Danyel 2:23 - JAM DE NHIALIC 2011

²³ Yïn lɛɛc ku riëëu Yïn, Nhialic de kuarkuɔ. Yïn cï ya gäm pɛlënɔm kekë riɛl, Yïn cï lɔ̈ŋda bɛ̈ɛ̈r, ku yïn cï wo nyuöth kë buk lɔ lɛ̈k melik.

Danyel 2:23 ပူးပေါင်းရင်းမြစ်များ

Cäk 18:17

Ago Bɛ̈nydït lueel an, “Bä kë kaar bä looi thiaan në Abraɣam.

Cäk 31:42

Na cie luɔi tɔ̈u ë Nhialic de wää ke yɛn, Nhialic de Abraɣam kekë Yithaak, adï cï ya tɔ jäl në yacin tei aya. Nhialic ë ciɛɛŋ kuöc ë ya ciëëŋ tïŋ. Ku tïŋ luɔi cä looi, go yï jääm wën akɔ̈u.”

1 Mel 18:36

Na wën aacï thaa de miɔ̈ɔ̈c thëën bɛ̈n, ke tiët Elija ë lɔ ë yïk lɔ̈ɔ̈m, ku lɛ̈ŋ an, “Bɛ̈nydït, Nhialic de Abraɣam, ku Yithaak, ku Jakop, nyuɔɔthë rɔt ee köölë luɔi Yïn ee Nhialic në Yithriɛl, ku luɔi yan lïmdu, ku nɔn luɔɔi yɛn ee kakë kedhie në Jamduön ë lɛ̈kë yɛn.

1 Mel 8:57

Në Bɛ̈nydït tɔ̈u ke wook cït man ɣɔn tɔ̈u En ke kuarkuɔ, ë cïï wo nyiëëŋ piny,

1 Lëk 29:10

Ëtɛ̈ɛ̈n Debid ë Bɛ̈nydït bɛ̈n leec ke amatnɔm ë tɔ̈u thïn ëbɛ̈n, ku lueel an, “Thieithieei në Yïn Bɛ̈nydït, Nhialic de kuɛɛrëda Jakop, Yïn bï aa leec aɣet athɛɛr!

1 Lëk 29:13

Ënɔɔnë Nhialicda, Yïn cuk leec, ku wok cï rinkuön ke dhuëëŋ piɔɔny.

2 Lëk 20:6

ku lɛ̈ŋ në röldït an, “Bɛ̈nydït Nhialic de kuarkuɔ, ee yïn ee bɛ̈ny ceŋ tënhial ku mac juöör ke piny nɔm ëbɛ̈n. Yïn ril ku Yïn Wärjäŋ, ku acïn raan duëër yïn jɔ̈ɔ̈ny.

Diɛt 21:2

Acï gäm kë kɔɔr ë yepiɔ̈u, yïn cï kën ë kɔɔr gäm en.

Diɛt 21:4

Acï yï lip në pïïr, go gäm en, acï gäm run juëc ke pïïr.

Diɛt 25:14

Bɛ̈nydït ee määth kekë kɔc ee ye riëëu guöp ku kek aye ke nyuöth mände.

Diɛt 50:14

Miɔc Nhialic në miɔ̈c de thieithieei, ku gämë Nhialic Awärjäŋ këduön cï yïn gutguut lueel.

Bɛ̈n 3:15

lɛ̈kë kɔc ke Yithriɛl an, Ee Bɛ̈nydït Nhialic de kuarkun, Nhialic de Abraɣam kekë Yithaak, ku Jakop yen ë tuc ɛn week. Kek rinkï ka anandï, rin bï rɛm Ya aa cɔɔl në rɛm bɔ̈ ciëënë yiic ëbɛ̈n.

Kɛ̈ŋ 21:22

Raan pelnɔm aduëër rem ril de tɔŋ tiaam, ku dhoŋ tëdɛn dïït ë riɛl piny.

Kɛ̈ŋ 24:5

Raan pelnɔm aril arëët awär raan ril ë guöp, ku ŋuak riɛl në ŋïnydekäŋ.

Kɛ̈ŋ 8:14

Yɛn ee käŋ kiëët ku dɛ pɛlënɔm yic. Yɛn ee käŋ yökiic, ka yɛn ril.

Wɛ̈ɛ̈t 7:19

Pɛlënɔm aduëër raan pelnɔm gäm riɛl awär kë duëër ë bäny kabɛ̈t luöi wut.

Wɛ̈ɛ̈t 9:16

Guɔ jɔ lueel an, “Pɛlënɔm awär riɛl. Cakaa nɔn cïï kek pɛlënɔm de raan kuanynyin biɔɔn, ku cïkï lööŋke piŋ.

Wɛ̈ɛ̈t 9:18

Pɛlënɔm aril awär wëu ye ke tɔŋ thɔ̈ɔ̈r, ku raan töŋ ee karɛc looi aduëër kapiɛth juëc riɔ̈ɔ̈k.

Yith 12:1

Ade kööl bɔ̈, kööl bïï ë kɔc ket an, “Yïn cä leec, Bɛ̈nydït! Yïn aa göth we yɛn, ku ënɔɔnë Yïn ë ya duut piɔ̈u ku cïï be gɔ̈th.

Jeremia 33:3

“Calkï Yɛn, ku Yɛn bï këdun bɛ̈ɛ̈r, wek bä lɛ̈k göök ku kake gäi cïn kë ŋiɛckï ë baŋden.

Danyel 1:17

Nhialic ë wäthii kaŋuan gäm ŋïnydekäŋ, ku tëët ë gäär kekë pɛlënɔm dït. Ku jɔ Danyel ŋuak në miɔ̈c de wɛ̈r ë nyuuth yiic kekë nyuöth.

Danyel 2:18

Go keek yɔ̈ɔ̈k, bïk Nhialic de Paannhial lɔ̈ŋ ë baŋ ë kokëpiɔ̈u, ku bïk luɔp bï keek nyuöth wɛ̈r de këcïmoony yic, ago keek cïï bï nɔ̈k ëtök në röör pelnïïm de Babilon.

Amoth 3:7

Bɛ̈nydït Nhialic acïï këdäŋ ee guɔ looi, ke kën tït ke Nhialic awuutke kɔn nyuöth kë cï kiëët.

Math 11:25

Ë aköölkë go Yecu bɛ̈ɛ̈r ku lueel an, “Yïn lɛc nɔm, yïn Wäär, Bɛ̈nydït ë paannhial ku piny, ë luɔi cï yïn kakë mɔ̈ny kɔc pelnïïm, ku kɔc de nïïm, ku nyuöthë ke mïththii thuët.

Luk 10:21

Ku në thaar manë guöp ke Yecu jɔ piɔ̈u miɛt në Wëidït, ku lueel an, “Yïn lɛɛc, Wäär Bɛ̈nydït de Paannhial, në luɔi cïn kakë mɔ̈ny kɔc pel ku kɔc de nïïm, ku jɔ keek nyuöth mïththii ateteet: ee yen, Wäär, en acï guɔ miɛt ë yïpiɔ̈u.

Jɔn 11:41

Gokï kuur nyaai, të wën cï raan cï thou thiɔ̈k. Go Yecu enyin jat nhial, ku lueel an, “Wäär, thieithieei, nɔn cï yïn këdï piŋ.

Jɔn 15:15

We cä bï bɛ tɔ ye lïïm, lïm akuc kë looi bɛ̈nyde: ku we cä tɔ ye määthkï, luɔi cän we tɔ ŋic këriëëc ëbɛ̈n ka cä piŋ tëde Wäär.

Nyuuth 1:1

NYUUTH de Yecu Kërtho, nyuuth cïï Nhialic gäm en, bï lïïmke bɛ̈n nyuöth ka bï dhil dap tïc: go tunydɛnnhial tuööc le lïmdɛn Jɔn lɛ̈k:

Nyuuth 5:5

Na wën, ke ya yöökë raan tök ë röördït yiic, an, “Du dhiau: tïŋ, Köör ë dhiën ë Juda, ee Meei de Debid, acï tiam, në liëm bïï en awerek liep ku në kuëŋ bï en adɔ̈k kadhorou kuek.”