Danyel 1:5 - JAM DE NHIALIC 2011

⁵ Ku acï melik lueel aya, an, bïï keek aa gäm këcam kekë mɔ̈u cït këcam de kɔc lui baai de melik. Të cïï run kadiäk thök në wɛ̈ɛ̈t, abï keek bɛ̈ɛ̈i në melik nɔm.

Danyel 1:5 ပူးပေါင်းရင်းမြစ်များ

Cäk 41:46

Jothep aaye run thiërdiäk, ɣɔn gɔl en luɔide kekë melik de Rip. Ago Jothep melik nyääŋ piny, ku le piny ë Rip caath ëbɛ̈n.

1 Mel 10:8

Thieithieei ë diëërku, ku thieithieei ë kɔckuön ee yï luööiyë, kɔc ee cool ë kääc ë yïnɔm, ku yek pɛlënɔmdu piŋ!

2 Mel 25:30

Ku aaye melik gäm wëu, bï yen kë kɔɔr aa ɣɔɔc, aköölnyïïn ëbɛ̈n.

2 Lëk 9:7

Kɔc luui ee yïn luööi acïk gup miɛt, ku kɔc ee tɔ̈u ë yïlɔ̈ɔ̈m aköölnyïïn, kɔc mit gup në pïŋ ye kek pɛlënɔmdu piŋ!

Kɛ̈ŋ 23:3

na cï dït ë piɔ̈ndu yï mɔ̈ɔ̈r, ke yï gut yïyic.

Jeremia 15:19

Go Bɛ̈nydït ee kënë bɛ̈ɛ̈r lueel an, “Na lɔ rɔt puk, yïn bä dhuöny nɔm ciëën, ku yïn bï bɛ aa raan ee ya luööi. Yïn cï jam yic lueel, yïn bï bɛ aa tiëtdï. Kɔc abïk bɛ̈n ciëën tëde yïn, ku acïn kë bï yïn tɔ lɔ tëde keek.

Danyel 1:19

Go melik jam ke keek kedhie, go yï Danyel ku Ɣanania ku Miciɛl ku Adharia ye diir awär kɔc kɔ̈kkë. Agokï ya kɔc tɔ̈u në luŋ de melik yic.

Danyel 1:8

Go Danyel dhel ë yepiɔ̈u nɔn cïï yen rɔt bï riɔ̈ɔ̈k në cäm de kuïn ku dëŋ de mɔ̈n de baai de melik. Go Acepenadh bɛ̈ny tueŋ de rooc yɔ̈ɔ̈k, në luɔi bï yen en pɔ̈l ke cïï rɔt riäk.

Math 6:11

Miɔc wook ëköölë në këcam kɔɔrku,

Luk 1:19

Go tunynhial bɛ̈ɛ̈r, yöök an, “Yɛn Gabriɛl kï, yɛn ee kɔ̈ɔ̈c ë Nhialic nɔm, ku yɛn cï tooc bä bɛ̈n jam wo yïn, ku bä wëlpiɛthkë bɛ̈n lɛ̈k yïn.

Luk 11:3

Ye wo miɔɔc ë aköölnyïïn ë kë buk aa cam.

Luk 21:36

Yen aa wek röt tiit, ku yak cool ë lɔ̈ŋ ë aköölnyïïn kedhie, ke bï we tɔ ye kɔc ee röŋ në luɔi bä wek poth ë ka bï bɛ̈në kedhie, aguɔkï kɔ̈ɔ̈c ë Wën ë Raan nɔm.”

1 Tham 16:22

Ago Thaulo thok tɔ yïnë Jethe lueel an, “Debid ee mɛnh piɛth, päl ë yök ke luui yɛn eenë.”