Danyel 10:14 - JAM DE NHIALIC 2011

¹⁴ Yɛn aa bɔ̈ bä yïn tɔ ŋic kë bï rɔt luöi kɔckun wadäŋ. Kënë ee nyuuth në biäk de wadäŋ.

Danyel 10:14 ပူးပေါင်းရင်းမြစ်များ

Cäk 49:1

Ku ëtɛ̈ɛ̈n, Jakop ë wɛ̈ɛ̈tke bɛ̈n cɔɔl kedhie. Ku lëk keek an, “Guɛ̈ɛ̈rkï eenë, ke we bä bɛ̈n guiëër ka bï röt lɔ̈ɔ̈k looi wadäŋ:

Yith 2:2

Në akööl bï bɛ̈n tueŋë, kuur ee yen kɛ̈ɛ̈c ë Luaŋdït ë yenɔm abï aa yen ee tëde naamde në keek kedhie, aloocdïït bäär wär kur nïïm ëbɛ̈n. Juöör ke piny nɔm, abïk aa bɛ̈n kekë wɛ̈l röt ëtɛ̈ɛ̈n,

Edhekiɛl 12:27

“Mɛnh ë raan, baai de Yithriɛl ayek tak nɔn ee nyuuthku, ku ka cï keek caar ajamkï në biäk de ka bï bɛ̈n rial miäk wadäŋ.

Edhekiɛl 38:16

Wek bï kɔckiën ke Yithriɛl mak cï amaŋ tem piny kɔ̈u. Të cï köölë bɛ̈n, wek bä ke tooc bäk pinydï lɔ peec, ke bä nyuöth juöör ya ŋa, bä ɣɛɛr de yɛn yic nyuɔɔth në kë bä looi në kueerdun.

Danyel 10:1

(Në ruöön de diäk wään ye Thairuth melik de Perthia, jam acï nyuöth Danyel, yen acɔl Beltecadhar aya, jam aaye yic, ku arilic aläl në luöi bï ë yen yökic, ku jam acï wɛ̈ɛ̈ric yen ë Nyuuth yic.)

Danyel 12:4

Go ë tunynhial lɛ̈k ɛn an, “Ku ënɔɔnë, Danyel, thiɔ̈k awerek ku bot thok aɣët cï thök de piny nɔm. Ku kɔc juëc abïk kaamdït thöl ke ke kɔɔr luöi bï kek kë loi rɔt yökic.

Danyel 12:9

Go bɛ̈ɛ̈r an, “Danyel, jɔ jäl ënɔɔnë, wëlkë abïï keek dhil muk ke ke mony ku thian keek agut të bïï ë kööl ciëën bɛ̈n.

Danyel 2:28

Ku ade Nhialic nu paannhial, yen ee kacïmoony nyuɔɔth. Nhialic acï melik nyuöth ka bï tuöl wadäŋ. Ku ënɔɔnë yïn bä lɛ̈k nyuöth ë nyuöth yïn, wään niin yïn në agen nɔm.

Danyel 8:16

Ku piɛŋ röl cööt ë kiir ë Yulai nɔm an, “Gabriɛl, wëërë yic kë lueel ë kë cï tïŋ.

Danyel 8:26

Ku nyuuth në biäk de ka näk thëën ku miäk, nyuuth cï wɛ̈ɛ̈ric yïn, abïk keek tɔ ee yic. Ku mony ënɔɔnë, në biäk bïï akööl juëc tɛ̈ɛ̈k ke kën kɔn aa yic.

Danyel 9:22

Go lueel an, “Danyel yɛn aa bɔ̈ tëde yïn bä yïn bɛ̈n gäm pɛlënɔm ku ŋïnydekäŋ bï yï tɔ yök nyuuth yic.

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Maika 4:1

Në akööl ciëën wadäŋ, në kuur tɔ̈u ë Luaŋdït në yenɔm yen abï kɔ̈ɔ̈c ke ye kuur de naamde arëët në kur yiic kedhie abï kur kor wöör nïïm kedhie. Ka juöör juëc ëbɛ̈n, abïk aa guëër ë yelɔ̈ɔ̈m,

Ɣabakuk 2:3

Yïn bï nyuuthë dhil gɔ̈ɔ̈r ku abï aköölkë tiit. Ku kë cä nyuöth yïn abï rɔt looi. Na cït kë gääu, ke tit abï dhil bɛ̈n, acï bï gääu.

Kuɛ̈n 24:14

Go Balaam lɛ̈k Balak an, “Yɛn puk a nɔm kɔckï, ku të kɛn Ɛn kɔn jäl, ë yï lɛ̈k ke bïï kɔc ke Yithriɛl luöi kɔcku në akööl bɔ̈ tueŋ.

Nyöŋ 31:21

Ku të le karɛc juëc ku nuɛɛn juëc keek yök, yen ee dinë abï ya cäätɔ gɛɛny keek. Në biäk cïï mïth ke mïthken nïïm bï määr në yen. Yɛn ŋic këdɛn bïk looi, ayï wään ŋuɔɔt ɛn ke ke kɛ̈n bɛ̈ɛ̈i piny ɣɔn cän kuëëŋ an bä gäm keek.

Nyöŋ 31:29

Në baŋ ŋiɛc ɛn en miäk të cän thou wek bï riääk aläl, ku pɔ̈kkï röt wei në lööŋ cä lɛ̈k week, në ee nïn bɔ̈yë, riääk abï we lɔ̈ny në biäk bä wek karɛc looi ë Bɛ̈nydït nyin, ku takï rac piɔ̈u në ka looi cinkun.

Nyöŋ 4:30

Të la wek lɔ nuan, ku cï kakë röt luöi wek kedhie, wek bï röt pɔ̈k Bɛ̈nydït ëtɛ̈ɛ̈n, ku jakï Bɛ̈nydït riëëu guöp.

2Tim 3:1

Jɔ kënë ŋic an, të cï thök de piny thiɔ̈k, ke akööl rac bï kɔc dhal abïk bɛ̈n.

Ɣeberuu 2:3

Ka buk poth adï, të kën wok wonïïm riët kuɔɔnydïït de wëiyë. Ku Bɛ̈nydït guöpde Yen aa kɔn ee jamë luɛɛl, ku jɔ kɔc ɣɔn cï ye piŋ nyuöth wook nɔn yen yic.