Danyel 1:19 - JAM DE NHIALIC 2011

¹⁹ Go melik jam ke keek kedhie, go yï Danyel ku Ɣanania ku Miciɛl ku Adharia ye diir awär kɔc kɔ̈kkë. Agokï ya kɔc tɔ̈u në luŋ de melik yic.

Danyel 1:19 ပူးပေါင်းရင်းမြစ်များ

Cäk 41:46

Jothep aaye run thiërdiäk, ɣɔn gɔl en luɔide kekë melik de Rip. Ago Jothep melik nyääŋ piny, ku le piny ë Rip caath ëbɛ̈n.

1 Mel 17:1

Go tiët cɔl Elija raan ë Ticibe në Giliyad lɛ̈k melik Aɣap an, “Alɛ̈k yïn në rin ke Bɛ̈nydït, Nhialic pïïr de Yithriɛl ya luööi, an abï ciën deŋ ku cïn thäc në ee runke yiic agut të bän e lueel.”

Kɛ̈ŋ 22:29

Raan ŋic luɔide looi, ee bäny kek ee luöi ku acie kɔc tei.

Jeremia 15:19

Go Bɛ̈nydït ee kënë bɛ̈ɛ̈r lueel an, “Na lɔ rɔt puk, yïn bä dhuöny nɔm ciëën, ku yïn bï bɛ aa raan ee ya luööi. Yïn cï jam yic lueel, yïn bï bɛ aa tiëtdï. Kɔc abïk bɛ̈n ciëën tëde yïn, ku acïn kë bï yïn tɔ lɔ tëde keek.

Danyel 1:18

Na ɣɔn në thök de run kadiäk wään cï melik keek mac, ke Acepenadh bɛ̈ny tueŋ de rooc ë jɔ wäthii jɔt kedhie yïn ke Nebukadnedhar.

Danyel 1:4

Abïk dhil aa dhuök läk, ku yek atëët në pɛlënɔm ëbɛ̈n, kɔc de ŋïnydekäŋ, kɔc ee dap wëët, ku cïnkï gup tëdak, kɔc bï luɔi de paan ë melik lëu. Ku abï Acepenadh keek wɛ̈ɛ̈t në kuën ku gäär ë thoŋ de Babilonia.

Danyel 1:5

Ku acï melik lueel aya, an, bïï keek aa gäm këcam kekë mɔ̈u cït këcam de kɔc lui baai de melik. Të cïï run kadiäk thök në wɛ̈ɛ̈t, abï keek bɛ̈ɛ̈i në melik nɔm.

Danyel 1:6

Ku kɔc ë lɔc keek ee yï Danyel, ku Ɣanania, ku Miciɛl, ku Adharia, raan wun ë Juda.

Danyel 1:7

Go bɛ̈ny tueŋ de rooc keek cäk rin. Go Danyel cäk an Beltecadhar, ku ciëk Ɣanania an, Cadrak, ku Miciɛl an, Mecak, ku Adharia an, Abenego.

Danyel 2:13

Go melik löŋ tääu piny në luöi bï ë röör pelnïïm nɔ̈k kedhie, ayï Danyel kekë määthke.

Danyel 3:29

“Ku ënɔɔnë aluɛɛl an, na lɔ kɔc ë wuöt ëbɛ̈n ayï juöör ëbɛ̈n, ku thook ëbɛ̈n Nhialic de Cadrak, ku Mecak, ku Abenego, lɔ kuöc jääm, raanë abïï nɔ̈k, ku ɣönde abïï tɔ ee dhuur nɔm. Acïn yanh duëër luäk ë luääk cït ee kënë.”