Cäk 50:24 - JAM DE NHIALIC 2011

²⁴ Ago Jothep lɛ̈k mïthëkɔcken an, “Yakï cï thiɔ̈k wo thuɔɔuwë, Nhialic abï we lɔ̈ɔ̈k tiit, ku löök we bɛ̈ɛ̈i bei piny ë Rip. Ku abï we lɛɛr piny wään cï thɔ̈n Abraɣam kekë Yithaak ku Jakop.”

Cäk 50:24 ပူးပေါင်းရင်းမြစ်များ

Cäk 12:7

Go Bɛ̈nydït bɛ̈n tëde Abram, ku lëk en an, “Piny bä gäm mïthku kï.” Ago Abram Bɛ̈nydïït cï tïc tëde yen yiëk yïk.

Cäk 13:15

Yïn bä gäm piny lɔ tïŋ ëbɛ̈n, wekë mïthkuön bï lɔ̈ɔ̈k tɔ̈u në yïcök aɣet athɛɛr.

Cäk 13:17

Ku ënɔɔnë, lɔ caathë piny ëbɛ̈n, në luɔi bän e gäm yïn.”

Cäk 15:18

Ago Bɛ̈nydït mät looi kekë Abram ee köölë, lueel ë Bɛ̈nydït an, “Pinyë acä gäm mïthku, gɔl në aken ë Rip agut cï wɛ̈ɛ̈r ë Yuparat.

Cäk 15:7

Ago Bɛ̈nydït lɛ̈k Abram an, “Ee Yɛn aye Bɛ̈nydït ë jɔt yïn ë Ur, piny ë Babilon, bä yï bɛ̈n gäm ee pinyë bï ya këdu.”

Cäk 15:8

Go Abram lop an, “Ku bä ŋic adï, Bɛ̈nydït Nhialic, nɔn bï en aa këdï?”

Cäk 17:8

Ku yïn bä gäm ee pinyë, wekë mïthkuön bï lɔ̈ɔ̈k tɔ̈u në yïcök. Piny ciɛŋkï, piny de Kanaan ëbɛ̈n, abï ya pinydun anande. Ku Yɛn bï ya Nhialicden aɣet athɛɛr.

Cäk 21:1

Ago Bɛ̈nydït lɔ tëde Thara cït man cï Yen e lueel, ku thieei Thara cït man ɣɔn cï Yen e thɔ̈n en.

Cäk 26:3

Rɛ̈ɛ̈rë ee pinyë, ku yïn bä thieei. Ku piny abä gäm yïn wekë mïthku. Ku gutguutdiën wään cä lɛ̈k Abraɣam wuur, abä thöl thok ënɔɔnë.

Cäk 28:13

Ku tïŋ Bɛ̈nydït akääc në yenɔm nhial, ku piŋ ke lueel an, “Ee Yɛn Bɛ̈nydït, Nhialic de Abraɣam kuaar, kekë Yithaak wuur. Pinyduön niin yïn thïn, abä gäm yïn wekë mïthku.

Cäk 3:19

Ku yïn bï ya cam në abiɔ̈r ë yïnyin, agut të bïn yïnɔm puɔ̈k abuui yic. Yïn aa cuɛ̈ɛ̈c abuui, ku yïn bï yïnɔm bɛ puɔ̈k abuuidu yic.”

Cäk 35:12

Ku piny wään cä kɔn gäm Abraɣam kekë Yithaak, abä gäm yïn wekë mïthkuön bï lɔ̈ɔ̈k tɔ̈u në wecök ciëën.”

Cäk 46:4

Yɛn lɔ Rip wo yïn ëtök. Ku mïthku abä ke bɛ lɔ puɔ̈k nïïm ee pinyë. Ku Jothep wëndu, yen abï yï nɔ̈k nyin të le yïn thou.”

Cäk 47:29

Na wään, aacï Jakop thiɔ̈k ke thuɔɔu, ke cɔl Jothep wënde. Ku lëk en an, “Luötë yïcin në yaɣɔ̈ɔ̈m, ku kuëŋ nɔn cïn ɛn bï thiɔ̈k piny ë Rip.

Cäk 48:21

Ago Jakop lɛ̈k Jothep an, “Yakï thouwë, Nhialic abï tɔ̈u ke yïn. Ku abï yï puɔ̈k nɔm piny ë kuarkun.

Cäk 50:5

‘Wään cï wää thiɔ̈k ke thuɔɔu, acï yɛn tɔ kuëëŋ an la ye thiɔ̈k në raŋ cï guik piny ë Kanaan. Ka yïn, acï go ye dhääl, tɔ ya lɔ, la wää thiɔ̈k. Ku yɛn bï lɔ bɛ̈n ciëën.’ ”

Jop 30:23

Ɣɛɛ, aŋiɛc nɔn leer Yïn ɛn tëde thuɔɔu, ee kë cï kiëët në biäk de raan ëbɛ̈n.

Bɛ̈n 12:41

Ku në kööl ë thöök ë bot kaŋuan ku thiërdiäk thook, yen aa jël ë kɔc ke Bɛ̈nydït ë Rip kedhie.

Bɛ̈n 12:51

Bɛ̈nydït ë dhiëën ke Yithriɛl bɛ̈n bɛ̈ɛ̈i bei paan ë Rip kedhie.

Bɛ̈n 13:19

Acïï Jothep than piny ɣɔn lueel an, “Miäk të le Nhialic we luök, ke we jɔt guöpdï eenë lɛɛrkï në week ëtök.” Na ɣɔn aa jëlkï, ke Mothe ë jɔt guöp ë Jothep, cït man ɣɔn cïï Jothep ë thɔ̈n kɔc ke Yithriɛl.

Bɛ̈n 3:8

ka Yɛn aa bɔ̈ piny, bä keek bɛ̈n luäk bei në kɔc ke Rip cin. Ku bɛ̈ɛ̈i keek bei piny ë Rip, lɛɛr keek piny piɛth dïït lääu. Piny ee wat ë ca ku miök ë kiëc. Piny rëër ë kɔc ke Kanaan thïn, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth.

Bɛ̈n 33:1

Na ɣɔn, ke lëk ë Bɛ̈nydït Mothe an, “Jël ë në wekë kɔc wään bɛ̈ɛ̈iyë ke bei Rip. Lak piny ɣɔn cä thɔ̈n Abraɣam kekë Yithaak, ku Jakop, ayï mïthkɛn bï lɔ̈ɔ̈k tɔ̈u në kecök.

Bɛ̈n 4:31

Agokï gam. Na wën, aa piŋkï luɔi cïï Bɛ̈nydït ciɛɛŋ cieŋ ë keek arac tïŋ, acïk kenïïm bɛ̈n guöt piny, ku läŋkï.

Wɛ̈ɛ̈t 12:5

Ee jɔ riɔ̈ɔ̈c në lɔ në ɣään thöny, ku ye riɔ̈ɔ̈c në cäth ë kuɛɛriic, ku ee nɔm biöör ke luɔu cït tim alemon cï gaak moc, ku cït gɔn cath ke thuet rɔt, ku mɛ̈l në ka yepiɔ̈u ke kɔɔr ëbɛ̈n, raan alɔ ɣön bïï lɔ cieŋ athɛɛr. Ku ëtɛ̈ɛ̈n kɔc ë dhiau abïk piny wil ke ke dhiau ë kuɛɛriic.

Wɛ̈ɛ̈t 12:7

Ku abuui ee rɔt dak në abuui yic tën ë bïï yen thïn, ku wëi abïk röt dak tëde Nhialic Raan ë gëm ke wook.

Kuɛ̈n 32:11

‘Yɛn cï kuëŋ nɔn cïn en raan ee run thiërrou le tueŋ në kɔc ɣɔn luäk bei pinyde Rip, bï ɣet piny ɣɔn cä thɔ̈n Abraɣam, kekë Yithaak, ku Jakop në luɔi cï kek Ɛn ee riëëu taitai.

Romai 5:12

Yen tëde ka, kërac aa bɔ̈ ë piny nɔm në raan tök, ku bɔ̈ thuɔɔu ë kërac cök, go thuɔɔu jɔ lööny ë kɔc gup kedhie, luɔi cï kɔc käŋ wööc kedhie.

Nyöŋ 1:8

Tiëŋkï wek cä gäm piny ka week lakï thïn, ku nämkï takï ee këdun. Acïï Bɛ̈nydït thɔ̈n kuarkun yï: Abraɣam ku Yithaak ku Jakop kekë mïth ke mïthken.’

Nyöŋ 6:10

“Të le Bɛ̈nydït Nhialicdun week bɛ̈ɛ̈i piny cï thɔ̈n kuarkun, yï Abraɣam, ku Yithaak ku Jakop an bïï week gäm piny de yic pɛ̈ɛ̈nydït kënkï kek yïk.

Ɣeberuu 11:22

Wään cï Jothep thiɔ̈k ke thuɔɔu, ee gäm de yic aŋäth yen atɔ yen ŋic luɔi bï Nhialic kɔc ke Yithriɛl wɛ̈t bei paan ë Rip. Ago thɔ̈n ke an bïk yomke luath në keek ëtök

Ɣeberuu 9:27

Cït man ye raan thou raantök ku jɔ lɛɛr të ye löŋ guiir.

Jocua 24:32

Ku kɔc ke Yithriɛl cï guöp de Jothep jɔt ke keek të ɣɔn jël kek Rip. Agokï lɔ tɔ̈ɔ̈u Cekem në piny wään cïï Jakop ɣɔɔc në bɔt (100) ateek tëde wɛ̈ɛ̈t ke Ɣamor (ku Ɣamor yen aaye wun Cekem). Ku pinyë acï bɛ̈n lɔ̈ɔ̈k aa piny de mïth ke Jothep.