Cäk 49:29 - JAM DE NHIALIC 2011

²⁹ Na ɣɔn, ke Jakop ë yöök mïthke an, “Yakï lɔ paan ë kɔc cï thouwë, lak thiäkkï yɛn të nu kuarkuɔ. Në raŋ nu dom ë Eperon, raan ë Ɣit.

Cäk 49:29 ပူးပေါင်းရင်းမြစ်များ

Cäk 15:15

Ku yïn guöpdu, yïn bï thou ë läŋ ke runku ë ke rɔ̈ŋ.

Cäk 23:16

Go Abraɣam gam, ku kuën Eperon wëu wën cï lueel në kɔc nïïm. Bot kaŋuan ë wëëth, cït man ë wëu ye kɔc ɣööc.

Cäk 23:17

Yen luɔi ë jɔ dom de Eperon bɛ̈n aa këde Abraɣam ka ëbɛ̈n, dom nu në Makepiila në Mameer kɔ̈u të lɔ aköl amiäk, mɛt keyiic kedhie, raŋ, ku tiim nu domic, ayï piny nu në dom këc.

Cäk 23:20

Go dom ɣɔn ë ye këde raan ë Ɣit kekë raŋ nu thïn, acïk bɛ̈n aa kake Abraɣam. Go Abraɣam ye tɔ ye raŋ yen kɔc tɔ̈ɔ̈u thïn.

Cäk 23:9

bï ya ɣɔ̈c raŋ ë Makepiila, raŋ thiääk ke domde. Takï guïïr ɛn kuënde ëbɛ̈n në wenïïm eenë, ke bä tɔ ye raŋ bï kɔc aa tɔ̈ɔ̈u.”

Cäk 35:27

Ago Jakop lɔ tëde Yithaak wun në Mameer, në Ɣebron lɔ̈ɔ̈m. Të ɣɔn kɔn Abraɣam rëër thïnë kekë Yithaak.

Cäk 35:29

Ago Yithaak thou ke cï dhiɔp. Ago wɛ̈ɛ̈tke ye thiɔ̈k, yï Ethau kekë Jakop.

Cäk 47:30

Akaar nɔn bï yïn ya lɔ thiɔ̈k të wään thiɔ̈k ë kuarkuɔ thïn. Jatkï yɛn piny ë Rip, ku lak thiäkkï yɛn të nu kuarkuɔ.” Go Jothep gam lueel an, “Yɛn ë gam, këduön cï lueel abä looi.”

Cäk 49:28

Kakë ee kek ee dhiëën ke Yithriɛl kathiëër ku rou. Ku yen jam ë lueel ë wuönden ka, wään thieei en keek. Go ŋɛk aa thieei në athiɛɛidɛn rɔ̈ŋ ke yen.

Cäk 49:33

Na wën, aa thök Jakop të wën jiëëm en wɛ̈ɛ̈tke, ke dɛk rɔt në agen nɔm, tɔ̈ɔ̈c thou.

Cäk 50:12

Go wɛ̈ɛ̈t ke Jakop kë wään cïï wuönden thɔ̈n keek looi ëbɛ̈n.

Cäk 50:13

Gokï guöp de Jakop jɔt leerkï piny ë Kanaan. Lek thiɔ̈k në raŋ ë Makepiila yic, në Mameer baŋ të lɔ aköl amiäk. Në dom ɣɔn ɣɔɔc Abraɣam tëde Eperon, raan ë Ɣit, ke ye piny bï kɔc aa thiɔ̈k thïn.

2 Tham 19:37

Ku tɔ yɛn tɔ puk yanɔm ciëën wunda, aguɔ lɔ thou të thiääk kekë rɛ̈ŋ ke wärkuɔ. Ku Kimɣam wëndï kï, tɔ lɔ ke yïn, bɛ̈nydï, bïï yïn lɔ luööi, luöiyë kë ye tak ke piɛth ë yïpiɔ̈u.”

Ɣeberuu 12:23

Ku ëtɛ̈ɛ̈n we bï ɣön ë Nhialic pïïr yök të ye amatnɔm de Nhialic yenɔm mat thïn, ke ke nöm athiɛɛi de Nhialic cït mïth kɛ̈i, kɔc cï gɔ̈ɔ̈r rin paannhial ku yek Nhialic töŋë lam, Bɛ̈nydït ee löŋ ë kɔc kën gam guïïr kedhie. Ku nu wëi ke kɔc ɣer piɔ̈ɔ̈th ë cï thou acï ke bɛ tɔ dikëdik.