Danyel 11:40 - JAM DE NHIALIC 2011

⁴⁰ “Ke të cï kööl ciëën ke melik de Thiriya thiɔ̈k në bɛ̈n, abïï melik de Rip yen yiɛ̈n tɔŋ, ku melik de Thiriya abï tɔŋ looi në riɛlde ëbɛ̈n, abï tɔŋ looi në abëël ke tɔŋ, ku joŋgöör, ku abëël wïïr juëc. Abï wuöt juëc luöi tɔŋ cït man ë pïïu ke amool.

Danyel 11:40 ပူးပေါင်းရင်းမြစ်များ

Yith 21:1

Kënë ee jam në biäk de Babilonia. Cït man ye kɔc piny nap ë jɔ̈ɔ̈ric, yen abï riääk bɛ̈n piny de yic riɔ̈ɔ̈c.

Yith 5:28

Wiɛth ke dhɛ̈ŋken amothkï, ku acï röt guiir ke ke muc. Ku miɔt ke jöŋgöörken arilkï ëtör cï kuur, ku cök ke abëël ke jöŋgöörken ayek wïc cï kɔɔr.

Yith 66:15

Bɛ̈nydït abï bɛ̈n ke mac. Abï bɛ̈n në wuök ke amaŋ kɔ̈ɔ̈th, bïï kɔc göth e yen bɛ̈n luöi këtuc.

Jeremia 4:13

Tïŋ, kɔc ke ater abïkï cï luäät. Abëëlkɛn ke tɔŋ acïtkï kɔɔr, ku jöŋgöörken apiɔlkï cï cor. Amawoou, wok cï määr! Wok cï thou!

Edhekiɛl 38:4

Abä wɛl nɔm ciëën, ku tääu alabithɔ në yegëm ku ja thɛl wei kekë remdɛn ë tɔŋ kedhie. Remdɛn ë tɔŋ kekë jöŋgöörke, ku kɔckɛn kuath keek ke ke ceŋ ka ke thöŋ gup, ee këdïït ë gäi, ku rem de tɔŋ ëbɛ̈n, keek kedhie abïk kööt ku abätɛ̈ɛ̈u muk.

Edhekiɛl 38:9

Yen kekë remdɛn ë tɔŋ ku jɔ ya juöör kɔ̈k tɔ̈u në yen ëtök, abïk kɔc mak cït man amaŋ ku kum piny cït luäät.”

Danyel 11:10

“Ku wɛ̈ɛ̈t ke melik de Athiriya abïk remdïït ë tɔŋ guiir, bï kek lɔ thɔ̈ɔ̈r. Tök në keyiic abï ban aläl cït amool, ku abï ɣään cï gël de kɔc ke aterden luöi tɔŋ.

Danyel 11:11

Ku melik de Rip abï piɔ̈u diu, go tɔŋ yiɛ̈n melik de Thiriya, ku abï remdïït de tɔŋ ë Thiriya peec.

Danyel 11:13

“Melik de Thiriya abï lɔ wunde ku abï remdïït de tɔŋ lɔ määt yiic, rem wär rem tueŋë. Të cïï kööl agɔk bɛ̈n, abï yenɔm puk kekë remdïït de tɔŋ cï ŋiëc guiir.

Danyel 11:22

Raan ëbɛ̈n raan reec yen, ayï bɛ̈nydïït ë kake Nhialic, abïï nap wei ku copë wëi.

Danyel 11:25

“Ku abï remdït ë tɔŋ kiëët në jööt ke bï tɔŋ yiɛ̈n Rip, ku melik de Rip abï kïït bï thɔ̈ɔ̈r ke yen kekë remdɛn dïït ril de tɔŋ. Ku melik de Rip abïï math, ka acïï tɔŋ bï lëu.

Danyel 11:35

Ku kɔc kɔ̈k në bänykɛn pelnïïm yiic, abïï keek nɔ̈k, ku në biäk de ee kënë kɔc abïk gup piath. Kënë abï rɔt jɔ cuuth aya agut të le ë thök bɛ̈n, kööl cï Nhialic lueel.

Danyel 11:39

Në luɔi bïï yen pɛ̈ɛ̈nydïtkɛn cï gël tiit, abï kɔc ee yiëth kɔ̈k lam luööi. Abï dhuëëŋdït gäm kɔc cï ye gam ke ye bɛ̈ny, ku tɛ̈ɛ̈u keek tëde bäänydït, ku gëm keek piny ke ee ariöp.

Danyel 11:7

Ku ë kaamë cök raan töŋ de kɔcken ë yï tik abï ya melik. Abï rem de tɔŋ de melik de Athiriya luöi tɔŋ, abï lɔ në wuötkɛn cï gël yiic ku tiɛɛm keek.

Danyel 12:4

Go ë tunynhial lɛ̈k ɛn an, “Ku ënɔɔnë, Danyel, thiɔ̈k awerek ku bot thok aɣët cï thök de piny nɔm. Ku kɔc juëc abïk kaamdït thöl ke ke kɔɔr luöi bï kek kë loi rɔt yökic.

Danyel 12:9

Go bɛ̈ɛ̈r an, “Danyel, jɔ jäl ënɔɔnë, wëlkë abïï keek dhil muk ke ke mony ku thian keek agut të bïï ë kööl ciëën bɛ̈n.

Danyel 8:17

Go Gabriɛl bɛ̈n ku kɛ̈ɛ̈c ë yalɔ̈ɔ̈m, ku yɛn aa cï riɔ̈ɔ̈c aläl, man abä wïïk piny. Go lɛ̈k ɛn an, “Mɛnh ë raan, yök kë lueel yic. Nyuuth alueel kë däŋ në biäk de akööl ciëën.

Ɣabakuk 3:14

Wiɛthku acïk bɛ̈ny de remdɛn ë tɔŋ thɔ̈ɔ̈ric wën bïï tɔŋden ke riŋ cït man ë kɔɔr an, bïk wo bɛ̈n thiäi piny, amitkï piɔ̈ɔ̈th cï kɔc bï kɔc kuanynyïïn cam në cuëër.

Dhek 9:14

Ku ëtɛ̈ɛ̈n, Bɛ̈nydït abï tuöl në kɔcke nïïm, abï wiɛth ke moc cït man ë wil de deŋ. Bɛ̈nydït Awärjäŋ abï kaaŋ kooth, abï jäl në amaŋic të lɔ wöuwic.

Nyuuth 16:12

Ku luuŋ dhetemden gulde ë wɛ̈ɛ̈r ë Yuparatic, go pïïuke dëu, ke kueer bï luöi meliik bɔ̈ të lɔ aköl amiäk.

Nyuuth 9:16

Ku kuën ë kɔc cath ë jöŋgöör kɔ̈ɔ̈th ayek aguum kathiërrou raan thiëër ë agum: yɛn cï kuënden piŋ.