Danyel 10:19 - JAM DE NHIALIC 2011

¹⁹ Go lueel an, “Nhialic anhiaar yïn, ku du tɔ de kë diir yïn, ku du riɔ̈c. Wën cï yen ee kënë lueel, aguɔ rɔt yök ke ya ril aläl, aguɔ lueel an, “Bɛ̈ny, lɛ̈kë yɛn kë kɔɔr bä lueel, yïn cï yɛn tɔ piɛth.

Danyel 10:19 ပူးပေါင်းရင်းမြစ်များ

Diɛt 138:3

Yïn cï lɔ̈ŋdï piŋ wään caal yɛn Yïn, në riɛldu yïn cï yɛn bɛ̈n të ril ayadäŋ.

Yith 35:4

lɛ̈kë raan cï piɔ̈u jiɛth ëbɛ̈n an, “Tɔ rɔt ril ku du riɔ̈c! Bɛ̈nydït abï yïn bɛ̈n luök, abï kɔc ke aterdu bɛ̈n luöi këtuc.”

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 41:14

Aye Bɛ̈nydït lueel an, “Cakaa nɔn koor yïn ku kɔ̈c wäkya, Yithriɛl, duökï riɔ̈ɔ̈c, wek bä ke kony, Yɛn Nhialic Ɣeric de Yithriɛl, Ee Yɛn ee kɔc kony.

Danyel 10:18

Ago yɛn bɛ nyɔk ë döm, guɔ rɔt yök ke ya ril.

Danyel 9:23

Të wään gɔl yïn jam wek ë Nhialic, Nhialic acï lɔ̈ŋdu piŋ, Anhiaar yïn, ka yɛn aa bɔ̈ bä yïn bɛ̈n lɛ̈k jamde. Ka ënɔɔnë jɔ rɔt kiɛm piny të waar ɛn nyuuth yic.

Ɣagai 2:4

Aye Bɛ̈nydït de rɛm lueel an, Ku ënɔɔnë, riɛɛtkï röt piny yïn Dherubabel wekë Jocua, bɛ̈nydïït ë kake Nhialic, ku kɔc ke piny kedhie, ku luɔikï luɔi. Yɛn tɔ̈u wokë week,

Dhek 8:13

Cït man cä wek kɔn aa kɔc ke aciɛɛn në juööriic baai de Juda wekë baai de Yithriɛl, wek bä bɛ kony ku ta we ye athiɛɛi. Riɛtkï wepiɔ̈ɔ̈th, duökï riɔ̈c.

Dhek 8:9

Kë cï Bɛ̈nydït de rɛm lueel kï an, “Riɛtkï wepiɔ̈ɔ̈th, wek kɔc piŋ ee jamë në tït thook ee aköölkë, gɔl në kööl ɣɔn tɛ̈ɛ̈uwë ë këërkëër de Luaŋdït de Bɛ̈nydït de rɛm piny, në luɔi bïï ë Luaŋdït yïk.

Jɔn 11:3

Go nyïïrakɛcken raan tooc le ku lueel an, “Bɛ̈nydït, raanduön nhiaar ade guöp juäi.”

Jɔn 11:36

Go Judai lueel an, “Wɔikï, nhiëër ë nhiɛɛr en en!”

Jɔn 11:5

Ku Yecu aa nhiaar Martha, ayï nyankënë, ayï Ladharo.

Jɔn 14:27

“Mät en anyäŋ week, mändï en agäm week: miɔ̈c miaac ɛn week, acïï cït man ë miɔ̈c ee kɔc ke piny nɔm we miɔɔc. Duökï wepiɔ̈ɔ̈th tɔ jeth, ku duökï wepiɔ̈ɔ̈th tɔ riɔ̈c.

Jɔn 16:33

Kakë acä ke lɛ̈k week, ke we bï dɛ mät ë yayic. Në piny nɔm ke we bï dɛ këtuc ee we dhal: riɛtkï wepiɔ̈ɔ̈th tei! Yɛn ë piny nɔm tiaam.”

Jɔn 19:26

Na wën, a tïŋ Yecu man, ku tïŋ raanpiööcë raan nhiɛɛr ke kääc ëtɛ̈ɛ̈n, ke jɔ lɛ̈k man an, “Tiiŋë, woi, wëndu kï!”

Jɔn 21:20

Go Petero rɔt puk, ku tïŋ raanpiööcë raan nhiɛɛr Yecu, ke kuany kecök, yen aye raan wään kɛn rɔt ë yeyɔu tëde cäm thëën, raan wään thiëc an, “Bɛ̈nydït, eeŋa ee raan bï yï nyiɛɛn?”

1 Kor 16:13

Yak röt tiit, kääckï apiɛth ë gämic, yak luui ë luɔi ë röör, yak riɛl.

2 Kor 12:9

Go lɛ̈k ɛn an, “Dhuëëŋ de yɛnpiɔ̈u ee yï kiët: riɛldiën dït aye tɔ ye dikëdik në kɔ̈c kɔ̈ɔ̈cë raan.” Yen abän rɔt aa leec ke ya mit piɔ̈u aläl në kɔ̈c aa yɛn guöp kɔ̈c, ke riɛldït ë Kërtho bï rëër ë yaguöp.

Epethiei 6:10

Cöök ciëën, mïthëkɔckuɔ, yak riɛl ë Bɛ̈nydïtic, në riɛl dïït ril en.

2Tim 2:1

Yeka mɛnhdï, ye riɛl në dhuëëŋdepiɔ̈u nu ë Kërtho Yecuyic.

Jocua 1:9

Yïn cä yɔ̈ɔ̈k an rit yïpiɔ̈u, ku tɔ rɔt ril. Du rɔt tɔ riëëcë, ku du rɔt pɛ̈l wei, Bɛ̈nydït Nhialic abï tɔ̈u ke yïn alɔ të le yïn thïn.

Nyuuth 1:17

Na wën, aa cä ye tïŋ, ke ya jɔ wïïk ë yecök cït man ë kë cï thou. Go ciin cuënyde tääu ë yaguöp, yöök ɛn, an, “Du riɔ̈ɔ̈c: yɛn ee tueŋ, ku ya ciëën.

Bäny 6:23

Ago Bɛ̈nydït lɛ̈k yen an, “Ee Mät! Du riɔ̈ɔ̈c. Yïn cïï bï thou.”