Danyel 12:4 - JAM DE NHIALIC 2011

⁴ Go ë tunynhial lɛ̈k ɛn an, “Ku ënɔɔnë, Danyel, thiɔ̈k awerek ku bot thok aɣët cï thök de piny nɔm. Ku kɔc juëc abïk kaamdït thöl ke ke kɔɔr luöi bï kek kë loi rɔt yökic.

Danyel 12:4 ပူးပေါင်းရင်းမြစ်များ

Yith 11:9

Në Dhiɔn nɔm kuur ɣeric de Nhialic, abï ciɛ̈n kë bï raan luöi buɔ̈t ku nɔn ee kërac. Piny abï nɔm thiäŋ ke ŋïny de Bɛ̈nydït cït man ee wɛ̈ɛ̈r thiäŋ në pïïu.

Yith 29:11

Nyuuth cïï tït ke Nhialic lueel ëbɛ̈n abïï ke thiaan në week, abï ciët awerek cï guur thok. Na lak yiɛ̈n raan ŋic kuɛ̈n ku thiëckï ke bï kuɛ̈n week, abï lueel an, “Acä bï lëu në kuɛ̈n ë luɔi cïï ye guur thok.

Yith 30:26

Pɛɛi abï ruɛl cï akɔ̈l, ku akɔ̈l abï ruɛlde matic raandhorou, ka bï ciët ruɛl de nïn kadhorou matiic. Kënë abï rɔt looi të le Bɛ̈nydït tëtöök ke kɔcke duut nyïïn, ku tɔ ke dem, tëtöök ɣɔn cï gäm keek.

Yith 32:3

Abïk kenyïïn liep ku woikï kë kɔɔr ë kɔcken.

Yith 8:16

Duötkï jamdï, ku tiɛtkï wëëtdï në kɔckiën ë piööcë yiic.

Jeremia 5:1

Kɔc ke Jeruthalem, katkï ke we kuany kuɛɛriic! Tiëŋkï welɔ̈m! Woikï në gupkun! Kaarkï ɣään ke ɣɔ̈ɔ̈c! Duɛ̈ɛ̈rkï raan tök yök raan ee yic looi ku ye them bï piɔ̈u adöt ke Nhialic? Na bä ye lëu ke Bɛ̈nydït abï Jeruthalem päl awänyde.

Danyel 10:1

(Në ruöön de diäk wään ye Thairuth melik de Perthia, jam acï nyuöth Danyel, yen acɔl Beltecadhar aya, jam aaye yic, ku arilic aläl në luöi bï ë yen yökic, ku jam acï wɛ̈ɛ̈ric yen ë Nyuuth yic.)

Danyel 10:14

Yɛn aa bɔ̈ bä yïn tɔ ŋic kë bï rɔt luöi kɔckun wadäŋ. Kënë ee nyuuth në biäk de wadäŋ.

Danyel 11:33

Bäny pelnïïm ke kɔc abïk pɛlënɔmden rɔm në kɔc juëc kɔ̈k. Ku të thiinë kɔc kɔ̈k në keyiic abïï keek nɔ̈k tɔŋ, ku näk kɔ̈k në many dɛ̈p, ku kɔ̈k abï keek peec ke ke mac.

Danyel 11:40

“Ke të cï kööl ciëën ke melik de Thiriya thiɔ̈k në bɛ̈n, abïï melik de Rip yen yiɛ̈n tɔŋ, ku melik de Thiriya abï tɔŋ looi në riɛlde ëbɛ̈n, abï tɔŋ looi në abëël ke tɔŋ, ku joŋgöör, ku abëël wïïr juëc. Abï wuöt juëc luöi tɔŋ cït man ë pïïu ke amool.

Danyel 12:13

“Ku yïn Danyel, rɛ̈ɛ̈rë ke yï ye piɔ̈u adöt agut cï thök de käŋ. Ku ëtɛ̈ɛ̈n yïn bï thou, ku yïn bï rɔt jɔt, bä ariöpdu bɛ̈n nööm në kööl ciëën.”

Danyel 12:5

Guɔ kɔc kaarou tïŋ ke ke kääc në kiir nɔm, tök lɔŋë ku tök lɔŋë.

Danyel 12:9

Go bɛ̈ɛ̈r an, “Danyel, jɔ jäl ënɔɔnë, wëlkë abïï keek dhil muk ke ke mony ku thian keek agut të bïï ë kööl ciëën bɛ̈n.

Danyel 8:17

Go Gabriɛl bɛ̈n ku kɛ̈ɛ̈c ë yalɔ̈ɔ̈m, ku yɛn aa cï riɔ̈ɔ̈c aläl, man abä wïïk piny. Go lɛ̈k ɛn an, “Mɛnh ë raan, yök kë lueel yic. Nyuuth alueel kë däŋ në biäk de akööl ciëën.

Danyel 8:19

ku lueel an, “Yïn cï nyuöth kë bï agönh de Nhialic lɔ̈ɔ̈k looi, nyuuth anyoothkï täu de akööl ciëën.

Danyel 8:26

Ku nyuuth në biäk de ka näk thëën ku miäk, nyuuth cï wɛ̈ɛ̈ric yïn, abïk keek tɔ ee yic. Ku mony ënɔɔnë, në biäk bïï akööl juëc tɛ̈ɛ̈k ke kën kɔn aa yic.

Math 24:14

Ku wëlpiɛthkë wël ke Ciɛɛŋ abï ke guiëër kɔc ke piny nɔm ëbɛ̈n, agokï aa cäätɔɔ ë juöör nïïm kedhie, ku jɔ thök de käŋ bɛ̈n.

Romai 10:18

Ku wek thiëëc an, Kɛ̈nkï piŋ? Go an, Ɣɛɛ, ee yic, “Rölden acï thiëi ë piny nɔm ëbɛ̈n, 2 Ku lɔ wëlken guut ë piny thar.”

Nyuuth 10:4

Na wën, aacï deŋ määr raandhorou, ke yɛn, an, gäär: guɔ röl piŋ abɔ̈ nhial röl luel en, an, “Mony kak ë lueel määrëdeŋ kadhorou du ke gäär!”

Nyuuth 22:10

Go ya yɔ̈ɔ̈k, an, “Du wël cï guiir bot thook wël ke awerekë, piny acï thiɔ̈k.

Nyuuth 5:1

Na wën, ka ya tïŋ awerek ë ciin cuëny de Bɛ̈nydïït ë rëër ë thöönydït nɔm awerek cï gɔ̈ɔ̈ric ku gäär kɔ̈u, ku cï boot në ka cït adɔ̈k kadhorou.