Danyel 2:44 - JAM DE NHIALIC 2011

⁴⁴ Ku të ceŋ ee bänykë piny, Nhialic de paannhial abï ciɛɛŋde looi, ciɛɛŋ cïï bï thök athɛɛr. Acïï bï tiaam, ku abï ee meliikë riɔ̈ɔ̈r kedhie taitai, ku jɔ ceŋ aɣet athɛɛr.

Danyel 2:44 ပူးပေါင်းရင်းမြစ်များ

Cäk 49:10

Ku thieny ë bääny acïï bï jäl tëde Juda. Mïthke abïk aa bäny ë caaŋden. Abï juöör en aa kuöt athölbɔ̈, ku abïk kenïïm aa guöt piny në yenɔm në riëëu.

2 Tham 7:13

Yen abï Yɛn yiëk ɣöt, ku thööny de ciɛɛŋde yen abï tɔ̈u athɛɛr.

2 Tham 7:16

Ku dhiëndu ku ciɛɛŋ de melik acïï kɔ̈u bï tɛɛm tëde yïn, thöönydu abï cieŋ aɣet athɛɛr.’ ”

Diɛt 145:13

Ciɛɛŋdu ee ciɛɛŋ tɔ̈u athɛɛr, ku yïn ee melik aɣet athɛɛr. Bɛ̈nydït adöt në gutguutde yic ëbɛ̈n, ku ee piɔ̈u kok në luɔide yic ëbɛ̈n.

Yith 60:12

Ku juöör cïï yï bï luööi abïï keek riɔ̈ɔ̈r taitai.

Edhekiɛl 37:25

Abïk rëër piny wään cä gäm awundï Jakop, të ɣɔn rëër ë kuarken. Abïk rëër ëtɛ̈ɛ̈n aɣet athɛɛr, ku yen ee täu bïï mïthken ku kuatden ëbɛ̈n tɔ̈u. Melik cït awundiën Debid abï ke cieŋ aɣet athɛɛr.

Danyel 2:28

Ku ade Nhialic nu paannhial, yen ee kacïmoony nyuɔɔth. Nhialic acï melik nyuöth ka bï tuöl wadäŋ. Ku ënɔɔnë yïn bä lɛ̈k nyuöth ë nyuöth yïn, wään niin yïn në agen nɔm.

Danyel 2:34

Ku të wën woi yïn en, gök dïït ë kuur acï löny ë awiɛn nɔm nhial ke cïn raan cï yen jak, ku yup cök ke wëëth kekë tiɔɔm de këdïït cï käär ago keek wɛɛr piny.

Danyel 2:35

Ku ëtɛ̈ɛ̈n, wëëth, ku tiɔp, ku maläŋ, ku ateek, ku adhääp acïk lɔ mot ka cïk ciët tɔɔr nu tën ye rap kɔ̈ɔ̈m mɔ̈i. Go yom keek kuɔɔth wei kedhie, abï ciën të tiëc. Ku kuur acï bɛ̈n dït abï ya kuurdït cï piny paat nɔm.

Danyel 2:37

Yïn melik. Yïn adït në meliik ëbɛ̈n. Nhialic de paannhial acï yïn gäm ciɛɛŋ, ku gëm yïn riɛl, ku ŋeeny ku dhuëëŋ.

Danyel 2:43

Ku acï tïŋ aya nɔn cï ë wëëth liääp kekë tiɔp anyoth nɔn bï bäny ye them luöi bïï kek ɣöötken määt në kueer ë thiëëk, ku acïkï bï lëu, cït man cïï ë wëëth duëër liääp kekë tiɔp.

Danyel 4:3

“Kake gäi cïï Nhialic ke nyuöth wook ayek kadït. Ku ka göök cïï Nhialic ke looi ayek karil. Ciɛɛŋ de Nhialic abï ɣet athɛɛr, ku abï pinynɔm cieŋ aköölnyïïn ëbɛ̈n.

Danyel 4:34

Go ë melik lueel an, “Na wën cï run kadhorou thök, guɔ nhial woi, go piɔ̈ndï rɔt puk, guɔ Nhialic dït piɔɔny, ku gäm riëëu ku dhuëëŋ raan ee pïïr athɛɛr. “Abïï piny cieŋ aɣet athɛɛr, ku ciɛɛŋde abï tɔ̈u aköölnyïïn ëbɛ̈n.

Danyel 6:26

Acä lɛ̈k kɔc wundï ëbɛ̈n an, raan ëbɛ̈n ë ye riɔ̈ɔ̈c ku rïïu Nhialic de Danyel. “Yen ee Nhialic pïïr, ku abï piny cieŋ aɣet athɛɛr. Ciɛɛŋde acïï bïï riɔ̈ɔ̈k taitai, ku riɛlde acï kɔn thɔ̈k.

Danyel 6:27

Yen ee kony ku luɛ̈k, Yen ee göök looi ku looi kake gäi paannhial ku piny nɔm. Acï Danyel kony në luɔi bï ë kɔ̈ɔ̈r ye nɔ̈k.

Danyel 7:27

Bääny ku riɛldït de ciɛɛŋ ë pinynɔm ëbɛ̈n abïï gäm kɔc ke Nhialic dït. Ku riɛl de bäänyden acïï kɔ̈u bï tɛɛm ku bäny ke pinynɔm ëbɛ̈n abïk keek aa luööi ku rïïukï keek.

Danyel 8:25

Në biäk pel en, abï tiam në täŋdɛn racic. Abï rɔt lɛɛc, ka abï kɔc juëc riɔ̈ɔ̈k ke ke cïï lɛ̈k. Ku abï teer aya kekë melik dïït ë kɔc kedhie, ku abïï dhil riɔ̈ɔ̈k në riɛl cie riɛl de raan.

Maika 4:7

Kɔc cï gum abä ke tɔ dɔ̈ŋ apïïr, ku kɔc cï cuɔp wei ta keek ë jur ril. Abä ke cieŋ në Kuur ë Dhiɔn nɔm, gɔl ënɔɔnë aɣet athɛɛr.

Ɣagai 2:22

ku puɔ̈k thööny de ciɛɛŋ piny, ku riääk riɛl de ciɛɛŋ ë juöör ëbɛ̈n. Ku puɔ̈k abëël ke tɔŋ piny, ayï kɔc ee cath thïn. Ku jöŋgöör ke tɔŋ abïk thou, ku kɔc ee cath në kekɔ̈ɔ̈th abïk röt lɔ̈ɔ̈k nɔ̈k kapäc.

Ɣagai 2:7

Aye Bɛ̈nydït de rɛm lueel an, Yɛn bï juöör pɔ̈k piny kedhie, ka wëuken abïk guëër eenë, ka Luaŋdït abï thiäŋ ke athiɛɛi.

Math 28:18

Go Yecu bɛ̈n, bïï ku yöök keek an, “Riɛl ëbɛ̈n acï gäm ɛn paannhial ayï piny nɔm.

Jɔn 12:34

Go kut ë kɔc bɛ̈ɛ̈r an, “Acuk piŋ ë löŋic nɔn bï Kërtho tɔ̈u athɛɛr: ku eeŋö luel yïn en an, “Bï Wën ë Raan dhil jat nhial? Eeŋa ye Wën ë Raan?”

Ɣeberuu 12:28

Jɔku Bɛ̈nydït leec në luɔi cï Yen wo gäm ciɛɛŋ cïï duëër ë nieeŋ. Yok Nhialic tiiŋ piɔ̈u në läm ye wok e lam ku luuiku, ku lecku, yok riɔ̈ɔ̈c ku rïïuku.

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.

Nyuuth 2:27

ku abï keek aa cieŋ në thieny wëëth, ku abïk thou abïk lɔ thorthor cït man ë töny ke tiɔp, acït man ë riɛl cä yök tëde wäär: