Danyel 10:6 - JAM DE NHIALIC 2011

⁶ Alɔ guöp bilbil cït kuur ë beril, ku yenɔm tueŋ aɣer ë top cït wilëdeŋ, ku nyïïnke ariaukï cït mac, ku ye diir kekë yecök alek bilbil cït maläŋ cï coth kɔ̈u, ku rölde ee awuɔɔu cït awuɔɔu ye kɔc juëc looi.

Danyel 10:6 ပူးပေါင်းရင်းမြစ်များ

Bɛ̈n 28:20

Ku loi aber ye kek ŋuan në kuur ë beril, ku onik, ke kuur thiith cɔl jathpi. Loi keek në kuëër adhääp kɔ̈u.

Diɛt ke 5:14

Acï ŋiëc cak cin, ku ee ceŋ ë jonh adhääp, ku atäc guöp cï tuŋ ë aköön, cï kueer kɔ̈u në kɔi läk lɔ riauriau.

Edhekiɛl 1:14

Kek läi gupken ayek lɔ ku bïkkï, cï wilëdeŋ.

Edhekiɛl 1:16

Kek cök ke abëël kedhie akïtkï, ku alek bilbil cït kur ke kurithilo, ku tök në keek kedhie acï ade cöök däŋ cï riëëu në biäk cuëc,

Edhekiɛl 1:24

Guɔ awuɔɔu de wuök aa piŋ të pɛ̈ɛ̈r kek, ee ciët awuɔɔu de pïïu ke wɛ̈ɛ̈r, acït awuɔɔu de rem de tɔŋ dït, ku acït röl de Nhialic Awärjäŋ. Të cïï kek kɔ̈ɔ̈c në päär, ayek wuökken kuöm në kegup,

Edhekiɛl 1:7

Cökken alek rïc ku adekï miɔt cït kake akɛ̈ɛ̈l. Alek riauriau cït ka cï tɔc në pïïu ke Maläŋ.

Edhekiɛl 10:9

Ku tiëŋ ka cït cök ke abëël kaŋuan në cerubiim lɔ̈ɔ̈m, ku keek athööŋkï, kënë ee tɔ̈u në cerub tök lɔ̈ɔ̈m, ku täu de cök alek riauriau cï kur ke kurithilo.

Edhekiɛl 40:3

Go ya lɛɛr të thiɔ̈k, guɔ raan lɔ riauriau cï maläŋ tïŋ. Amuk alanh de linɔn ku thieny ye käŋ them, ku yen akääc në kueer thok.

Edhekiɛl 8:2

Guɔ të nhial lieec, aguɔ nyuuth cït guöp raan tïŋ. Gɔl në yekɔ̈u leer ë yeguöp acït mac, ku gɔl ë yekɔ̈u leer nhial ariau cï maläŋ cï coth kɔ̈u.

Math 17:2

go yeguöp puk aye guöp däŋ ë kenïïm, go nyin lɔ riauriau cït man ë akɔ̈l, ku ɣer lupɔde ëwic cït ɣɛɛrëpiny.

Math 28:3

Acït nyin wilëdeŋ, ku lupɔde aɣer ë wic cït alath,

Luk 9:29

Ku të ŋoot en ke läŋ, ke täu de yenyin ë puk rɔt, go lupɔde jɔ ɣɛɛr abï lɔ bilbil.

Nyuuth 10:1

Na wën, ke ya tïŋ tunynhial däŋ ril, ke bɔ̈ piny nhial, aceŋ luät cït man ë lupɔ, ku ceŋ mïït ë deŋ ë yenɔm, ku cït nyin akɔ̈l, ku cït cök mëën ke mac.

Nyuuth 19:12

Ku acït nyin liem de mac, ku nu gööl juëc ke dhuëëŋ ë yenɔm, ku acath ke rin cï gɔ̈ɔ̈r rin cïn raan ŋic ke, ee yen ŋic ke yetök.

Nyuuth 2:18

Ku gäär tunynhial de ɣön ë Nhialic nu Thuatira alë: Kakë aluel Wën ë Nhialic keek, raan cït nyin liem ë mac, ku cït cök maläŋ cï lɔ bilbil:

Nyuuth 21:20

kë ye kek dhïc ee onik, kë ye kek dhetem, ee thardiɔn, kë ye kek dhorou, ee kurithilo, kë ye kek bɛ̈t, ee beril, kë ye kek dhoŋuan, ee topadh, kë ye kek thiëër, ee kuruparatho, kë ye kek thiëër ku tök, ee jakintho, kë ye kek thiëër ku rou, ee amethit.