Danyel 11:45 - JAM DE NHIALIC 2011

⁴⁵ Ku abï paanydɛndït ë bääny jɔ tääu piny në kaam de wɛ̈ɛ̈r kekë kuur ɣeric kɛ̈ɛ̈c ë Luaŋdït ë yenɔm. Ku abï thou, ke cïn raan töŋ nu ëtɛ̈ɛ̈n bï yen luök.”

Danyel 11:45 ပူးပေါင်းရင်းမြစ်များ

Diɛt 48:2

Dhiɔn kuur de Nhialic, athöny ku aläk, atɔ̈u të lɔ rut, Pänydït de melik dït ee miɛtëpiɔ̈u yiɛ̈n pinynɔm ëbɛ̈n.

Yith 10:12

Ku acïï bɛ̈nydït lueel an, “Të cän kë luɔi thöl në kuur ë Dhiɔn kekë Jeruthalem, Yɛn bï melik de Athiriya luöi këtuc, në biäk yen ë nɔm ɣääc ku leec rɔt.”

Yith 11:9

Në Dhiɔn nɔm kuur ɣeric de Nhialic, abï ciɛ̈n kë bï raan luöi buɔ̈t ku nɔn ee kërac. Piny abï nɔm thiäŋ ke ŋïny de Bɛ̈nydït cït man ee wɛ̈ɛ̈r thiäŋ në pïïu.

Yith 14:13

Aa cï dhel ë yïpiɔ̈u bä kɛɛc nhial paannhial, ku bä thöönydu lɔ tääu nhial në kuɛl nïïm. Aa cï cät an bä lɔ nyuc cït melik në kuur de amatnɔm nɔm, biäk të lɔ rut të ye yiëth kenïïm mat.

Yith 2:2

Në akööl bï bɛ̈n tueŋë, kuur ee yen kɛ̈ɛ̈c ë Luaŋdït ë yenɔm abï aa yen ee tëde naamde në keek kedhie, aloocdïït bäär wär kur nïïm ëbɛ̈n. Juöör ke piny nɔm, abïk aa bɛ̈n kekë wɛ̈l röt ëtɛ̈ɛ̈n,

Yith 27:13

Të le ëköölë bɛ̈n, kaaŋ abï kooth, kaaŋ cöölë kɔc ke Yithriɛl bei në Athiriya ku Rip, tëdɛn cï kek pɛɛc thïn. Abïk Bɛ̈nydït bɛ̈n lam ë Jeruthalem, ë kuurdɛn ɣeric nɔm.

Yith 65:25

Aŋuööth ku thök abïk aa cam ëtök, kɔ̈ɔ̈r abïk nyuäth ë wal cï ɣɔ̈k ku karɛc ee mol piny acïï ke bï bɛ ya diɛɛr në wurïï. Në Dhiɔn kuurdiën ɣeric nɔm, abï ciën kë bïï kɔc bɛ riɔ̈ɔ̈c në biäk de karɛc.”

Yith 66:20

Abïk kɔckuön ke Yithriɛl bɛ̈ɛ̈i ciëën kedhie në juööriic ke ye miɔ̈c gëmë yɛn. Abïk keek bɛ̈ɛ̈i në kuurdiën ɣeric nɔm në Jeruthalem në jöŋgöör kɔ̈ɔ̈th, ku mul ku thɔ̈rɔ̈ɔ̈l ku në abëël ke jöŋgöör ke tɔŋ, cït man ye kɔc ke Yithriɛl miɔ̈c ë rap bɛ̈ɛ̈i ɣön ë Bɛ̈nydït ke cï tääu në kapiɛth cïn yiic acuɔl yiic.

Edhekiɛl 39:2

Abä wɛl nɔm kueer däŋ, ku ja wat nɔm të mec lɔ të lɔ rut agut të bï yen ɣet në kur ke Yithriɛl yiic.

Danyel 11:16

Kɔc ke Athiriya loi tɔŋë, abï këdɛn kɔɔrkï luöi keek, ke cïn raan gël keek nïïm. Abï lɔ kɔ̈ɔ̈c piny cï thiɛɛi yic ku abï nu në yeciin ëbɛ̈n.

Danyel 11:41

Abï piny cï thiɛɛi yiɛ̈n tɔŋ aya, ku nɛ̈k aguum kathiëër ë kɔc, ku wuöt ke Edom ku Mowap, ku wuöt kɔ̈k ke kɔc ke Ammon cï döŋ abïk ban.

Danyel 11:44

Ku thoŋ bï bɛ̈n të lɔ aköl amiäk ku të lɔ rut abï yen riɔ̈ɔ̈c, ku abï tɔŋ looi arëët, abïï kɔc juëc nɔ̈k.

Danyel 2:35

Ku ëtɛ̈ɛ̈n, wëëth, ku tiɔp, ku maläŋ, ku ateek, ku adhääp acïk lɔ mot ka cïk ciët tɔɔr nu tën ye rap kɔ̈ɔ̈m mɔ̈i. Go yom keek kuɔɔth wei kedhie, abï ciën të tiëc. Ku kuur acï bɛ̈n dït abï ya kuurdït cï piny paat nɔm.

Danyel 7:26

Ku ëtɛ̈ɛ̈n luk abï nyuc nhial bïï löŋde teem, riɛlde abïï nööm, ku jɔ riɔ̈ɔ̈k taitai.

Danyel 8:25

Në biäk pel en, abï tiam në täŋdɛn racic. Abï rɔt lɛɛc, ka abï kɔc juëc riɔ̈ɔ̈k ke ke cïï lɛ̈k. Ku abï teer aya kekë melik dïït ë kɔc kedhie, ku abïï dhil riɔ̈ɔ̈k në riɛl cie riɛl de raan.

Danyel 9:16

Yïn cï wook kony wään tueŋ, ku du piɔ̈u be diu wekë Jeruthalem. Ee pänydïïtdu, kuurduön ɣeric. Ee pänydïïtdu, kuurduön ɣeric. Kɔc kedhie kɔc ke wuöt thiääk ë wook, ayek Jeruthalem biɔɔn guöp, ku biɔnkï kɔcku gup, në biäk de karɛckuɔ, ku në biäk de luɔi rɛɛc cïï kuarkuɔ looi.

Danyel 9:20

Guɔ jɔ ŋoot ke ya läŋ, ku gam karɛckï, ku karɛc ke kɔckï Yithriɛl, ku caal Bɛ̈nydït Nhialicdï, në biäk bï yen ɣöndɛn ë Bɛ̈nydït ɣeric bɛ tɔ yïk.

Jowɛl 2:20

Ku rem de tɔŋ de kɔyɔm wään bɔ̈ të lɔ rut, abä cuɔp wei tëmec ke week, yɛn bï kɔ̈k ɣɛɛt në jɔ̈ɔ̈ric tëril. Abïk nïïm lɔ gut në Wɛ̈ɛ̈r de Amilɔ kɔ̈u baŋ të lɔ aköl amiäk, Ku ka thïk kecök ciëën, abïk ɣet në wɛ̈ɛ̈r tɔ̈u të lɔ aköl athɛ̈i. Aŋuäc de gupken abï dït. Abä ke riɔ̈ɔ̈k në baŋ de kajuëc cïk luöi week.

Maika 4:2

Juöör juëc abïk aa bɛ̈n ku luelkï an, “Bäkï, lok nhial në kuur ë Bɛ̈nydït nɔm, lokku Luaŋdït de Nhialic de Yithriɛlic. Löŋ de Bɛ̈nydït aye wɛ̈ɛ̈t në Jeruthalem Lokku ke bï wo lɔ nyuöth kuɛɛrke, ke buk keek kuany yiic, në Dhiɔn yen aye kɔcke wɛ̈ɛ̈t thïn.

Dhek 14:8

Kööl bïï ë kënë rɔt looi pïïu piɛth abïk wɛ̈t bei ë Jeruthalem, biäk tök abï wɛt ë Wɛ̈ɛ̈r de Amilɔ yic ku biäk däŋë abï wɛt në Abäpdit yic. Abï wat ë ruöön thok ëbɛ̈n, abï wat mɔ̈i ku abï wat rut.

Kuɛ̈n 34:5

Të bï yen rɔt lɔ yal në wak nu ë aken de Rip nɔm, ku jɔ lɔ guut në Wɛ̈ɛ̈rdïït ɣer kɔ̈u.

2 Theth 2:4

Raan ee rɔt yiëk ater në ka cï tɔ ye Nhialic ku läm ëbɛ̈n, ayï ka riëëuwë, ku tɔ rɔt dït ë keek, ago rëër ë luaŋdïït ë Nhialic ke ye rɔt tɔ ye Nhialic guöp.

2 Theth 2:8

Ku yen abï raanë jɔ tïc, raan reec löŋ ëliŋliŋ, raan bïï Bɛ̈nydït Yecu nɔ̈k në wëi bɔ̈ bei ë yethok, ku tɔ mär në riau de bɛ̈nde:

Nyuuth 13:10

Raan ë kɔc peec tɔŋ, ka bï peec tɔŋ aya: ku raan ë kɔc nɔ̈k ë abätäu ke bï dhil nɔ̈k ë abätäu aya. Ruöt ee kɔc ɣerpiɔ̈ɔ̈th kepiɔ̈ɔ̈th ruut kï, ku gäm ee kek gam kï.”

Nyuuth 20:2

Bï ku dɔm ŋuäldït, kërɛɛc thɛɛr, yen aye Jɔŋdït Rac, ku ye Catan, go rek thöl agum de run ke mac,

Nyuuth 20:9

Gokï lɔ ku thiäŋkï piny nɔm, ku jɔkï të tɔ̈uwë rem ë kɔc ɣerpiɔ̈ɔ̈th tuɔɔk ku tookkï pänydïït nhiaar: na wën, ke mac bɔ̈ piny paannhial, bï ku cuɛ̈ɛ̈l keek.