Cäk 50:23 - JAM DE NHIALIC 2011

²³ Ku Jothep acï kɔn lɔ̈ɔ̈k rëër abï mïth ke Eparaim kɔn tïŋ gup, ku tïŋ mïth ke mïth ke Eparaim. Ku tïŋ mïth ke Makir, wën ë Manatha ɣɔn dhiëth baai.

Cäk 50:23 ပူးပေါင်းရင်းမြစ်များ

Cäk 30:3

Go Racel puk nɔm an, “Bila kï, nyan lïmdï, lɔ ɣöt we yen, ku dhiëthkï ya mïth, ke yɛn bï ya man mïth.”

Cäk 48:19

Go Jakop jai, lëk en an, “Aŋiɛc mɛnhdï. Mïth ke Manatha abïk aa kɔc juëc ayadäŋ. Ku mïth ke mänhë thiinë abïk juëc awär keek. Ku mïthke abïk aa juöör juëc arëët.”

Cäk 49:12

Ku abï nyin aa thiɛth ke dëŋ ë mɔ̈u. Ku abï lec aa ɣɛ̈ɛ̈r ke ruɛ̈th ë ca.

Cäk 50:22

Ku ëtɛ̈ɛ̈n, Jothep ë bɛ̈n lɔ̈ɔ̈k rëër Rip ke baai de wun. Runke aake cï ya bɔt ku thiëër, ku jɔ thou.

1 Lëk 7:14

Në tiiŋ mɔ̈th de Aramiin, Manatha acï wɛ̈ɛ̈t kaarou bɛ̈n dhiëëth, Athriel, ku Makir. Ku Makir yen ee wun Giliyad.

Jop 42:16

Ku në ee kakë cök ëbɛ̈n Jop acï bɛ̈n bɛ rëër në run kabɔt ku thiërŋuan 140 abïï mïth ke mïthke tïŋ, ku mïth ke mïth ke mïthke.

Diɛt 128:6

Bɛ̈nydït abï Yïn tɔ pïïr abä mïth ke mïthku tïŋ! Mät abï tɔ̈u ke Yithriɛl!

Kɛ̈ŋ 17:6

Kɔcdït ayek aa dhuëëŋ në mïth ke mïthken, ku mïth ayek kenïïm lɛc në wärken.

Kuɛ̈n 32:33

Go Mothe dhiën de Gad kekë Ruben, ku biäk thiin de dhiën ë Manatha wën ë Jothep, ciɛɛŋ de Thiɣon melik de Amor, ku ciɛɛŋ de Og melik de Bacan ku lɔ piiny ëbɛ̈n kekë pɛ̈ɛ̈nydïtkɛn tɔ̈u thïn, ku pɛ̈ɛ̈nydït kɔ̈k tɔ̈u në akeu nɔm.

Kuɛ̈n 32:39

Dhiën de Makir wën de Manatha acï piny de Giliyad bɛ̈n mak ku peec, ku copkï kɔc ke Amor ɣɔn rɛ̈ɛ̈r ëtɛ̈ɛ̈n.

Jocua 17:1

Ku piny biäk acï gäm bɛ̈i ke dhiën ë Manatha wën kɛ̈i de Jothep, ku Makir yen aye wën kɛ̈i de Manatha, ku yen aye wun Giliyad. Ku Makir aaye jön riil ë tɔŋ, ago dhiën gäm piny ë Giliyad kekë Bacan.