Danyel 2:34 - JAM DE NHIALIC 2011

³⁴ Ku të wën woi yïn en, gök dïït ë kuur acï löny ë awiɛn nɔm nhial ke cïn raan cï yen jak, ku yup cök ke wëëth kekë tiɔɔm de këdïït cï käär ago keek wɛɛr piny.

Danyel 2:34 ပူးပေါင်းရင်းမြစ်များ

Diɛt 118:22

Kuur wään cï kɔc ee yïk rɛɛc an cïï piɛth acï rɔt puk ke ye kë de naamde në käŋ yiic kedhie.

Yith 28:16

Kë lueel ë Bɛ̈nydït Awärjäŋ ë nɔɔnë kï an, “Yɛn tɛ̈ɛ̈u këërkëër ril ku le dïu piny në Dhiɔn. Ku yɛn bï kuur de aguk nɔm ril tääu ë yenɔm, ku acï gäär kɔ̈u ee wëlkë an, ‘Gäm ril ee käŋ guum.’

Yith 60:12

Ku juöör cïï yï bï luööi abïï keek riɔ̈ɔ̈r taitai.

Yith 8:9

Määtkï wenïïm ëtök në riɔ̈ɔ̈c wek kɔc cieŋ piny! Piëŋë yïn piny mec nu biäk tui. Cuɔckï röt thäärkï ku yak riɔ̈ɔ̈c! Ɣɛɛ, cuɔckï röt ku yak riɔ̈ɔ̈c!

Edhekiɛl 32:28

“Yen tän bïï ë kɔc ke Rip dum yiic ka në kɔc kënë keek cueel yiic, kɔc ɣɔn näk keek ë tɔŋic.

Edhekiɛl 47:5

Go bot kadhïc ku thiërdhetem ke akeem bɛ them, go nyin yic thuth ku cä lëu në tɛ̈m, ee kuaŋ yen duëër ë raan ye teem kɔ̈u.

Danyel 2:33

Ku diirke ayek wëëth, ku cökke biäk ee wëëth ku biäk ee tiɔp.

Danyel 7:27

Bääny ku riɛldït de ciɛɛŋ ë pinynɔm ëbɛ̈n abïï gäm kɔc ke Nhialic dït. Ku riɛl de bäänyden acïï kɔ̈u bï tɛɛm ku bäny ke pinynɔm ëbɛ̈n abïk keek aa luööi ku rïïukï keek.

Danyel 8:25

Në biäk pel en, abï tiam në täŋdɛn racic. Abï rɔt lɛɛc, ka abï kɔc juëc riɔ̈ɔ̈k ke ke cïï lɛ̈k. Ku abï teer aya kekë melik dïït ë kɔc kedhie, ku abïï dhil riɔ̈ɔ̈k në riɛl cie riɛl de raan.

Dhek 12:3

Në ee köölë, yɛn bï Jeruthalem tɔ thiek cït man ë kuur, ka juöör ke pinynɔm kedhie, juöör lɔ ye them në nyiɛɛi abïk röt wääth. Juöör ke pinynɔm kedhie abïk mat, ku wëlkï nɔm ater.

Dhek 4:6

Go jɔ puɔ̈k nɔm ɛn an, “Kënë ee jam lëk ë Bɛ̈nydït Dherubabel an: Acie riɛl, ku acie jööt, ee në wëikï. Yen kë cï Bɛ̈nydït de rɛm lueel ka. Eeŋö bä cök nɔm yïn kuur dït? Yïn bï rai piny në Dherubabel nɔm tueŋ, ka yïn bï nɔm kït wekë piny.

Math 16:18

Ku yïn yɔ̈ɔ̈k, yïn Petero, yïn ee kuur, ku yɛn bï ɣön ë Nhialicdï yïk ee kuurë nɔm, ku acïn riɛl ë paan ë thuɔɔu bï yen tiaam.

Jɔn 1:13

Kɔc kënë dhiëëth ë riɛm, ku kënëke dhiëëth ë këde guöp, ku kënë ke dhiëëth ë këde piɔ̈n ë moc, aake dhiëëth Nhialic.

Luɔi 4:11

Në rin ke Yecu guöp, yen a kɛ̈ɛ̈cë raanë ee tënë ë wenïïm, ke cï guöp pial. ‘Kënë ee kuur wään cäk rɛɛc, wek kɔc yïk alooc, ku aye tɔ ye kuur ë agukic kuur de naamde.’

2 Kor 5:1

Ku kënë aŋicku an, ɣöndan ë piny nɔm, yen paany ee wok rëër thïn, të cï en riääk, ke wo de ɣön bɔ̈ tëde Nhialic, ɣön ë cïï yïk ë raan ciin, ee ɣön bï tɔ̈u athɛɛr paannhial.

Ɣeberuu 9:24

Ku Kërtho akën lɔ në tëɣeric yic kë ë yïk ë raan ciin. Ee tëɣeric yic nu paannhial yen aleer En guöpde, ku ënɔɔnë ee tïc ë Nhialic nɔm në nyinda yic.

1 Pet 2:7

Yen a de en naamde tëde week, wek kɔc cï gam: ku tëde kɔc reec gäm, “Kuur ɣɔn reecë yïk, Yen guöp acï tɔ ye kuur dïït nu ë aguk de pänyic.”

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.

Nyuuth 17:14

Ku abïk tɔŋ yiɛ̈n Nyɔŋamääl, ku abï Nyɔŋamääl ke tiaam, luɔi ee yen Bɛ̈nydït ë bäny nïïm, ku ye melik ë meliik nïïm, ku kɔc cath në yen acï ke cɔɔl, ku cïke lɔc, ku yek adööt.”