Danyel 12:3 - JAM DE NHIALIC 2011

³ Ku bäny Pelnïïm abïk lɔ riauriau në gëlgël de paannhial ëbɛ̈n, ku kɔc cï kɔc juëc wëët në luöi bï kek piathëpiɔ̈u aa looi, abïk riau cï kuɛl aɣet athɛɛr.”

Danyel 12:3 ပူးပေါင်းရင်းမြစ်များ

Bɛ̈n 34:35

Ku aaye kɔc en tïŋ luɔi riɛɛu en nyin. Ku ëtɛ̈ɛ̈n, aaye yenyin bɛ kum në lupɔ de kum ë nyin agut të bï yen rɔt bɛ puk le jam kekë Bɛ̈nydït.

Kɛ̈ŋ 11:30

Luɔi de piathëpiɔ̈u ee pïïr bɛ̈ɛ̈i, ku akuöörkuöör ee näk.

Kɛ̈ŋ 3:35

Kɔc pel nïïm abïk dhuëëŋ ë piɔ̈u lɔ̈ɔ̈k lak, ku dhän abïk ayärden ŋuak nyin.

Kɛ̈ŋ 4:18

Ku kueer de kɔc ɣerpiɔ̈ɔ̈th, acït ɣɛɛr de run ë piny, ë lɔ ke jɔ ɣɛɛr abï piny jɔ ruu ë gɔk.

Wɛ̈ɛ̈t 12:9

Ku däŋ piɛɛth ë raan kɔɔr pɛlënɔm, në pɛlënɔmde ee kɔc wɛ̈ɛ̈t në ŋïnydekäŋ, ku mɛ̈ɛ̈t kɛ̈ŋ juëc yiic ku them keek ku kɔɔr ke yiic ku jɔ ke guiir në gök de tëët.

Yith 53:11

Na cï pïïr de guöm thök, abï piɔ̈u bɛ miɛt, abï ŋic nɔn kën Yen gum në ɣɔ̈ric. Awundiën cï rɔt gam, miɛt ɛn piɔ̈u we yen, abï këtuc de kɔc juëc ɣääc ku në biäkde abä keek päl karɛcken.

Jeremia 23:22

Ku na ë ke cï kɔ̈ɔ̈c në löŋdï yic, adï cïk jamdï lɛ̈k kɔckï, ku adï cïk luɔidɛn rac yek looi pɔ̈l, ku pɛ̈lkï karɛc yek looi.

Danyel 11:33

Bäny pelnïïm ke kɔc abïk pɛlënɔmden rɔm në kɔc juëc kɔ̈k. Ku të thiinë kɔc kɔ̈k në keyiic abïï keek nɔ̈k tɔŋ, ku näk kɔ̈k në many dɛ̈p, ku kɔ̈k abï keek peec ke ke mac.

Danyel 11:35

Ku kɔc kɔ̈k në bänykɛn pelnïïm yiic, abïï keek nɔ̈k, ku në biäk de ee kënë kɔc abïk gup piath. Kënë abï rɔt jɔ cuuth aya agut të le ë thök bɛ̈n, kööl cï Nhialic lueel.

Danyel 12:10

Kɔc juëc abï keek tɔ dikëdik, ku wak keek, ku gii keek, ku kɔc ee karɛc looi abïk ŋoot ke ke loi karɛc. Kɔc ee karɛc looi acïkï bï yökic, ee kɔc pelnïïm kapäc kek bï ye yökic.”

Math 13:43

Ë aköölkë kɔc piɛthpiɔ̈ɔ̈th abïk a riauriau cït man akɔ̈l ë ciɛɛŋ de Wuöndenic. Raan de yïth ee yen ke piŋ ke pïŋ!

Math 19:28

Go Yecu ke yɔ̈ɔ̈k an, “Wek yɔ̈ɔ̈k ëyic an, wek kɔc cï a kuany cök, kööl bï käŋ bɛ cak, kööl bï Wën ë Raan rëër ë thööny de dhuëëŋde nɔm, ke week aya we bï rëër ë thöny nïïm kathiëër ku rou, ke we guïïr löŋ de dhiëën ke Yithriɛl kathiëër ku rou.

Math 24:45

Eeŋa ye lïm ŋic käŋ döt, lïm pelnɔm, lïm cïï bɛ̈nyde tääu ë dhiënde nɔm, bï kɔc aa yiɛ̈n këdɛn ee cam ë aköölnyïïn?

Jɔn 4:36

Ku raan ë tem ee ariöp yök, ku ye rap kut nïïm ë këde pïïr athɛɛr, ago raan ee com ayï raan ee tem agokï piɔ̈ɔ̈th miɛt ëtök.

Jɔn 5:35

Yen aaye many ë dɛ̈p ku ye piny riaau: ku wek ë piɔ̈ɔ̈th dɛ luɔi bä wek piɔ̈ɔ̈th miɛt në maanyde tëthiinakäŋ.

Luɔi 13:1

Ku ɣön ë Nhialic nu Antiokia anu ë tït thïn, ayï kɔc ee wëët, yï Baranaba, kekë Thimon rinkɛn kɔ̈k acɔlke Niger, ku Lukio ë bɔ̈ Kurene, ku Maniin, raan wään cï muk kekë Ɣerod ëtök Ɣerod bɛ̈ny, ku Thaulo.

1 Kor 3:10

Luɔi luɔɔi ɛn kë cï tääu ë yacin në dhuëëŋ de Nhialic nu ë atëët nïïm, ku ee raan däŋ yen ayïk thïn. Ku tɔ raan ëbɛ̈n cök ë woi en yïŋ yïk en thïn.

Epethiei 4:11

Go kɔ̈k gaam aye tuuc, ku gɛm kɔ̈k aye tït, ku bï kɔ̈k aa kɔc ë wëlpiɛth guiir, ku bï kɔ̈k aa kɔc ee kɔc tïït ku kɔc ee wëët.

Ɣeberuu 5:12

Adï cäk aa bäny ee kɔc wɛ̈ɛ̈t, ku ënɔɔnë, wek ŋoot ke we kɔɔr raan be week gɔl në wëët ë ka tueŋ ye ke wëët ë yith ke Nhialic gɔl. Wek cït röördït cï röt dɔ̈k ca, ku pälkï kuïn ril kɔ̈u!

2 Pet 3:15

Ku jakï liɛɛr ë Bɛ̈nydïïtda piɔ̈u tɔ ye kunydewëi, acït man cï Paulo mɛnhkënëdan nhiaar e gäär week, në këde pɛlënɔm cï yiɛ̈n en.

Nyuuth 1:20

ku cöök de këcïmoony, kï, cöök ë këde kuɛl kadhorou kuɛl cï tïŋ ë ciin cuënydï, ku kuc ke mɛ̈ckealath ë adhääp kadhorou. Kuɛl kadhorou ayek tuuc ke ɣööt ke Nhialic kadhorou: ku kuc ke mɛ̈ckealath kadhorou ayek ɣööt ke Nhialic kadhorou.

Bäny 5:31

Ka kɔc ke aterdu abïk aa thou aya kedhie, Bɛ̈nydït, ku lɔ määthku riauriau cït aköl ë run ë piny! Ku piny acï bɛ̈n dɛ mät në run kathiërŋuan.