Danyel 2:47 - JAM DE NHIALIC 2011

⁴⁷ Ago ë melik lueel an, “Nhialicdu yen adït në yiëth kedhie, ee Bɛ̈nydït nu në meliik nïïm, ku raan ee kacïmoony nyuɔɔth. Yɛn ŋic ee kënë në luöi cï Yïn ee këcïmoonyë wɛ̈ɛ̈ric yɛn.

Danyel 2:47 ပူးပေါင်းရင်းမြစ်များ

Cäk 41:39

Ku lëk ë melik Jothep an, “Nhialic ë yï nyuöth ee kakë kedhie. Ku kënë, anyooth nɔn yïn raan pel nɔm, ku ye raan ŋic käŋ awär raan ëbɛ̈n.

2 Mel 5:15

Na wën, ke puk e nɔm raan de Nhialic kekë kɔcke ku kɛ̈ɛ̈ckï ë yenɔm, ku luelkï, an, “Ënɔɔnë acä ŋic nɔn cïn en Nhialic nu ë tiɔp nɔm ëbɛ̈n, anu ë Yithriɛl etök, ënɔɔnë yïn läŋ, nöm miɔ̈c tëde lïmdu.”

Jop 12:19

Ee bääny de wɛ̈ɛ̈t diɔ̈ɔ̈r nyaai në kekɔ̈ɔ̈th, ku puk kɔc piny kɔc nu riɛl në kecin.

Diɛt 136:2

Gämkï lɛc Nhialic wär yiëth ëbɛ̈n, nhiëërdɛn agɔk atɔ̈u athɛɛr.

Diɛt 136:3

Gämkï Bɛ̈nydïït de bäny lɛc, nhiëërdɛn agɔk atɔ̈u athɛɛr.

Diɛt 72:11

Meliik kedhie abïk kenïïm guöt piny në yenɔm, juöör ëbɛ̈n abïk yen aa luööi.

Diɛt 82:1

Nhialic ë nyuc tëde ë löŋdɛn athɛɛr nɔm, ku jɔ löŋ guiir ë tuucnhial yiic,

Diɛt 96:4

Bɛ̈nydït adït ku abï dhil piɔɔny aläl, abï dhil riëëu awär yiëth kedhie.

Edhekiɛl 26:7

Aye Bɛ̈nydït Awärjäŋ lueel an: “Yɛn bï melik dït nu ë meliik nïïm lɔ bɛ̈ɛ̈i, melik Nebukadnedhar de Babilonia, bïï Tayer bɛ̈n mak. Abï bɛ̈n në biäk të lɔ rut kekë remdïït de tɔŋ, në jöŋgöör ku abëël ke tɔŋ ku jööt ke tɔŋ.

Danyel 11:36

“Ku melik de Thiriya abï lui cït man ë kë kɔɔr ë piɔ̈nde. Abï rɔt leec nɔn dïït en ë yiëth kɔ̈k awär Nhialic dït aya. Abï rɔt lɛɛc aya agut kööl bï Nhialic yen luöi këtuc. Ku Nhialic abï këdɛn cï kiëët looi ëdhöc tëde.

Danyel 2:19

Ku në ë wɛ̈ɛ̈r töŋë yic këcïmoony acï bɛ̈n nyuöth Danyel ë nyuuthic, ago Danyel Nhialic de paannhial piɔɔny an:

Danyel 2:22

Ee ka nu të thuth ku kacïmoony nyuɔɔth, aŋic kë cï thiaan ë mɔ̈ɔ̈thic, ku Yen guöpde acï ɣɛɛr gɛɛu cil.

Danyel 2:28

Ku ade Nhialic nu paannhial, yen ee kacïmoony nyuɔɔth. Nhialic acï melik nyuöth ka bï tuöl wadäŋ. Ku ënɔɔnë yïn bä lɛ̈k nyuöth ë nyuöth yïn, wään niin yïn në agen nɔm.

Danyel 2:29

“Të wään niin yïn melik, yïn cï nyuöth në biäk de wadäŋ, ku Nhialic wën ee kacïmoony nyuɔɔth, ë yïn nyuöth ka bï tuöl wadäŋ.

Danyel 2:30

Ku ënɔɔnë, këcïmoonyë acï nyuöth ɛn, ku acie luɔi pɛl ɛn në kɔc kɔ̈k, ee biäk bï melik kë lueel ë nyuöth ŋic, ku bä täŋ cï bɛ̈n tëde yïn yökic.

Danyel 2:37

Yïn melik. Yïn adït në meliik ëbɛ̈n. Nhialic de paannhial acï yïn gäm ciɛɛŋ, ku gëm yïn riɛl, ku ŋeeny ku dhuëëŋ.

Danyel 3:15

Ënɔɔnë të cä wek röl de kaaŋ piŋ, ku aruöör ku thom ku lɔ̈ɔ̈r leŋ ku lɔ̈ɔ̈r dït ku agiɛɛr ku ka kɔ̈k ye gut, guötkï wenïïm piny ku lamkï kë cï käär. Na cäkï loi, ke we bï cuat ë many dɛ̈pic raantök. Yak tak de yanh duëër we kony?”

Danyel 3:28

Ago melik lueel an, “Pianykï Nhialic de Cadrak ku Mecak ku Abenego! Acï tunynhialde tuööc bïï ë kɔckë bɛ̈n luök, kɔc ee yen ŋɔ̈ɔ̈th ku luuikï. Acïk löŋ rɛɛc gam ku koonkï wëiken në luöi cïï kek kenïïm bï guöt piny ku lɛmkï yanhdäŋ, ee Nhialicden yetök en bïk lam.”

Danyel 3:29

“Ku ënɔɔnë aluɛɛl an, na lɔ kɔc ë wuöt ëbɛ̈n ayï juöör ëbɛ̈n, ku thook ëbɛ̈n Nhialic de Cadrak, ku Mecak, ku Abenego, lɔ kuöc jääm, raanë abïï nɔ̈k, ku ɣönde abïï tɔ ee dhuur nɔm. Acïn yanh duëër luäk ë luääk cït ee kënë.”

Danyel 4:17

Kënë ee jam de tunynhial ɣeric cï rɔt coc ke daai. Ku ënɔɔnë, tɔ ŋic ë kɔc ë pinynɔm ëbɛ̈n an Nhialic dït ade nɔm riɛl në ciɛɛŋ de kɔc ë pinynɔm kedhie nïïm. Ku aduëër keek gäm raandɛn cï lɔc. Aduëër keek gäm kɔc cïn naamden.’

Danyel 4:25

Yïn bï cuɔp wei në kɔc yiic, ku yïn bï lɔ rëër wek ë läi roor. Në run kadhorou yiic, yïn bï nyuäth ë wal cï lɛ̈i, ku yïn bï tɔ̈c biic, të bï thäc yïn thɛ̈c. Ku ëtɛ̈ɛ̈n abä gam nɔn yen Nhialic dït, yen muk ciɛɛŋ de pinynɔm ëbɛ̈n, ku aduëër ke gäm raandɛn kɔɔr ë yepiɔ̈u.

Danyel 4:32

Yïn bï cuɔp wei në kɔc yiic, yïn bï rëër wekë läi, ku nyuäth wal cït man ë lɛ̈i në run kadhorou yiic. Ëtɛ̈ɛ̈n abä jɔ ŋic nɔn yen Nhialic dït, yen ade nɔm riɛl në ciɛɛŋ ë kɔc ke pinynɔm ëbɛ̈n, ku aduëër keek gäm raandɛn cï tak ë yepiɔ̈u.

Danyel 5:11

Ade raan nu ë ciɛɛŋdu yic, raan tɔ̈u ë wëi ke Nhialic ɣeric në yen. Wään ye wuur melik, raanë acï ŋïnydekäŋ ku pɛlënɔm piɛth nyuɔɔth, pɛlënɔm cït këde yiëth. Ku melik Nebukadnedhar, wuur, ke yen, wään ye wuur melik, raanë acï wël piɛth bɛ̈n nyooth, ku ŋïnydekäŋ ku pɛlënɔm cït pɛlënɔm de yiëth, ku acïï wuur melik Nebukadnedhar bɛ̈n tɔ ye bɛ̈ny de kɔc ee thuëth, ku kɔc ee cɔ̈ɔ̈r, ku kɔc ee lam, ku kɔc ee meek.

Amoth 3:7

Bɛ̈nydït Nhialic acïï këdäŋ ee guɔ looi, ke kën tït ke Nhialic awuutke kɔn nyuöth kë cï kiëët.

1 Kor 14:25

Ago ka cï thiaan ë yepiɔ̈u jɔ tïc, ago rɔt cuat piny ë yenɔm, ku lɛm Nhialic, ku jɔ lueel an, “Nhialic anu ë weyiic ëdhöc!”

Nyöŋ 10:17

Bɛ̈nydït Nhialicdun anu nhial ë yiëth nïïm ëbɛ̈n, ku riɛl nïïm ëbɛ̈n. Yen Adït ku Awärjäŋ, ku abïï ë dhil riɔ̈ɔ̈c. Yen acïï tɛ̈ɛ̈k yic ee nyuɔɔth, ku acïï kumthok ee gam.

1 Tim 6:15

Tïc bï Bɛ̈nydït cath ke athiɛɛi nyuɔɔth ëkööldɛn cï lueel, Bɛ̈nydïït ceŋ piny cïn bɛ̈nydïït ee kek rou, ku ye Melik nu ë meliik nïïm, ku ye Bɛ̈nydïït nu ë bäny nïïm.

Jocua 22:22

“Awärjäŋ yen aye Nhialic! Yen aye Bɛ̈nydït! Awärjäŋ Yen aye Nhialic! Yen aye Bɛ̈nydït! Aŋic kë ë luiku ee kënë. Ku akɔɔrku bäk ŋic ayadäŋ! Na cuk löŋ ë Bɛ̈nydït dhoŋ kɔ̈u ee köölë, ke we näk wook!

Nyuuth 1:5

ku në kë bɔ̈ tëde Yecu Kërtho, ee cäätɔ adöt, ku ye raan cï dhiëëth ke ye kɛ̈ɛ̈i ë kɔc cï thou yiic, ku ye Bɛ̈nydïït nu ë Meliik ke piny nɔm nïïm. Raan ë wo nhiaar, ago wo waak në karɛckuɔ në riɛm de yenguöp,

Nyuuth 17:14

Ku abïk tɔŋ yiɛ̈n Nyɔŋamääl, ku abï Nyɔŋamääl ke tiaam, luɔi ee yen Bɛ̈nydït ë bäny nïïm, ku ye melik ë meliik nïïm, ku kɔc cath në yen acï ke cɔɔl, ku cïke lɔc, ku yek adööt.”

Nyuuth 19:16

Ku acath ke rin cï gɔ̈ɔ̈r ë lupɔde kɔ̈u ku gäär ë yeɣäm an, “MELIK NU Ë MELIIK NÏÏM, KU BƐ̈NYDÏÏT NU Ë BÄNYDÏT NÏÏM.”