Danyel 10:20 - JAM DE NHIALIC 2011

^20-21 Go lueel an, “Ŋic kën ë tɔ yɛn bɔ̈ tëde yïn? Ee luɔi bän yïn bɛ̈n nyuöth kë cï gɔ̈ɔ̈r në Awerek de Yith yic. Ku ënɔɔnë yɛn bï rɔt puk bä lɔ thɔ̈ɔ̈r wokë tuny ë wën melik de Perthia, ku të cän thök wokë yen, ke tuny de wën melik de Girikii abï bɛ̈n. Ku acïn raandäŋ bï ya kony në tɔŋdï wok ë keek ee Maikɔl yetök tunynhial de Yithriɛl.

Danyel 10:20 ပူးပေါင်းရင်းမြစ်များ

Edhr 4:4

Go kɔc ceŋ piny kɔc ke Judai tɔ diɛɛr ku tɔkï keek riɔ̈c në yïk.

Yith 37:36

Go tunynhial ë Bɛ̈nydït lɔ në paany cïï Athiriya piɔ̈ɔ̈t thïn ku nɛ̈k bɔt ku thiërbɛ̈t ku dhïc de agum 185,000 de rem de tɔŋ ɣɔn akɔ̈u, na ɣɔn amiäk aa lɔ kɔc pääc, go kɔc cï döŋ apïïr kɔc ëbɛ̈n tïŋ adhɔt piny ke ke cï thou.

Danyel 10:13

Go tuny de wën melik de ciɛɛŋ de Perthia ya pɛ̈ɛ̈n në nïn kathiërrou ku tök. Ago Maikɔl, raan töŋ de bäny ke tunynhial bɛ̈n bïï yɛn bɛ̈n kuɔny, në biäk cïï ë yɛn nyääŋ Perthia ëtɛ̈ɛ̈n yatök.

Danyel 7:6

Ku të wën daai ɛn, guɔ lɛ̈n däŋ tïŋ. Acït guöp kuac, ku ade kɔ̈u wuök kaŋuan, wuök cït wuök ke dit, ku ade nïïm kaŋuan. Ku ade bääny tiëc në daaide yic.

Danyel 8:21

Ku bou anyooth ciɛɛŋ de Girikii, ku tuŋ ril tɔ̈u ë yenɔm cil ee melik tueŋ.

Luɔi 12:23

Na wën, ee tëthiinë, ke yup tunynhial de Bɛ̈nydït, luɔi kën en Nhialic leec, go käm cam, go thou.