Danyel 12:10 - JAM DE NHIALIC 2011

¹⁰ Kɔc juëc abï keek tɔ dikëdik, ku wak keek, ku gii keek, ku kɔc ee karɛc looi abïk ŋoot ke ke loi karɛc. Kɔc ee karɛc looi acïkï bï yökic, ee kɔc pelnïïm kapäc kek bï ye yökic.”

Danyel 12:10 ပူးပေါင်းရင်းမြစ်များ

Diɛt 107:43

Na de kɔc pel nïïm abïk ee kake cätic apiɛth, ku në ke cï nïïm määr ë Bɛ̈nydït abïk nhiëërdɛn agɔk tak.

Diɛt 51:7

Nyaaiyë karɛckï në ɣathop, ke ya bï guöp dik, wak ɛn, ke ya bï ɣɛɛr awär kɔɔi ë tueny ë deŋ.

Kɛ̈ŋ 1:5

Kek ee kɛ̈ŋkë aduëërkï raan pelnɔm ŋuak aya në pɛlënɔm, ku gëmkï raan ë käŋ yökiic kïït lɔ gɔk.

Yith 1:18

Aye Bɛ̈nydït lueel an, “Ënɔɔnë, jɔku jam thöl ëtök. Na cak karɛckun thiɛth aläl, wek bä waak, abäk ɣɛɛr cït kɔi ke deŋ, na cäk thiɛth cït riɛm we bï ɣɛɛr abäk ciët alath. Acakaa nɔn cï yïn riɔk abä thiɛth aläl, yïn bï ɣɛɛr abä ciët alath.

Edhekiɛl 36:25

Wek bä ke wiëth gup pïïu lɔ kïr, ku wek bä waak gup në karɛckun ëbɛ̈n, ku gël week në yiëthkun ku këriëëc cï we dhiöök ëbɛ̈n.

Edhekiɛl 47:11

Ku pïïu tɔ̈u në pɔ̈liic ku awuul tɔ̈u ë wɛ̈ɛ̈r yɔu, acïï keek bïï tɔ piɛth. Abïk tɔ̈u ëtɛ̈ɛ̈n ke ke bïï amilɔ aa yök thïn.

Danyel 11:33

Bäny pelnïïm ke kɔc abïk pɛlënɔmden rɔm në kɔc juëc kɔ̈k. Ku të thiinë kɔc kɔ̈k në keyiic abïï keek nɔ̈k tɔŋ, ku näk kɔ̈k në many dɛ̈p, ku kɔ̈k abï keek peec ke ke mac.

Danyel 11:35

Ku kɔc kɔ̈k në bänykɛn pelnïïm yiic, abïï keek nɔ̈k, ku në biäk de ee kënë kɔc abïk gup piath. Kënë abï rɔt jɔ cuuth aya agut të le ë thök bɛ̈n, kööl cï Nhialic lueel.

Danyel 12:3

Ku bäny Pelnïïm abïk lɔ riauriau në gëlgël de paannhial ëbɛ̈n, ku kɔc cï kɔc juëc wëët në luöi bï kek piathëpiɔ̈u aa looi, abïk riau cï kuɛl aɣet athɛɛr.”

Ɣodh 14:9

Go Ɣodhiya lɛ̈k keek alëyɔ̈ɔ̈ an, “Na de raan pel nɔm? Ke yök ee kakë yiic kedhie. Kuɛɛr ke Bɛ̈nydït ayek yith, ku aye kɔc piɛthpiɔ̈ɔ̈th ke kuany yiic, ku raan reec Bɛ̈nydït, ee tuëk thïn ku wïïk, në biäk ye kek keek dhɔ̈l yiic.

Dhek 13:9

Ku biäk thiin cï döŋë abä dhiim apiɛth, cït man ye ateek dhiim në mac, dhiɛɛm keek në dhiëm adhääp. Ku ëtɛ̈ɛ̈n, abïk ɛn jɔ aa lɔ̈ŋ, ku abä keek aa piŋ thook. Abä nyuöth keek nɔn ye kek kɔckï, ku abïk jɔ gam nɔn yan Nhialicden.

Malakai 3:3

Abï bɛ̈n nyuc, ku guiir löŋ de kɔc cït man ye raan ateek lëëŋ. Abï Lebai bɛ̈n waak abïk lɔ wic, cït man ye adhääp lëëŋ abï lɔ bilbil. Ku ëtɛ̈ɛ̈n, keek abïk Bɛ̈nydït aa gäm miɔ̈c lɔgɔk.

Mak 4:11

Go ke yɔ̈ɔ̈k an, “Acï gäm week luɔi bä wek këcïthiaan ŋic, këde ciɛɛŋ de Nhialic: ku tëde kɔc nu biic, käŋ kedhie aye ke looi në kɛ̈ŋ:

Luk 24:25

Go ke yɔ̈ɔ̈k an, “Agäi kɔc dhän oou, kɔc ë käŋ rɛɛc dap gam ka cï tït lueel kedhie!

Jɔn 18:37

Go Pilato thiëëc an, “Ka jɔ ya melik?” Go Yecu bɛ̈ɛ̈r an, “Ee yic yen luel, yɛn ee melik? Yen aa dhiëëthë yɛn, ku yen aa bä yɛn ë piny nɔm, luɔi bän aa cäätɔ de yic. Raan ëbɛ̈n raan cath ke yic ka piŋ röldï.”

Jɔn 7:17

Të kɔɔrë raan nɔn bï en këde piɔ̈nde looi, ka bï këdiën wɛ̈ɛ̈t dhil ŋic, nɔn ë bï yen tëde Nhialic, ku nɔn jaam ɛn në këde yenhdï.

Jɔn 8:47

Raan ë Nhialic ee wël ke Nhialic piŋ: yen acä wek ke piŋ, luɔi cä wek ee kɔc ke Nhialic.”

1 Kor 6:11

Ku kɔc kɔ̈k ë weyiic aake ye kɔc cït keek: ku ënɔɔnë we cï waak, we cï tɔ ɣerpiɔ̈ɔ̈th, we cï tɔ piɛthpiɔ̈ɔ̈th në rin ke Bɛ̈nydït Yecu Kërtho, ku në Wëidït ke Nhialicda.

2 Kor 7:1

Yen ka, ënɔn ciɛth wok wokë ka cï lueel an, bï ke gäm wookë, wek kɔc nhiaar, yok röt waak në acuɔl ëbɛ̈n acol ë guöp ku acol ë wëi, ku yok wopiɔ̈ɔ̈th tɔ ɣer abïk dikëdik në riëëu de Nhialic.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 12:10

Wärkuɔn ke piny nɔm ayek wo duöi kakɛn cïk tïŋ ke ke piɛth ë kepiɔ̈ɔ̈th në ee kaam thiinë. Ku Nhialic ee wo duöi këde piathda, agoku piɔ̈ɔ̈th ɣɛɛr cït man ë Yen.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Pet 1:7

ke thëm cïï gämdun them, luɔi ee yen këpiɛth aläl awär adhääp bï riääk, acakaa yen ë them ë mac, ka bï yök aye këde lɛc ku dhuëëŋ ku riëëu ëkööl bï Yecu Kërtho rɔt nyuɔɔth.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.

Nyuuth 16:11

ku yek Nhialic de paannhial läät në baŋ de rɛm reemëke gup ku në baŋ de tëtööken, ku reeckï kepiɔ̈ɔ̈th puk ë luɔidɛn rac.

Nyuuth 19:14

Ku kuany cök ë rɛm ke tɔŋ, rɛm nu paannhial ke ke cath ë jöŋgöör akuur kɔ̈ɔ̈th, ku ceŋkï lupɔ piɛth lɔ mot ɣer ëpak ku le riauriau.

Nyuuth 19:8

Ku acï gäm piöth bï en rɔt piɔ̈th ë lupɔ piɛth lɔ mot, lupɔ ɣer ëpak ku le riauriau.” (Lupɔ piɛth lɔ mot en aye luɔi piɛth ee kɔc ɣerpiɔ̈ɔ̈th looi.)

Nyuuth 22:11

Raan racpiɔ̈u, ke tɔ̈u ke racpiɔ̈u: ku raan nhiany piɔ̈u, ke tɔ̈u ke nhiany piɔ̈u: raan piɛthpiɔ̈u, ke tɔ̈u ke piɛthpiɔ̈u, ku raan ɣeric, ke tɔ̈u ke ɣeric.”

Nyuuth 3:18

Yen alɛ̈k ɛn e yïn, ɣɔc adhäm cï mac tɔ lɔ wai tëde yɛn, ke yï bï bäny, ku ɣɔc lupɔɔ ɣer, ke yï bï kɔ̈u dɛ lupɔ, go ayäär ë ciën cïn yïn kɔ̈u lupɔ cuö tiëc: ku jɔ yïnyin tɔc ë wɛ̈ɛ̈l ë nyin, ke yï bï daai.

1 Tham 24:13

Cït man cï kääŋ ɣɔn thɛɛr ye lueel an, ‘Kɔc rac piɔ̈ɔ̈th, ee kek ee karɛc looi.’ Ka yɛn cïï yaciin bï tääu në yïguöp.