Danyel 11:21 - JAM DE NHIALIC 2011

²¹ Go ë tunynhial jɔ cuuth ke jam an, “Melik de Thiriya bï bɛ̈n, abï ya raan rac, raan cïn nɔm yic bïï ya melik, ku abï bɛ̈n ke cïï ŋic, ku dɔm ciɛɛŋ në pɛl.

Danyel 11:21 ပူးပေါင်းရင်းမြစ်များ

Diɛt 12:8

Tit wook Bɛ̈nydït në kërac, ku tit wo në ee kɔckë.

Diɛt 15:4

Ayek kɔc cïï ë Nhialic rɛɛc biɔɔn gup, ku yek kɔc rïïu Bɛ̈nydït dhuëëŋ gup. Ku yek kë cï kek gutguut lueel looi ë ceŋ, acie diɛɛr në këdïït bïï jɔt tëde yen.

Diɛt 55:21

Wëlke atɛ̈ckï cït man ë miök yat, ku aman kɔc në yepiɔ̈u thïn, wëlke ayek kɔc dɔ̈m mïth cï miök, ku ayek tem cït abätɛ̈ɛ̈u moth thok.

Yith 32:5

Acïn raan bï raan piɔlpiɔ̈u bɛ aa riëëu ayï raan ee kɔc wëŋ.

Danyel 11:20

“Abïï kuany cök në melik däŋ, yen ee melikë abï bɛ̈ny tuɔɔc, bɛ̈ny bï kɔc yɔŋ në kun de athölbɔ̈ ago wëu ke ciɛɛŋde ŋuak. Në kaam thiinakäŋ, yen ee melikë abïï nɔ̈k, ku acïï bï nɔ̈k ke ŋic kɔc acie tɔŋic aya.

Danyel 11:32

Melik abï rɔt yök kɔc në kɔc wään cï Nhialic nyääŋ piny në ruëëny, ku kɔc kuany Nhialic cök abïk thɔ̈ɔ̈r në keek.

Danyel 11:34

Ku të jɔ ë nääk lɔ ke ŋuak yenyin, kɔc ke Nhialic abïk kuɔɔny thiinakäŋ yök, cakaa nɔn bïï ë kɔc kɔ̈k mat në keek në kake ruëëny ke cie yic.

Danyel 11:7

Ku ë kaamë cök raan töŋ de kɔcken ë yï tik abï ya melik. Abï rem de tɔŋ de melik de Athiriya luöi tɔŋ, abï lɔ në wuötkɛn cï gël yiic ku tiɛɛm keek.

Danyel 4:17

Kënë ee jam de tunynhial ɣeric cï rɔt coc ke daai. Ku ënɔɔnë, tɔ ŋic ë kɔc ë pinynɔm ëbɛ̈n an Nhialic dït ade nɔm riɛl në ciɛɛŋ de kɔc ë pinynɔm kedhie nïïm. Ku aduëër keek gäm raandɛn cï lɔc. Aduëër keek gäm kɔc cïn naamden.’

Danyel 7:8

Ku të wën woi ɛn tuŋ, yɛn cï tuŋ thiinakäŋ abɔ̈ bei në tuŋ kɔ̈kkë yiic. Acï tuŋ kadiäk kɔ̈k ë yök ëtɛ̈ɛ̈n rɛ̈ɛ̈t bei. Yen ee tuuŋë ade nɔm nyin de raan. Ku thoŋ ee jam ke leec rɔt.

Danyel 8:23

“Të cï akööl ciëën ke ciɛɛŋ guɔ thiɔ̈k, ku acïk karɛc jɔ looi aläl, ka aröŋkï në luɔi bï ë keek luöi këtuc, abï dɛ melik ril nɔm, ku cïn piɔ̈u ku ee karɛc looi.

Danyel 8:25

Në biäk pel en, abï tiam në täŋdɛn racic. Abï rɔt lɛɛc, ka abï kɔc juëc riɔ̈ɔ̈k ke ke cïï lɛ̈k. Ku abï teer aya kekë melik dïït ë kɔc kedhie, ku abïï dhil riɔ̈ɔ̈k në riɛl cie riɛl de raan.

Danyel 8:9

Go tuŋ thiin ril ciɛl në ke yiic kaŋuan, ago riɛlde ɣet wöuwic, ku ɣet të lɔ aköl amiäk ku ɣet të lɔ paan cï thieei.

Naɣum 1:14

Bɛ̈nydït ë löŋ tääu piny në biäkdu yïn Ninebe, acï lueel an, “Acïn mïth bï rinkun bɛ lɔ̈ɔ̈k cäk. Ku Yɛn bï yiëthkuön cäk looi riɔ̈ɔ̈k ɣönduön ë yiëth. Ku Yɛn bï rɛ̈ŋkun kiëët, në luɔi ya wek kɔc ee karɛc looi.

1 Tham 3:13

Ë luöi cän e lëk, an, Yɛn bï dhiëndu luöi këtuc në biäk de kërɛɛc yic, mïthke acïk röt tɔ rac, ku acïn kë cï looi në baŋden. Ku akën keek jɔ̈ɔ̈ny.