Danyel 11:4 - JAM DE NHIALIC 2011

⁴ Ku të cï yen jɔ riɛl aläl, ciɛɛŋde abï ye yic tek në biäk ke pinynɔm kaŋuan. Meliik cie kuatde abïk piny cieŋ ë nyinde yic, ku acïkï bï dɛ riɛl wään tɔ̈u ke yen.

Danyel 11:4 ပူးပေါင်းရင်းမြစ်များ

Diɛt 39:6

kɔc acïtkï atïïp. Ku luɔiden ëbɛ̈n ee ɣɔ̈ric, ayek käŋ määtic ke kuckï raan bï ke nööm.

Wɛ̈ɛ̈t 4:8

Ade raan rɛ̈ɛ̈r yetök, acïn nɔm meth, ku acïn nɔm mänhë, ku ee tɔ̈u aköölnyïïn, ke cïï piɔ̈u kueth në kajuëc tɔ̈u në yen, eeŋa jɔ luööi aläldïïtë aya ke cïï rɔt tɔ lɔ̈ŋ? Kënë ee ɣɔ̈ric ayadäŋ, ku ee pïïr de yic nuɛɛn.

Jeremia 12:15

Ku të cän keek jat wei, Yɛn bï piɔ̈u kok wo keek, Yɛn bï jur bɛ aa bɛ̈ɛ̈i ciëën pinyde, ku paande.

Jeremia 12:17

Ku jur ëbɛ̈n jur cïï ya bï riëëu, abä cuän thar bei, ku abä riɔ̈ɔ̈k. Acä lueel, Yɛn Bɛ̈nydït.”

Jeremia 18:7

Na luɛɛl ë kööl cä tak an yɛn kɔɔr bä jur ku nɔn ee ciɛɛŋ nyaai, ku nɔn dhuɔŋ piny, ku riääk,

Jeremia 31:40

Wak ëbɛ̈n, të cï kɔc cï thou tɔ̈ɔ̈u, ku cuɛtë kɔc cï rɛɛc thïn, ku lɔ duum nu në awuöl de Kidron nɔm ëbɛ̈n, ɣeet ë Kal de Jöŋgöör thok të lɔ aköl amiäk, abï aa kë ɣeric tëde Yɛn. Pänydït acïï bï bɛ thuöör piny ku riäk.”

Jeremia 45:4

“Ku Yɛn Bɛ̈nydït, Yɛn dhoŋ këdiën cä yïk piny, ku Yɛn wuth këdiën cä com bei. Kënë abä luöi piny nɔm ëbɛ̈n.

Jeremia 49:36

Yɛn bï yom tɔ put ke lɔ të lɔ Eelam në aguuk kedhie, Yɛn bï kɔcke thiäi ë piny nɔm ëbɛ̈n, abï ciën jur töŋ bï döŋ ke cïn yic kɔckɛn lɔ thïn.

Edhekiɛl 37:9

Go Nhialic lɛ̈k ɛn an, “Mɛnh ë raan, cäärë yom. lɛ̈kë yom an Bɛ̈nydït Awärjäŋ acï yïn yɔ̈ɔ̈k bä bɛ̈n në ɣään kedhie, bä wëi bɛ̈n kuɔɔth në gup cï thuowë yiic, ku bä keek bɛ tɔ pïïric”.

Danyel 7:2

në kë wään bä tïŋ ee wɛ̈ɛ̈r ë yic: Yom aa put ë ɣään kedhie ku aaye rɔt yuöp ë wɛ̈ɛ̈r yic.

Danyel 7:6

Ku të wën daai ɛn, guɔ lɛ̈n däŋ tïŋ. Acït guöp kuac, ku ade kɔ̈u wuök kaŋuan, wuök cït wuök ke dit, ku ade nïïm kaŋuan. Ku ade bääny tiëc në daaide yic.

Danyel 7:8

Ku të wën woi ɛn tuŋ, yɛn cï tuŋ thiinakäŋ abɔ̈ bei në tuŋ kɔ̈kkë yiic. Acï tuŋ kadiäk kɔ̈k ë yök ëtɛ̈ɛ̈n rɛ̈ɛ̈t bei. Yen ee tuuŋë ade nɔm nyin de raan. Ku thoŋ ee jam ke leec rɔt.

Danyel 8:22

Ku tuŋ kaŋuan ë cil tëde tuŋ wään cï dhuɔɔŋë, anyooth luɔi bïï ee jurë tekic ë ciɛɛŋ kaŋuan ku acïkï bï riɛl cït man de ciɛɛŋ tueŋ.

Danyel 8:8

Go bou nɔm jɔ dït aläl, ku të wën cï en jɔ riɛl aläl go tuŋ dhuɔɔŋ. Go tuŋ kaŋuan ciɛl tëde, ku tuŋ tök ee rɔt wɛl tëde pei yetök.

Dhek 2:6

Go Bɛ̈nydït cööt an, “Katkï, bäkï. Kualkï röt piny lɔ të lɔ rut. Në biäk cän we thiäi piny në aguuk ke pinynɔm kaŋuan yiic.

Dhek 6:5

Go tunynhial puk nɔm an, “Kakë ee wëi lɔ në aguuk ke pinynɔm kaŋuan. Aake jɔ bɛ̈n ciëën në Bɛ̈nydït lɔ̈ɔ̈m, Bɛ̈nydït de pinynɔm ëbɛ̈n.

Math 12:25

Go Yecu kë cïk tak ŋic, ku yöök keek an, “Ciɛɛŋ ee gɔ̈m etök ee riääk abï aa jɔ̈ɔ̈ric, ku pänydït ayï ɣöt, të gɔ̈m en etök, ka cïï bï kɔ̈ɔ̈c,

Luk 12:20

Na wën, ke yöök ë Nhialic an, ‘Yïn dhɔ̈n! Ëlëwakɔ̈u wëiku abï ke cɔɔl tëde yïn: ku kakuön cï guik bïk guɔ aa ka ke ŋa?”’

Nyuuth 7:1

Na wën, aacï kakë thök, ke ya tïŋ tuucnhial kaŋuan akɛ̈ɛ̈ckï ë aguuk ke piny nɔm kaŋuan, ku mukkï yom ke piny kaŋuan, ke bï ciën yom bï pɔ̈t ë piny nɔm, ayï wɛ̈ɛ̈ric, ayï tiim kedhie.