Danyel 10:16 - JAM DE NHIALIC 2011

¹⁶ Na wën ke tunynhial, cït guöp raan, ke riny yeciin tueŋ ku jiɛk yathok. Guɔ lɛ̈k en an, “Bɛ̈ny, nyuuthë acï yɛn tɔ kɔ̈c aläl, ka acïn luöi kɔ̈ɔ̈c ë lɛth lɛthë yɛn.

Danyel 10:16 ပူးပေါင်းရင်းမြစ်များ

Bɛ̈n 4:10

Go Mothe Bɛ̈nydït lɔ̈ŋ an, “Acie yen Bɛ̈nydït, yɛn kën kɔn aa raan ŋic jam ë caŋdï, gɔl të wën ë ciɛk Yïn jam wekë yɛn aɣët cï ye manë. Yɛn thiek liep, ka yɛn ye jam ban.”

Bɛ̈n 4:13

Go Mothe lɛ̈k Bɛ̈nydït an, “Acïï go ye dhääl Bɛ̈nydït, toc raan däŋ.”

Wɛ̈ɛ̈t 1:18

Në biäk ye pɛlënɔm dït bɛ̈n kekë jiɛthëpiɔ̈u dït, ku raan ee ŋïnydekäŋ ŋuak ee dhiënëpiɔ̈u ŋuak.

Yith 6:7

Go ya jak thok në col dɛ̈pë ku lueel an, “Kënë yï jak thok, ku ënɔɔnë awänydu acï jäl, ku karɛcku acï ke päl yïn.”

Jeremia 1:9

Go Bɛ̈nydït Yeciin ɣɔ̈ɔ̈k, ku jiɛk a thok ku lɛ̈k yɛn an, “Piŋ, yïn gäm jam bä dhil lɔ lueel.

Edhekiɛl 1:26

Në gëlgël nɔm nhial ade kë cït thööc cï looi në kuur cɔl thapiro, ku kë cït raan acï nyuc në yenɔm.

Edhekiɛl 3:27

Ku të lan bɛ jam wo yïn, ku bɛ yïn gäm riɛl de jam, abä keek lɛ̈k kë cä lueel Yɛn Bɛ̈nydït Awärjäŋ. Kɔc kɔ̈k abïk piŋ në ke yiic, ku abïï ë kɔc kɔ̈k biɔn, në biäk ye kek jur jai.”

Edhekiɛl 33:22

Ɣɔn thëën ke raan ë kën kɔn bɛ̈n, yɛn cï riɛldïït de Bɛ̈nydït yök në yaguöp. Na jɔ raan ɣëët në ɣɔn amiäk de kööl däŋë, go Bɛ̈nydït ya bɛ pɔ̈k nɔm riɛl de jam.

Danyel 12:8

Yɛn cï kë lueel piŋ, ku akën yökic. Aguɔ luɔp an, “Ku bɛ̈ny, bï kake kedhie jɔ thök adï?”

Danyel 4:19

Cöökë acï Danyel ku yen ye cɔl Beltecadhar tɔ mum nɔm aläl abï lɔ dïu ke cïï jam. Go ë melik lɛ̈k en an, “Beltecadhar, du nyuöth kekë wɛ̈r de yen yic tɔ mum yïnɔm. Go Beltecadhar bɛ̈ɛ̈r an, “Yïn melik, anhiaar adï jɔ nyuöth kekë wɛ̈r de yen yic rɔt puɔ̈k kɔc ke aterdu, ke cie yïn.

Danyel 7:15

Nyuuth cä ke tïŋ acïk ya mum nɔm, ka yɛn cï piɔ̈u jiɛth aläl.

Danyel 7:28

Kënë yen ee thök de ka cï röt looi. Yɛn aacï riɔ̈ɔ̈c aläl, arëk abä nɔm mum, ku yɛn cï këriëëc ëbɛ̈n muɔ̈k ë yapiɔ̈u.

Danyel 8:15

Aa kaar bä yökic yen kë lueel ë nyuuth. Guɔ kë cït raan tïŋ akääc ë yanɔm.

Danyel 8:17

Go Gabriɛl bɛ̈n ku kɛ̈ɛ̈c ë yalɔ̈ɔ̈m, ku yɛn aa cï riɔ̈ɔ̈c aläl, man abä wïïk piny. Go lɛ̈k ɛn an, “Mɛnh ë raan, yök kë lueel yic. Nyuuth alueel kë däŋ në biäk de akööl ciëën.

Danyel 8:18

Ku të wën jiɛɛm en, yɛn cï wïïk piny ku thɔ̈ɔ̈k. Go ya dɔm ku jɔt ya nhial abä kɔ̈ɔ̈c në yecök,

Danyel 8:27

Yɛn aacï guöp thou ku dɔm juäi ya në nïn juëc. Na wën ke ya jɔt rɔt ku laar ë luɔɔi yic, luɔɔi cïï melik gäm ɛn. Ku yɛn aacïï nyuuth tɔ mum nɔm ku akɛ̈n bɛ̈n yökic.

Danyel 9:21

Ku tën wën läŋ yɛn. Go Gabriɛl bɛ̈n të nuö yɛn ke päär, Gabriɛl wään bä tïŋ në nyuuth tueŋë yiic. Aa ye kaam ye miɔ̈c näk athɛ̈i gam.

Luk 1:64

Go thoŋde rɔt liep ënɔnthiinë, ku däk liep rɔt, go jam, ku leec Nhialic.

Luk 21:15

we bä gäm thook pɛlënɔm, ke kɔc de ater në week ke ke cïï bëër bëër kek këdun bï lëu, ayï teer teer kek në week aya.

Jɔn 20:28

Go Thoma bɛ̈ɛ̈r, lueel an, “Bɛ̈nydiëndït, ku Nhialicdï.”

Jocua 5:14

Go puk nɔm an, “Yɛn cie raandun, ku yɛn cie raan de kɔckuön ke ater. Yɛn ee bɛ̈ny ë rem de tɔŋ ë Bɛ̈nydït.” Go Jocua rɔt cuat piny, ke jam ke gut e nyin piny, lɛ̈ŋ lueel an, “Yɛn awundu bɛ̈ny. Eeŋö kɔɔr kë luöi Yïn?”

Nyuuth 1:13

ku kääc kë cït Wën ë raan ë kuc ke mɛ̈ckealath yiic cil, aceŋ alulut pëk ë yecök piny, ku cï thiönh ë adhääp duööt ë yeteŋ.

Bäny 13:8

Na wën ke Manowa ë läŋ Bɛ̈nydït, an, “Bɛ̈nydït, Yïn liɛp, tɔ raan de Nhialic wään bä tuööc bɔ̈ tëde wook, bïï wo bɛ̈n wɛ̈ɛ̈t ë kueer bïï wok ë mɛnh bï dhiëëthë muk.

Bäny 6:13

Ago Gidiɔn yen bɛ̈ɛ̈r an, “Na ye Bɛ̈nydït tɔ̈u ke wook, eeŋö ye nuɛɛnkë wo bɛ yök? Ku nu kagɛ̈iyë ke ënou ka wään ye wärkuɔ ke guiëër wook an ye Bɛ̈nydït ke looi, ku Yen ë bïï wo bei piny de Rip adï? Ku ënɔɔnë Bɛ̈nydït ë wo nyääŋ piny, acï wo päl ë kɔc ke Midian cin.”

Bäny 6:15

Go Gidiɔn bɛ̈ɛ̈r an, “Bɛ̈nydït yɛn bä kɔc ke Yithriɛl lɔ luök adï? Tïŋ, kɔc ke dhiëndï kek akɔ̈c në dhiën de Manatha yic, ku yɛn ee raan töŋ thiin cïn naamde arëët në dhiën ë wääric.”