Danyel 11:36 - JAM DE NHIALIC 2011

³⁶ “Ku melik de Thiriya abï lui cït man ë kë kɔɔr ë piɔ̈nde. Abï rɔt leec nɔn dïït en ë yiëth kɔ̈k awär Nhialic dït aya. Abï rɔt lɛɛc aya agut kööl bï Nhialic yen luöi këtuc. Ku Nhialic abï këdɛn cï kiëët looi ëdhöc tëde.

Danyel 11:36 ပူးပေါင်းရင်းမြစ်များ

Diɛt 136:2

Gämkï lɛc Nhialic wär yiëth ëbɛ̈n, nhiëërdɛn agɔk atɔ̈u athɛɛr.

Diɛt 33:10

Bɛ̈nydït ee täŋ de juöör riɔ̈ɔ̈k, ku pën keek luɔi looi kek kë cïk kiëët.

Kɛ̈ŋ 19:21

Kajuëc aye raan ke kiëët, ku kë kɔɔr Bɛ̈nydït yen aye rɔt lëu.

Yith 10:23

Ɣɛɛ, në ee wun cieŋ ë kɔc ëbɛ̈n Bɛ̈nydït de rɛm abï riääk bɛ̈ɛ̈i, cït man cï Yen ye lueel an bï bɛ̈ɛ̈i.

Yith 10:25

Ee kaam thiin akäŋ tei, yen abï këtuc luöi week thök, ku ëtɛ̈ɛ̈n abä ke jɔ riɔ̈ɔ̈k.

Yith 10:5

Go Bɛ̈nydït lueel an, “Athiriya! Yɛn cï Athiriya tɔ ee thieny bän kɔc göth ë yɛn luöi këtuc.

Yith 14:13

Aa cï dhel ë yïpiɔ̈u bä kɛɛc nhial paannhial, ku bä thöönydu lɔ tääu nhial në kuɛl nïïm. Aa cï cät an bä lɔ nyuc cït melik në kuur de amatnɔm nɔm, biäk të lɔ rut të ye yiëth kenïïm mat.

Yith 14:14

Acï lueel an, bä kɛɛc nhial në luäät kɔ̈ɔ̈th ku bä ciët Awärjäŋ.

Yith 26:20

Kɔckï, lakkï në ɣöötkun yiic, ku thiäkkï ɣöötkun në we kɔ̈ɔ̈th. Thiankï röt në kaam thiin akäŋ aɣet të le agönh ë Nhialic thök.

Yith 30:33

Ɣɔn thɛɛr ade të cï kiëët bï gök de mac dëp thïn bï melik de Athiriya nyop. Athuth ku alääuwic, ku acï thɔ̈ɔ̈ŋ në wal ku tiim juëc. Bɛ̈nydït abï wëi në nyïïn ke mac bï ye ɣaak.

Yith 46:10

Ɣɔn gɔl ë käŋ yɛn cï kë tuöl caar, ɣɔn thɛɛr yɛn cï kë bï tïc guiir. Acä lueel an, kë cä kiëët acïï bï löny, ku Yɛn bï këriëëc kaar bä looi ë bɛ̈n looi.

Yith 57:9

Wek ee röt yoor në aŋiëërdun ku kake tɔc ku jakï yanhduön Molek lɔ lam. Në luɔi bä wek yanh lamkï yök, wek ee tuc tuɔɔc piny mec ku lɛ̈ɛ̈uwic, ayï paan ë thuɔɔu.

Edhekiɛl 28:2

“Mɛnh ë raan, lɛ̈kë melik de Tayer, kë lɛ̈k en yɛn Bɛ̈nydït Awärjäŋ: yïn cï rɔt gap nhial në lɛc ku ye lueel an ye yath. Aye lueel an cï nyuc në thöny cï tuɔɔk ë wɛ̈ɛ̈r cï yath. Yïn duëër rɔt kac an ye yath, ku ei, yïn ee raan, yïn cie tɔ̈u athɛɛr.

Edhekiɛl 35:13

Yɛn cï jam rɛɛc de lɛc ya wek ya jääm guöp piŋ.”

Danyel 11:16

Kɔc ke Athiriya loi tɔŋë, abï këdɛn kɔɔrkï luöi keek, ke cïn raan gël keek nïïm. Abï lɔ kɔ̈ɔ̈c piny cï thiɛɛi yic ku abï nu në yeciin ëbɛ̈n.

Danyel 11:3

“Na ëlë ke melik de tɔŋ abï bɛ̈n. Abï gök dïït ë piny mac, ku abï këdɛn kɔɔr ëbɛ̈n looi.

Danyel 11:37

Ku melik abï yiëth ye kuarken luööi pɔ̈l, ayï yanh ye diäär nhiaar. Abï yiëth ëbɛ̈n biɔɔn gup, në baŋ ee yen ye lueel an, wɛ̈ɛ̈r keek në dït.

Danyel 12:7

Ago tunynhial ceŋ lupɔ ɣer kääc në kiir nɔm, ciin cuëc ku ciin cam yaak nhial, ku kuëëŋ në rin ke Nhialic Pïïr Athɛɛr. Acä piŋ ke lueel an, “Abïï ya run kadiäk ku biäk. Të bïï yaaŋ de kɔc ke Nhialic thök, kakë kedhie abïk röt dhil kɔn looi.”

Danyel 2:47

Ago ë melik lueel an, “Nhialicdu yen adït në yiëth kedhie, ee Bɛ̈nydït nu në meliik nïïm, ku raan ee kacïmoony nyuɔɔth. Yɛn ŋic ee kënë në luöi cï Yïn ee këcïmoonyë wɛ̈ɛ̈ric yɛn.

Danyel 4:35

Ee kɔc ke pinynɔm tïŋ ke ke cie këdäŋ, Tuuc nhial nu nhial ku kɔc nu pinynɔm anukï në yeciin. Ku acïn raan duëër këde piɔ̈nde jɔ̈ɔ̈ny ku cïn raan ee kë looi dhɔ̈ŋic

Danyel 5:19

Aa dït aläl ka kɔc ke wuöt ë piny nɔm ëbɛ̈n, ku juöör, ku dhiën ku thook, aake ye riɔ̈ɔ̈c në yen abï ke lath. Na kɔɔr bïï raan nɔ̈k, aye nɔ̈k, ku na kɔɔr bïï raan tɔ pïïr aye tɔ pïïr. Raan kɔɔr bï riëëu ayï riëëu ku raan kɔɔr bï yɔ̈ɔ̈r aye yɔ̈ɔ̈r.

Danyel 5:20

Ku në luɔi cï yen rɔt lɛɛc, ku riil nɔm ku ye kɔc yɔŋ, acï bɛ̈n nyaai në thööcdɛn ë bääny yic, ku mɛ̈l ë tëdɛn ë dhuëëŋ.

Danyel 7:8

Ku të wën woi ɛn tuŋ, yɛn cï tuŋ thiinakäŋ abɔ̈ bei në tuŋ kɔ̈kkë yiic. Acï tuŋ kadiäk kɔ̈k ë yök ëtɛ̈ɛ̈n rɛ̈ɛ̈t bei. Yen ee tuuŋë ade nɔm nyin de raan. Ku thoŋ ee jam ke leec rɔt.

Danyel 8:19

ku lueel an, “Yïn cï nyuöth kë bï agönh de Nhialic lɔ̈ɔ̈k looi, nyuuth anyoothkï täu de akööl ciëën.

Danyel 8:4

Ku tiëŋ nyɔɔŋ amääl ke guut të lɔ aköl athɛ̈i në yetuŋ, ku të lɔ rut, ku të lɔ wöuwic. Acïn lɛ̈n duëër ye dɔ̈m kɔ̈ɔ̈c, ku cïn kë bän në riɛlde yic. Aye looi cït man ë kë kɔɔr ku jɔ nɔm dït.

Dhek 11:16

Tiëŋkï ënɔɔnë yɛn bïï tïn cïn këde yic thïn kekë thök cï määr, tïn cïï thök tök ee gël, ku cïï thök nu ee nyuääth. Ee thök cuai kek ye cuet, ku ɣɛ̈ɛ̈r kärken yiic.

Jɔn 5:30

Yɛn cïn kën aa lëu yatök: kën aa piŋ, yen aya yɛn löŋ guiir: ku piɛth guiëërdï, në kë cän këde piɔ̈ndï ee kɔɔr, ee këde piɔ̈n ë Wäär, raan ë toc ɛn, yen aya kɔɔr.

Jɔn 6:38

Yɛn ëcïï bɔ̈ piny paannhial, bä këde piɔ̈ndï bɛ̈n aa looi, yɛn ë bɔ̈ bä këde piɔ̈n ë raan ë toc ɛn bɛ̈n aa looi.

Luɔi 4:28

bïk käŋ bɛ̈n looi ëbɛ̈n, ka cïï riɛldu ku löŋdu kɔn guiir ɣɔn thɛɛr an, bï ke dhil looi.

Nyöŋ 10:17

Bɛ̈nydït Nhialicdun anu nhial ë yiëth nïïm ëbɛ̈n, ku riɛl nïïm ëbɛ̈n. Yen Adït ku Awärjäŋ, ku abïï ë dhil riɔ̈ɔ̈c. Yen acïï tɛ̈ɛ̈k yic ee nyuɔɔth, ku acïï kumthok ee gam.

2 Theth 2:3

Ë cïn raan ee we math, acakaa yen ë mɛth week ë ŋö: köölë acïï bï kɔn bɛ̈n, të ŋoot ë dɔk ke kën bɛ̈n, dɔ̈ŋ ee kɔc röt dak ciëën, ku të kënë raan rac ëtaiwei rɔt guɔ nyooth, yen aye wën ë riääk ëliŋliŋ.

2 Theth 2:4

Raan ee rɔt yiëk ater në ka cï tɔ ye Nhialic ku läm ëbɛ̈n, ayï ka riëëuwë, ku tɔ rɔt dït ë keek, ago rëër ë luaŋdïït ë Nhialic ke ye rɔt tɔ ye Nhialic guöp.

2 Theth 2:8

Ku yen abï raanë jɔ tïc, raan reec löŋ ëliŋliŋ, raan bïï Bɛ̈nydït Yecu nɔ̈k në wëi bɔ̈ bei ë yethok, ku tɔ mär në riau de bɛ̈nde:

Jocua 22:22

“Awärjäŋ yen aye Nhialic! Yen aye Bɛ̈nydït! Awärjäŋ Yen aye Nhialic! Yen aye Bɛ̈nydït! Aŋic kë ë luiku ee kënë. Ku akɔɔrku bäk ŋic ayadäŋ! Na cuk löŋ ë Bɛ̈nydït dhoŋ kɔ̈u ee köölë, ke we näk wook!

Nyuuth 10:7

Ku në aköölkë yiic kööl ke röl ë tunynhial ee kek dhorou, të bï en kaaŋ gɔl ë kuöth, ke këcïmoony de Nhialic abï thök, acït ɣɔn cï en e lɛ̈k tït lïïmke.”

Nyuuth 12:14

Go tik gäm wuök kaarou, wuök ke gök ë aduŋuɛɛt, bï en ke kat ë ŋuäl nɔm, le jɔ̈ɔ̈ric, tëde, të bï e muk thïn ë ruöön tök, ku run kaarou, ku biäk ë ruöön.

Nyuuth 13:1

Na wën, ke ya kääc ë liɛɛt nɔm ë wɛ̈ɛ̈r yɔu: guɔ lɛ̈n rac tïŋ ke bɔ̈ bei ë wɛ̈ɛ̈ric, acath ke nïïm kadhorou, ku tuŋ kathiëër, ku nu dhor kathiëër ë tuŋke kɔ̈ɔ̈th, ku cï rin ke lɛ̈t rac gɔ̈ɔ̈r ë nïïmke kɔ̈ɔ̈th.

Nyuuth 17:17

Ee luɔi cï Nhialic löŋ tääu ë kepiɔ̈ɔ̈th, bïk këde piɔ̈nde looi, ke löŋden bï kït, agokï ciɛɛŋden gäm lɛ̈n rac, a thöökë wël ke Nhialic ë luɔi.

Nyuuth 17:3

Go ya jɔt leer en ë jɔ̈ɔ̈ric në Wëidït: ku ja tik tïŋ ëtɛ̈ɛ̈n, ke rɛ̈ɛ̈r ë lɛ̈n rɛɛc thith kɔ̈u, lɛ̈n cï kɔ̈u thiäŋ ke rin ke lɛ̈ɛ̈t rac, ku ciɛth ke nïïm kadhorou, ku tuŋ kathiëër.