Danyel 12:11 - JAM DE NHIALIC 2011

¹¹ “Gɔl ë kööl ë tɔ miɔ̈c näk aköölnyïïn kääc, yen aye kööl bïï ë KËNHIƐƐNY EE RIƆ̈Ɔ̈C BƐ̈Ɛ̈I jat nhial, yen abï nïn agum ku bot kaarou ku thiërdhoŋuan 1,290 wan.

Danyel 12:11 ပူးပေါင်းရင်းမြစ်များ

Bɛ̈n 29:38

“Ye nyök amɛ̈l kaarou gam aköölnyïïn ëbɛ̈n ë yïk nɔm, nyök amɛ̈l ee ruöön tök.

Edhekiɛl 4:6

Na lɔ ee kënë lɔ thöl, ke yï pɔ̈k rɔt në biäk cuëc, ku be awäny de Juda guum, në nïn kathiërŋuan, kööl tök ë ruöön yic ke ye këtuc luiyë keek.

Danyel 1:12

Ku lëk en an, “Them wook në nin kathiëër yiic, gämë wook wal ye cam ku pïïu buk dek.

Danyel 11:31

Kɔc kɔ̈k në remdɛn ë tɔŋic, abïk Luaŋdït tɔ nhiany yic. Abïk miɔ̈c ye nɔ̈k aköölnyïïn dɔ̈m kɔ̈ɔ̈c. Ku tɛ̈ɛ̈ukï kënhiɛɛny ee riɔ̈ɔ̈c bɛ̈ɛ̈i Luaŋdït.

Danyel 7:25

Abï jam rac luɛɛl ë Nhialic dït guöp, ku abï kɔc ke Nhialic yɔŋ. Abïï them në luɔi bï yen löŋdɛn ë lɔ̈ŋ wel yiic, ayï lööŋken ayï akööl ke dhuëëŋken, ku abï kɔc ke Nhialic cieŋ në run kadiäk ku pɛ̈i kadhetem.

Danyel 8:26

Ku nyuuth në biäk de ka näk thëën ku miäk, nyuuth cï wɛ̈ɛ̈ric yïn, abïk keek tɔ ee yic. Ku mony ënɔɔnë, në biäk bïï akööl juëc tɛ̈ɛ̈k ke kën kɔn aa yic.

Danyel 9:27

Yen ee bɛ̈nyë abï dɛ män ril ëtör kekë kɔc juëc, në run kadhorou, ku të le ë biäk töŋ de ee kaamë wan, abï ka ye nɔ̈k dɔ̈m kɔ̈ɔ̈c kekë miɔ̈c ye gam. Ku kë nhiɛɛny ee kɔc riääc abïï tääu në Luaŋdït nɔm, ku abï tɔ̈u ëtɛ̈ɛ̈n aɣet të bï akööl ke raan ëtɛ̈ɛ̈u en ëtɛ̈ɛ̈n thook thök, akööl cïï Nhialic ke gäm en.

Ɣodh 3:4

Ku yen kë bï mïth ke Yithriɛl tɔ rɛ̈ɛ̈r ka të cïn melik, ku të cïn bäny në aköölkë yiic. Ku acïn miɔ̈c bïk bɛ gam, ayï kur ɣeriic. Ku abïk nïïm ciën lupɔɔ ke ajïpɔ, ku cïnkï nïïm yiëth.

Math 24:15

Të cä wek kënhiɛɛny ee käŋ riɔ̈ɔ̈k tïŋ, kë cï lueel ë tiët Danyel, të cä wek e tïŋ akääc tëɣeric (raan kuen jam tɔ yökic apiɛth).

Mak 13:14

Të cä wek kënhiɛɛny ee käŋ riɔ̈ɔ̈k tïŋ, kënhiɛɛny cï lueel ë tiët Danyel, të cä wek e tïŋ ke kääc të cïï en duëër kɔ̈ɔ̈c, (Raan kuen në ye cök ë piŋ eenë!) Ke kɔc nu Juda ë ke kɔt ke ke lɔ ë kuurdït yiic:

Nyuuth 11:2

Ku kal nu ë luak kɔ̈u biic jɔ pɔ̈l, du them, acï gäm juöör: ku abïk pänydït ɣeric aa dum ë kecök ë pɛ̈i kathiërŋuan ku rou.

Nyuuth 12:6

Ku jɔ tik kat ke lɔ ë jɔ̈ɔ̈ric, jɔ̈ɔ̈r de yic tëdɛn cïï Nhialic guik thïn, ke bï muk ëtɛ̈ɛ̈n agum töŋ de nïn ku bot kaarou ku thiërdhetem 1260.

Nyuuth 13:5

Ku acï gäm thok, thoŋ ee kadït lueel, ku ye lɛ̈t rac lueel, ku gɛ̈m riɛl bï tɔ̈u ë pɛ̈i kathiërŋuan ku rou.