Cäk 48:19 - JAM DE NHIALIC 2011

¹⁹ Go Jakop jai, lëk en an, “Aŋiɛc mɛnhdï. Mïth ke Manatha abïk aa kɔc juëc ayadäŋ. Ku mïth ke mänhë thiinë abïk juëc awär keek. Ku mïthke abïk aa juöör juëc arëët.”

Cäk 48:19 ပူးပေါင်းရင်းမြစ်များ

Cäk 17:4

“Ënɔɔnë, Yɛn loi mändï wo yïn. Yïn bï ya wun juöör juëc ëbɛ̈n.

Cäk 25:23

Go Bɛ̈nydït lɛ̈k en an, “Juöör kaarou anukï në yïyäc. Ku acuekuön bä dhiëëth abïk keyiic tek, Ku acueek tök abï riɛl awär acueek däŋë. Mɛnh tueŋ abï mɛnh ciëën aa luööi.”

Cäk 25:28

Ku Yithaak aa nhiaar Ethau, në luɔi nhiɛɛr en cuën ë rïŋ ke läi ye Ethau nɔ̈k. Ku Rebeka aa nhiaar Jakop.

Cäk 28:14

Ku mïthku abïk juëc ka abïk ciët abuui. Ku wek bï nïïm ɣet ë piny thar të lɔ aköl athɛ̈i, ayï të lɔ aköl amiäk. Ku të lɔ rut agut cï të lɔ wöuwic. Ku Yɛn bï juöör ke piny nɔm thieei kedhie në këdun wekë mïthku.

Cäk 46:3

Go Nhialic lɛ̈k en an, “Ee Yɛn Nhialic de wuur, du riɔ̈c në luɔi le yïn Rip. Yɛn bï mïthku tɔ lɔ ye gökdïït ë jur ëtɛ̈ɛ̈n.

Cäk 48:14

Go Jakop yecin wääc. Tɛ̈ɛ̈u ciin cuënyde në Eparaim nɔm. Ku tɛ̈ɛ̈u ciin camde në Manatha nɔm, wën kɛ̈i.

Cäk 48:18

Ku lëk ë Jothep wun an, “Acie yeka, wää. Kënë yen aye wën kɛ̈i tääuwë ciin cuënydu në yenɔm.”

Yith 7:17

“Bɛ̈nydït abï yïn yiɛ̈n nuɛɛn, yïn wekë baai de wuur, ku kɔc ke dhiën de melik ëbɛ̈n, ayek akööl ke nuan rac, acïn kë thöŋ ke yen gɔl në akööl ɣɔn bïï ë Yithriɛl bei në Juda yic, abï melik de Athiriya lɔ bɛ̈ɛ̈i.

Edhekiɛl 27:10

“Remduön ë tɔŋ ë bɔ̈ në Perthia, ku Ludia, ku Libiya ayek lui ë remduön ë tɔŋ yic. Ayek köötken ku akuupkɛn ke tɔŋ nöök në kɛ̈lkun kɔ̈ɔ̈th. Ee kek ee röör ë tɔ yïn yök dhuëëŋ.

Nyöŋ 1:10

Në luɔɔi cïï Bɛ̈nydït Nhialicdun week tɔ juëc, ku wek cï juëc ka wek cï ciët kuɛl nu nhial.

Nyöŋ 33:17

Jothep ade nɔm riɛl de thɔn, kekë tuŋ ke thɔn cï jök, tuŋke ayek aguum ke Manatha, ku aguum kathiëër ke Eparaim, ku në ee tuŋkë ayen ke juöör guööt, ku jiëp keek ë piny thar.”

Nyuuth 7:6

Dhiën ë Acer acï aguum kathiëër ku rou gɔ̈ɔ̈r thïn: Dhiën ë Naptali acï aguum kathiëër ku rou gɔ̈ɔ̈r thïn: Dhiën ë Manatha acï aguum kathiëër ku rou gɔ̈ɔ̈r thïn:

Nyuuth 7:8

Dhiën ë Dhebulun acï aguum kathiëër ku rou gɔ̈ɔ̈r thïn: Dhiën ë Jothep acï aguum kathiëër ku rou gɔ̈ɔ̈r thïn: Dhiën ë Benjamin acï aguum kathiëër ku rou gɔ̈ɔ̈r thïn: