Danyel 2:27 - JAM DE NHIALIC 2011

²⁷ Go ë Danyel bɛ̈ɛ̈r an, “Yïn melik, acïn röör pelnïïm, ayï kɔc ee cɔ̈ɔ̈r, ayï kɔc ee thuëth ayï kɔc ee meek, kɔc duëër yïn lɛ̈k ee këcïmoonyë.

Danyel 2:27 ပူးပေါင်းရင်းမြစ်များ

Cäk 40:8

Gokï puɔ̈k nɔm en an, “Wok ë nyuöth wën akɔ̈u, ku acïn raandan wëër keyiic wook.” Go Jothep lɛ̈k keek an, “Ee Nhialic Yen ee raan gäm riɛl yen nyuöth weeriic, ka week guiëërkï yɛn nyuöthkun.”

Cäk 41:8

Na ɣɔn amiäk, ke pääc ke cï nɔm mum. Go melik tït ke Rip cɔɔl kedhie, ku cɔɔl röör pelnïïm. Ku guïïr keek nyuöthde. Ku acïn raan töŋ cï ke bɛ̈n lëu në wër ë yic.

Yith 19:3

Kɔc ke Rip acïkï piɔ̈ɔ̈th bï riɛl, yɛn bï täŋden liääp. Abïk kuɔɔny aa thiëëc tëde yiëthken, ku abïk lɔ ku lopkï kɔc ee cɔ̈ɔ̈r, ku thiëkkï wëi ë kɔc cï thou në kë bï looi

Yith 44:25

Yɛn cï kɔc ee käŋ caar tɔ cït dhän, ku ta kɔc ee kanhial caar rac piɔ̈ɔ̈th. Ku jääny wël ke röör pelnïïm ku ta ŋïnydɛn de käŋ ee dhɔ̈ɔ̈n.

Jeremia 10:7

Eeŋa cïï yïn duëër riëëu, yïn ee melik de juöör ëbɛ̈n? Yïn rɔ̈ŋ we riëëu. Acïn raan cït Yïn, në kɔc pelnïïm ke juöör ëbɛ̈n, ku nɔn ee meliikken yiic ëbɛ̈n.

Danyel 1:20

Ku në këriëëc yic ëbɛ̈n, kë ye melik luɔp në pɛlënɔm kekë ŋïnydekäŋ, aye wäthii kaŋuan keek ŋic raanthiëër awär kɔc ee thuëth, ku kɔc ee cɔ̈ɔ̈r në ciɛɛŋ ë melikic ëbɛ̈n.

Danyel 2:2

go kɔc ee thuëth, ayï kɔc ee cɔ̈ɔ̈r, ku kɔc ee lam, ku kɔc ee caw ku kɔc pelnïïm tɔ cɔl bïk nyuöth bɛ̈n wɛ̈ɛ̈ric en. Wën cï kek bɛ̈n gokï kɔ̈ɔ̈c ë melik nɔm,

Danyel 4:7

Go kɔc ee thuëth, ku kɔc ee cɔ̈ɔ̈r, ku kɔc ee lam, ku kɔc ee meek bɛ̈ɛ̈i, aguɔ keek lɛ̈k nyuöthdï gokï kɛ̈n bɛ̈n wɛ̈ɛ̈ric ɛn.