Danyel 11:6 - JAM DE NHIALIC 2011

⁶ Ku të le run kɔ̈k tëëk melik de Rip abï määth looi kekë melik de Athiriya ku abïï gäm nyande thiɛɛk. Ku ee määthë acïï bï ceŋ, yen ee tiiŋë kekë monyde, ku mɛnhde, ku kɔc ee ye luööi ë cath në keek ëtök, abïï keek nɔ̈k kedhie.

Danyel 11:6 ပူးပေါင်းရင်းမြစ်များ

Jop 38:15

Aköl ee ɣɛɛr aläl, ka ee kɔc ee karɛc looi pɛ̈n luɔi ye kek kɔc luöi tɔɔŋ.

Diɛt 10:5

Kɔc rac ayek tiam në këriëëcic ëbɛ̈n. Acïkï guiɛɛr de Nhialic ee yökic, ayek kɔc ke aterden dɔl gup.

Edhekiɛl 30:21

“Mɛnh ë raan, Yɛn cï meliŋ de Rip dhoŋ kök. Acïn raan cï ye duut, ku deer ë lupɔ ago dem ku be riɛl ke bï abätäu bɛ lëu në muk.

Danyel 11:13

“Melik de Thiriya abï lɔ wunde ku abï remdïït de tɔŋ lɔ määt yiic, rem wär rem tueŋë. Të cïï kööl agɔk bɛ̈n, abï yenɔm puk kekë remdïït de tɔŋ cï ŋiëc guiir.

Danyel 11:15

Ka melik de Thiriya abï pänydït cï gël gɛɛu cil ku peec. Rem de tɔŋ de Rip acïkï tɔŋ bï cuuth, ayï kɔc ril në keyiic acïkï nïïm bï dɛ riɛl.

Danyel 11:40

“Ke të cï kööl ciëën ke melik de Thiriya thiɔ̈k në bɛ̈n, abïï melik de Rip yen yiɛ̈n tɔŋ, ku melik de Thiriya abï tɔŋ looi në riɛlde ëbɛ̈n, abï tɔŋ looi në abëël ke tɔŋ, ku joŋgöör, ku abëël wïïr juëc. Abï wuöt juëc luöi tɔŋ cït man ë pïïu ke amool.

Danyel 11:7

Ku ë kaamë cök raan töŋ de kɔcken ë yï tik abï ya melik. Abï rem de tɔŋ de melik de Athiriya luöi tɔŋ, abï lɔ në wuötkɛn cï gël yiic ku tiɛɛm keek.

Dhek 11:16

Tiëŋkï ënɔɔnë yɛn bïï tïn cïn këde yic thïn kekë thök cï määr, tïn cïï thök tök ee gël, ku cïï thök nu ee nyuääth. Ee thök cuai kek ye cuet, ku ɣɛ̈ɛ̈r kärken yiic.