Danyel 10:1 - JAM DE NHIALIC 2011

¹ (Në ruöön de diäk wään ye Thairuth melik de Perthia, jam acï nyuöth Danyel, yen acɔl Beltecadhar aya, jam aaye yic, ku arilic aläl në luöi bï ë yen yökic, ku jam acï wɛ̈ɛ̈ric yen ë Nyuuth yic.)

Danyel 10:1 ပူးပေါင်းရင်းမြစ်များ

Cäk 41:32

Ku nyöŋ cïn nyuöthdu nyɔkic, anyooth luɔi cï Nhialic jam tɔ ye yic, ku abï dap tɔ loi rɔt.

2 Lëk 36:22

Na ɣɔn ë ruöön tueŋ ye Thairuth melik de Perthia, go jam de Bɛ̈nydït ɣɔn cï Jeremia lueel aa yic. Go Bɛ̈nydït Thairuth melik de Perthia jɔt piɔ̈u, bï jam lɛ̈k kɔc, ku gɛ̈ɛ̈r ë awerekic, bï lɔ kuën kɔc ke pinyde kedhie:

Edhr 3:7

Na wën ke kɔc ë ke gëm wëu kɔc ee kur guaŋ kekë kɔc ee tiim guaŋ, ku gëmkï kɔc ke wun cɔl Thidon ku Tayer kacaam ku kadek ayï miök, agokï tiim ke thidar bɛ̈ɛ̈i në Lebanɔn në kueer wïïr agut cï Jopa, cït man cïï ye päl keek në Thairuth Melik de Perthia.

Edhr 4:3

Go Dherubabel kekë Jecua ku röördït tɔ̈u ë dhiëën ke Yithriɛl nïïm pɔ̈k nɔm keek an, “Wek cïn nïïm kë luɔikï në wook në yïŋ yïk wok ɣön de Nhialicda, abuk yiɛ̈k Bɛ̈nydït, Nhialic de Yithriɛl wapäc, cït man cïï Thairuth Melik de Perthia wook yɔ̈ɔ̈k.”

Edhr 4:5

Agokï kɔc nu ë bɛ̈ny cök kumthook, në baŋ bï kek luɔɔi de yïk riɔ̈ɔ̈k, aake ye kënë looi në akööl ke Thairuth kedhie, agut cï akööl ke bääny de Dariouth Melik de Perthia.

Edhr 6:14

Ku röördït ke Judai acïk bɛ̈n ŋoot ke ke yïk ku lɔ yïŋden tueŋ në luɔi cïï ye mat ke wëët ë duötëpiɔ̈u ë tït ke Nhialic yï Ɣagai kekë Dhekaria wën de Yido. Gokï ɣönden thöl ë yïk në löŋ cïï Nhialic de Yithriɛl kɔn lueel, ku lɔ lööŋ cï Meliik ke Perthia yï Thairuth, kekë Dariouth ke tääu piny ku jɔ löŋ de Ateradath lɔ̈ɔ̈k bɛ̈n.

Edhr 6:3

“Na ɣɔn ë ruöön tueŋ cïï Thairuth Melik de Perthia aa Melik de Babilon ke tɛ̈ɛ̈u löŋ piny, bïï ɣön ë Nhialic de Jeruthalem nyɔk ë yïk, të bïï miɔ̈c ye nyop ëbɛ̈n aa gam, ku tɛ̈ɛ̈uwë këërkëërde piny, ye bɛ̈ɛ̈rde ke lɔ nhial mitïïr ka thiërrou ku dhorou ku ye dït de yeyic mitïïr kathiërrou ku dhorou ya.

Yith 44:28

Guɔ lɛ̈k Thairuth an, “Ee yïn abï bääny muk në nyindï yic, yïn bï kë kaar bä looi looi: yïn bï löŋ tääu piny bïï Jeruthalem nyɔk në yïk ku bä këërkëër de Luaŋdït tɔ tɛ̈ɛ̈uwë piny.’”

Danyel 1:17

Nhialic ë wäthii kaŋuan gäm ŋïnydekäŋ, ku tëët ë gäär kekë pɛlënɔm dït. Ku jɔ Danyel ŋuak në miɔ̈c de wɛ̈r ë nyuuth yiic kekë nyuöth.

Danyel 1:21

Go Danyel rëër në luŋ de melikic aɣët cï ruöön tueŋ de Thairuth melik de Perthia ë Babilonia.

Danyel 1:7

Go bɛ̈ny tueŋ de rooc keek cäk rin. Go Danyel cäk an Beltecadhar, ku ciëk Ɣanania an, Cadrak, ku Miciɛl an, Mecak, ku Adharia an, Abenego.

Danyel 10:14

Yɛn aa bɔ̈ bä yïn tɔ ŋic kë bï rɔt luöi kɔckun wadäŋ. Kënë ee nyuuth në biäk de wadäŋ.

Danyel 11:2

Ku kë la lɛ̈k yïn ënɔɔnë ee yïc. Go tunynhial lueel an, “Meliik kɔ̈k kadiäk abïk Athiriya cieŋ, ku ŋuanden abï lɔ në kecök, raanë abï kuɛth aläl awär kɔ̈kkë. Ku të cï yen jɔ bäny ku ril aläl, abï ciɛɛŋ de Girikii tuääk.

Danyel 12:4

Go ë tunynhial lɛ̈k ɛn an, “Ku ënɔɔnë, Danyel, thiɔ̈k awerek ku bot thok aɣët cï thök de piny nɔm. Ku kɔc juëc abïk kaamdït thöl ke ke kɔɔr luöi bï kek kë loi rɔt yökic.

Danyel 12:9

Go bɛ̈ɛ̈r an, “Danyel, jɔ jäl ënɔɔnë, wëlkë abïï keek dhil muk ke ke mony ku thian keek agut të bïï ë kööl ciëën bɛ̈n.

Danyel 2:21

Ee akööl muk ayï nïn Ee meliik bɛ̈ɛ̈i ku nyiɛɛi keek Ee yen ee pɛlënɔm gäm kɔc pelnïïm ku gëm ŋïnydekäŋ kɔc ee käŋ yökiic.

Danyel 4:8

Ago Danyel bɛ̈n ɣöt. (Acɔl Beltecadhar ayadäŋ, rin cït rin ke yanhdï.) Wëi ke Nhialic ɣeric atɔ̈ukï në yen. Aguɔ lɛ̈k kë cän nyuöth. Acä lɛ̈k en an,

Danyel 5:12

Ade nɔm ŋïnydït ku apelnɔm, ku aa tën de wër ë nyuuth yiic, ku ee meek tiiŋ nïïm, ku weer kacïmoony yiic, ka yïn duëër raan tuöc raan cɔl Danyel, ku acï melik cäk an, Beltecadhar, ku abï yïn lɛ̈k kë lueel ee kënë ëbɛ̈n.”

Danyel 5:17

Go Danyel bɛ̈ɛ̈r an, “Muɔ̈kë miɔ̈cdu rɔt ku nɔn bä ke gäm raandäŋ pei, ku yïn bä kuɛ̈n kë cï gɔ̈ɔ̈r, ku lɛ̈k yïn kë lueel.

Danyel 6:28

Go Danyel jɔ kuɛth në akööl ke bääny de Dariouth yic ku akööl ke bääny de Thairuth raan ë Perthia.

Danyel 8:16

Ku piɛŋ röl cööt ë kiir ë Yulai nɔm an, “Gabriɛl, wëërë yic kë lueel ë kë cï tïŋ.

Danyel 8:26

Ku nyuuth në biäk de ka näk thëën ku miäk, nyuuth cï wɛ̈ɛ̈ric yïn, abïk keek tɔ ee yic. Ku mony ënɔɔnë, në biäk bïï akööl juëc tɛ̈ɛ̈k ke kën kɔn aa yic.

Luk 1:20

Tïŋ, yïn bï ciën thok, yïn cïï jam bï lëu, aɣët kööl bï kakë lɔ̈ɔ̈k tïc, luɔɔi kën yïn wëlkï gam, wël bï aa yith ëkööldɛn cï lueel.”

Nyuuth 19:9

Ku yöök tunynhial ɛn, an, “Gäär, an: Thieithieei kɔc cï cɔɔl ë këcam de thiëŋ de Nyɔŋamääl.” Go lɛ̈k ɛn, an, “Wël ke Nhialic ka, wël yith.”