Danyel 10:12 - JAM DE NHIALIC 2011

¹² Ago jɔ lueel an, “Danyel, du riɔ̈c. Nhialic acï lɔ̈ŋdu piŋ, gɔl ë kööl tueŋ bï yïn rɔt kuɔɔr piny, në biäk bï yïn yöŋ de käŋ yiic yök. Yɛn aa bɔ̈ bä lɔ̈ŋdu bɛ̈n bɛ̈ɛ̈r.

Danyel 10:12 ပူးပေါင်းရင်းမြစ်များ

Diɛt 69:10

Yɛn cï rɔt kuɔɔr piny në reec de cäm, go kɔc ya läät,

Yith 35:4

lɛ̈kë raan cï piɔ̈u jiɛth ëbɛ̈n an, “Tɔ rɔt ril ku du riɔ̈c! Bɛ̈nydït abï yïn bɛ̈n luök, abï kɔc ke aterdu bɛ̈n luöi këtuc.”

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 41:14

Aye Bɛ̈nydït lueel an, “Cakaa nɔn koor yïn ku kɔ̈c wäkya, Yithriɛl, duökï riɔ̈ɔ̈c, wek bä ke kony, Yɛn Nhialic Ɣeric de Yithriɛl, Ee Yɛn ee kɔc kony.

Yith 58:9

Ku të läŋ wek, Yɛn bï lɔ̈ŋdun bɛ̈ɛ̈r. Të caal wek ɛn, Yɛn bï cɔ̈tdun dɔk nɔm. “Të la wek yaaŋ pɔ̈l, ku pälkï agöth, ku jam rac ëbɛ̈n,

Yith 65:24

Aɣet të ŋoot kek ke ke läŋ ɛn, yɛn bï lɔ̈ŋden puk nɔm.

Danyel 10:11

Go tunynhial ya yɔ̈ɔ̈k an, “Danyel, Nhialic anhiaar yïn, jɔt rɔt ku piŋ kë lɛ̈k yïn apiɛth. Yɛn cï tuöc yïn. Wën cï yen ee kënë lueel, yɛn cï rɔt jɔt, ku ŋuɔɔt ke ya lɛthë.

Danyel 10:19

Go lueel an, “Nhialic anhiaar yïn, ku du tɔ de kë diir yïn, ku du riɔ̈c. Wën cï yen ee kënë lueel, aguɔ rɔt yök ke ya ril aläl, aguɔ lueel an, “Bɛ̈ny, lɛ̈kë yɛn kë kɔɔr bä lueel, yïn cï yɛn tɔ piɛth.

Lebai 16:29

Kënë abäk aa looi ë run nyïïn ëbɛ̈n. Në kööl ye pɛɛi de dhorou thok thiëër, wek bï röt dhil aa theek, ku duökï ee lui thïn, kɔc kedhie, raan de Yithriɛl, ayï alei rɛ̈ɛ̈r ë weyiic.

Lebai 16:31

Ee Thabath de lɔ̈ŋ, ka we bï dhil aa thek thïn, ee kë bäk aa looi ë run nyïïn ëbɛ̈n.

Kuɛ̈n 29:7

Matkï we nïïm në lɔ̈ŋ ɣeric yic në kööl ye nïn thiëër në pɛɛi de dhorouwic ke cïn raan cäm ku cïn raan lui.

Math 28:10

Go Yecu ke yɔ̈ɔ̈k an, “Duökï riɔ̈c, lak lɛ̈kkï mïthëkɔckuɔ an, bïk lɔ Galili, tɛ̈ɛ̈n en abï kek a tïŋ.”

Math 28:5

Go tunynhial bɛ̈ɛ̈r, yöök diäär an, “Duökï riɔ̈c, aŋiɛc nɔn kaar wek Yecu, raan wään cï piäät ë tim cï rïïu nɔm kɔ̈u.

Mak 16:6

Go keek yɔ̈ɔ̈k an, “Duökï gäi: wek kɔɔr Yecu raan ë Nadhareth, raan wään cï piäät ë tim cï rïïu nɔm kɔ̈u: acï rɔt jɔt: aliu ee tënë, wɔikï të wään tɛ̈ɛ̈u kek en.

Luk 1:13

Go tunynhial yɔ̈ɔ̈k an, “Du riɔ̈c, Dhekaria, lɔ̈ŋdu acï piŋ. Ku tiiŋdu Elithabeth abï yï dhiëth mɛwä, ku abä cäk an, Jɔn.

Luk 1:30

Go tunynhial yɔ̈ɔ̈k an, “Du riɔ̈c, Meri: yïn ë dhuëëŋdepiɔ̈u yök tëde Nhialic.

Luk 2:10

Go tunynhial ke yɔ̈ɔ̈k an, “Duökï riɔ̈c, piɛŋkï, wek guiëër wël piɛth wël ke piɔ̈nmit, wël bï aa ka ke kɔc kedhie.

Luk 24:38

Go ke thiëëc an, “Eeŋö päu wek piɔ̈ɔ̈th? Ku eeŋö luɛɛl wek kajuëc ë wepiɔ̈ɔ̈th?

Luɔi 27:24

ku jɔ lueel an, ‘Du riɔ̈c, Paulo, yïn bï dhil lɛɛr ë Kaithar nɔm. Ku tïŋ, Nhialic acï yï gäm pïïr pïïrë kɔc cath wek kedhie ayadäŋ.’

Nyuuth 1:17

Na wën, aa cä ye tïŋ, ke ya jɔ wïïk ë yecök cït man ë kë cï thou. Go ciin cuënyde tääu ë yaguöp, yöök ɛn, an, “Du riɔ̈ɔ̈c: yɛn ee tueŋ, ku ya ciëën.