Danyel 2:37 - JAM DE NHIALIC 2011

³⁷ Yïn melik. Yïn adït në meliik ëbɛ̈n. Nhialic de paannhial acï yïn gäm ciɛɛŋ, ku gëm yïn riɛl, ku ŋeeny ku dhuëëŋ.

Danyel 2:37 ပူးပေါင်းရင်းမြစ်များ

1 Mel 4:24

Tholomon aa mac piny ëbɛ̈n, gɔl në aköl athɛ̈i de wɛ̈ɛ̈r ë Yuparat në Tipatha ɣeet Gadha, ku meliik ë mac ëtɛ̈ɛ̈n kedhie aake ye yen luööi ku piŋkï thok, ku aa de mät ke wuöt thiääk në yen ëbɛ̈n.

2 Mel 25:28

Ku aaye Ebilmerodak ŋiëc luööi apiɛth, ku gëm tëdïït ë riëëu awär meliik cï peec ɣɔn tɔ̈u ë yen ëtök në Babilon.

2 Lëk 36:23

“Ku jam ë lueel Thairuth kï, melik de Perthia an: Bɛ̈nydït, Nhialic de paannhial, acï ya looi ke ya ye bɛ̈ny de piny nɔm ëbɛ̈n, ku acï yɛn gäm luɔi bän ɣönde tɔ yïk në Jeruthalem ë Juda. Ënɔɔnë, week wedhie wek kɔc ke Nhialic, lakkï ëtɛ̈ɛ̈n, ku Bɛ̈nydït Nhialicdun abï tɔ̈u ke week.”

Edhr 1:2

“Thairuth Melik de Perthia acï lueel an, Bɛ̈nydït, Nhialic de paannhial, acï ya gäm ciɛɛŋ de wuöt ke piny nɔm ëbɛ̈n, ku acï yɛn gäm luɔi bän ɣönde tɔ yïk në Jeruthalem ë Juda.

Edhr 7:12

“Ee yɛn Ateradath, Melik nu ë Meliik nïïm, awerekë yen agäär Edhera, bɛ̈ny de kake Nhialic ku ye raan cï wëët në lööŋ ke Nhialic de paannhial, we cä thiëëc.

Diɛt 62:11

Acä piŋ ke lueel ë Nhialic nɔn ye riɛl këde Nhialic Yetök,

Kɛ̈ŋ 8:15

Yɛn ee meliik kuɔny, gokï ŋiëc guïïr apiɛth, ku kuɔny bäny, gokï lööŋ piɛth looi.

Yith 10:8

Ee rɔt leec an, “Raan ëbɛ̈n në bäny ke remdiën ke tɔŋ yiic, ee melik!

Yith 47:5

Aye Bɛ̈nydït lɛ̈k kɔc ke Babilon an, “Nyuc ke yï mim në mɔ̈ɔ̈thic, acïk yïn bï bɛ aa cɔɔl an nya bɛ̈ny de juöör!

Jeremia 28:14

Acïï Bɛ̈nydït de rɛm, Nhialic de Yithriɛl lueel, abï wai de wëëth tääu në ee juöörkë yiëth kedhie, ku abïk melik Nebukadnedhar de Babilonia aa luööi. Acïï Bɛ̈nydït lueel nɔn bï yen läi roor tɔ luui Nebukadnedhar.”

Jeremia 34:1

Go jam de Bɛ̈nydït bɛ̈n tëde yɛn, wään bï Nebukadnedhar melik de Babilonia kekë remdɛn de tɔŋ, ku akony ë rɛm ke juöör ku thook ëbɛ̈n, juöör wään cï ke peec, aake mɛk Jeruthalem ku lɔ wuöt thiääk në yen.

Edhekiɛl 26:7

Aye Bɛ̈nydït Awärjäŋ lueel an: “Yɛn bï melik dït nu ë meliik nïïm lɔ bɛ̈ɛ̈i, melik Nebukadnedhar de Babilonia, bïï Tayer bɛ̈n mak. Abï bɛ̈n në biäk të lɔ rut kekë remdïït de tɔŋ, në jöŋgöör ku abëël ke tɔŋ ku jööt ke tɔŋ.

Danyel 1:2

Go Bɛ̈nydït Nebukadnedhar tɔ pec Jeɣoyakim, ku jɔt wëu kɔ̈k ke ɣön ë Nhialic. Ku jɔt ka kɔ̈k cï peec leer keek paande tɛ̈ɛ̈u ke ë luaŋ yaathde yic.

Danyel 2:31

“Yïn melik, në nyuöthdu yic, yïn cï këdïït cï käär tïŋ akääc ë yïnɔm, alɔ dhai ku ariau, ku ee kɔc riääc në wui.

Danyel 2:44

Ku të ceŋ ee bänykë piny, Nhialic de paannhial abï ciɛɛŋde looi, ciɛɛŋ cïï bï thök athɛɛr. Acïï bï tiaam, ku abï ee meliikë riɔ̈ɔ̈r kedhie taitai, ku jɔ ceŋ aɣet athɛɛr.

Danyel 4:19

Cöökë acï Danyel ku yen ye cɔl Beltecadhar tɔ mum nɔm aläl abï lɔ dïu ke cïï jam. Go ë melik lɛ̈k en an, “Beltecadhar, du nyuöth kekë wɛ̈r de yen yic tɔ mum yïnɔm. Go Beltecadhar bɛ̈ɛ̈r an, “Yïn melik, anhiaar adï jɔ nyuöth kekë wɛ̈r de yen yic rɔt puɔ̈k kɔc ke aterdu, ke cie yïn.

Danyel 4:22

“Yïn melik, yïn aye tim bɛ̈ɛ̈r ril. Yïn cï dït aläl ka yïn cï ɣet nhial, ku riɛldu acï ɣet ë piny thar.

Danyel 4:25

Yïn bï cuɔp wei në kɔc yiic, ku yïn bï lɔ rëër wek ë läi roor. Në run kadhorou yiic, yïn bï nyuäth ë wal cï lɛ̈i, ku yïn bï tɔ̈c biic, të bï thäc yïn thɛ̈c. Ku ëtɛ̈ɛ̈n abä gam nɔn yen Nhialic dït, yen muk ciɛɛŋ de pinynɔm ëbɛ̈n, ku aduëër ke gäm raandɛn kɔɔr ë yepiɔ̈u.

Danyel 4:3

“Kake gäi cïï Nhialic ke nyuöth wook ayek kadït. Ku ka göök cïï Nhialic ke looi ayek karil. Ciɛɛŋ de Nhialic abï ɣet athɛɛr, ku abï pinynɔm cieŋ aköölnyïïn ëbɛ̈n.

Danyel 4:32

Yïn bï cuɔp wei në kɔc yiic, yïn bï rëër wekë läi, ku nyuäth wal cït man ë lɛ̈i në run kadhorou yiic. Ëtɛ̈ɛ̈n abä jɔ ŋic nɔn yen Nhialic dït, yen ade nɔm riɛl në ciɛɛŋ ë kɔc ke pinynɔm ëbɛ̈n, ku aduëër keek gäm raandɛn cï tak ë yepiɔ̈u.

Danyel 4:34

Go ë melik lueel an, “Na wën cï run kadhorou thök, guɔ nhial woi, go piɔ̈ndï rɔt puk, guɔ Nhialic dït piɔɔny, ku gäm riëëu ku dhuëëŋ raan ee pïïr athɛɛr. “Abïï piny cieŋ aɣet athɛɛr, ku ciɛɛŋde abï tɔ̈u aköölnyïïn ëbɛ̈n.

Danyel 5:18

“Nhialic dït acï wuur Nebukadnedhar tɔ ee melik dït, ku gëm dhuëëŋ ku riëëu.

Danyel 7:14

Acï gäm riɛl, ku dhuëëŋ ku bääny de ciɛɛŋ, ago kɔc ke juöör ëbɛ̈n, ku kɔc ëbɛ̈n, ku thook ëbɛ̈n yen aa luööi. Riɛlde abï tɔ̈u aɣet athɛɛr ku ciɛɛŋde acïï kɔ̈u bï tɛɛm.

Ɣodh 8:10

Na cakaa nɔn cï kek röt ɣɔ̈c juöör, abä keek bɛ mat yiic tëtök, ku luöi keek këtuc. Ka abïk thök në meliik cin, meliik yɔŋ keek.

Math 6:13

Ku du wook ë lɛɛr ë themic, Ye wo luök në kërac, Ciɛɛŋ ee këdu, riɛl ee këdu, Dhuëëŋ ee këdu, aɣet athɛɛr. Amiin.

Jɔn 19:11

Go Yecu bɛ̈ɛ̈r an, “Acïn riɛl cath ke yïn riɛl bï yïn a cieŋ, tëë yï kënë tënhial miɔɔc: yen a dïïtë kërɛɛc ë raan ë yïn a yïn, awär kërɛɛcdu.”

Nyuuth 1:5

ku në kë bɔ̈ tëde Yecu Kërtho, ee cäätɔ adöt, ku ye raan cï dhiëëth ke ye kɛ̈ɛ̈i ë kɔc cï thou yiic, ku ye Bɛ̈nydïït nu ë Meliik ke piny nɔm nïïm. Raan ë wo nhiaar, ago wo waak në karɛckuɔ në riɛm de yenguöp,

Nyuuth 17:14

Ku abïk tɔŋ yiɛ̈n Nyɔŋamääl, ku abï Nyɔŋamääl ke tiaam, luɔi ee yen Bɛ̈nydït ë bäny nïïm, ku ye melik ë meliik nïïm, ku kɔc cath në yen acï ke cɔɔl, ku cïke lɔc, ku yek adööt.”

Nyuuth 19:16

Ku acath ke rin cï gɔ̈ɔ̈r ë lupɔde kɔ̈u ku gäär ë yeɣäm an, “MELIK NU Ë MELIIK NÏÏM, KU BƐ̈NYDÏÏT NU Ë BÄNYDÏT NÏÏM.”

Nyuuth 4:11

“Ee kë rɔ̈ŋ ke yïn, yïn Bɛ̈nydït, luɔi bï yïn lɛc yök ku yök riëëu ku riɛldït. Ë luɔi cï yïn käŋ cak kedhie, ku në këde piɔ̈ndu yen anu kek, ku yen aa ciɛkë ke.”

Nyuuth 5:12

ku luelkï ë röl dït, an, “Nyɔŋamääl en arɔ̈ŋ ke luɔi bï en riɛldït yök, ku yök juëcdekäŋ, ku pɛlënɔm, ku riɛl, ku riëëu, ku dhuëëŋ, ku athiɛɛi!”