6

Ku na lak yɛn lɔ lɛ̈k nyuöth kekë kë lueel ë nyuöth, wek bä riɔp në miɔ̈c juëc kekë dhuëëŋdït. Ka ënɔɔnë lɛ̈kkï yɛn nyuöth kekë kë lueel.”

Danyel 3:1

Go melik Nebukadnedhar kë cï käär ë adhääp looi, bɛ̈ɛ̈rde ee mitïïr kathiërrou ku dhorou, ku päu de yen yic ee mitïïr kadiäk, ago tɔ tɛ̈ɛ̈uwë piny ë riaaŋ ë Dura yic paan de Babilon.

Danyel 3:12

Ade kɔc ke Judai cï tääu në bääny de paan de Babilonia nɔm yï: Cadrak, ku Mecak ku Abenego, kɔc cïï jamdu ee riëëu. Acïkï yanhdu ee lam ku cïkï kenïïm gut piny në këduön cï käär wään bä looi nɔm.

Danyel 3:30

Ago melik Cadrak, ku Mecak, ku Abenego gäm bäänydït paan ë Babilon.

Danyel 4:6

Yɛn cï röör pelnïïm nu Babilon tɔ yïnë yɛn, bïk yɛn bɛ̈n lɛ̈k kë lueel ë nyuöth.

Danyel 4:9

Beltecadhar, bɛ̈ny de kɔc ee cɔ̈ɔ̈r, aŋiɛc nɔn tɔ̈u ë wëi ke Nhialic ɣeric atɔ̈u ë yïguöp ku yïn ee kacïmoonyë yökiic ëbɛ̈n. Kënë në yïn, ku yïn ee kacïmoonyë ëbɛ̈n yökiic. Kënë ee nyuöthdï. lɛ̈kë yɛn kë lueel.

Danyel 5:11

Ade raan nu ë ciɛɛŋdu yic, raan tɔ̈u ë wëi ke Nhialic ɣeric në yen. Wään ye wuur melik, raanë acï ŋïnydekäŋ ku pɛlënɔm piɛth nyuɔɔth, pɛlënɔm cït këde yiëth. Ku melik Nebukadnedhar, wuur, ke yen, wään ye wuur melik, raanë acï wël piɛth bɛ̈n nyooth, ku ŋïnydekäŋ ku pɛlënɔm cït pɛlënɔm de yiëth, ku acïï wuur melik Nebukadnedhar bɛ̈n tɔ ye bɛ̈ny de kɔc ee thuëth, ku kɔc ee cɔ̈ɔ̈r, ku kɔc ee lam, ku kɔc ee meek.

Danyel 5:16

Ku ënɔɔnë acä piŋ nɔn yïn löŋ cï thiaan yökic ku wer kacïmoony yiic. Na duëërë kë cï gɔ̈ɔ̈rë kuɛ̈n ɛn ku lɛ̈kë yɛn kë lueel, yïn bï tɔ ceŋ lupɔ thith amujuŋ de bääny, ku ceŋ kuat ë adhääp de riëëu në yïyeth ku yïn bï aa raan de diäk ë riɛl ë ciɛɛŋde yic.

Danyel 5:29

Go Belcadhar kɔcke yöök raantök, bïk Danyel yiɛ̈k kɔ̈u lupɔ thith amujuŋ ku bïk kuat ë adhääp de riëëu tääu ë yeyeth, ku tɔ ee raan de diäk ril në ciɛɛŋ ë bäänyde yic.

Danyel 5:7

Go cööt në luöi bïï ë kɔc bɛ̈ɛ̈i, kɔc ee cɔ̈ɔ̈r, ku kɔc ee lam, ku kɔc ee meek. Na wën cïk bɛ̈n ɣöt, go melik röör pelnïïm yɔ̈ɔ̈k an, “Na lɔ raan ë weyiic ya kuɛ̈n ee gäärë ku nyuth ɛn kë lueel abïï tɔ ceŋ lupɔ thiith amujuŋ de bääny ë melik, ku abï kuat de adhääp ë riëëu ceŋ ë yeyeth, ku abï ya raan de biäk ë bääny de pinydï yic.

Danyel 8:27

Yɛn aacï guöp thou ku dɔm juäi ya në nïn juëc. Na wën ke ya jɔt rɔt ku laar ë luɔɔi yic, luɔɔi cïï melik gäm ɛn. Ku yɛn aacïï nyuuth tɔ mum nɔm ku akɛ̈n bɛ̈n yökic.

Kuɛ̈n 24:11

Jäl ënɔɔnë, puɔ̈kë rɔt wundun! Acä lueel wään aa bä yï riɔp, ku ënɔɔnë, Bɛ̈nydït ë yï pɛ̈n ariöp.

1 Tham 17:25

Ku yek lɛ̈k röt kapäc an, “Tïŋ tei ku piŋ kë lueel, acïï melik Thaulo lueel an, bïï raan lɔ yen nɔ̈k gäm ariöp dït arëët. Ku acï lueel an, bïï raan gäm nyande ayadäŋ ke ee tiiŋde. Ku acï baaiden bï bɛ ee tɔ kut athölbö.”

1 Tham 2:8

Ee abuur nyaai në buurde yic, ku tɔ bäny abïï ya adhuëëŋ rïïuwë. Ku mën ke piny nɔm ayek kake Bɛ̈nydït, aa yïk piny nɔm në kenïïm.

1 Tham 25:2

Ku aa de raan ë nu në Mawon, raan de nɔm käŋ në Karmel ku ye raan kueth aläl. Ade nɔm agum de bou ku aguum kadiäk ke amɛ̈l, ku aake ye tiit në Karmel. Raanë acɔl Nabal ku tiiŋde acɔl Abigail, Abigail ee tiiŋ pelnɔm ku lɛ̈k aläl, ku monyde aaye raan ee piɔ̈u dap diu ku ye raan piɔlpiɔ̈u aläl. Kööl tök Nabal aa tem nhïm ke thökke në Karmel,