Cäk 44:17 - JAM DE NHIALIC 2011

¹⁷ Ago Jothep lɛ̈k en an, “Ei, acie yeka! Yɛn cïï kë cït ee kënë duëër kɔn looi ë caaŋdï! Raan ë jɔt abïny yetök yen abï ya lïmdï. Ku kɔc kɔ̈kë abïk kenïïm puɔ̈k wuönden ke cïn kërɛɛc yök keek.”

Cäk 44:17 ပူးပေါင်းရင်းမြစ်များ

Cäk 18:25

Aŋiɛc ëgɔk nɔn cïn kɔc cïn gup awäc bï nɔ̈k në kɔc de gup awɛ̈ɛ̈c. Acïï rɔt duëër lëu! Yïn cï kë cït ee kënë duëër looi. Ku na lɔ looi, ke kɔc cïn gup awɛ̈ɛ̈c, abï keek jɔ kuum në kɔc de gup awɛ̈ɛ̈c ëtök. Ku kënë acïï rɔt duëër lëu. Raan ee löŋ guiir ë pinynɔm ëbɛ̈n cï bï looi në yith?”

Cäk 26:29

Ku gam nɔn cïn wook bï luöi kërac, cït man wään cï wok yïn ŋiëc luööi apiɛth. Ku cïn kërɛɛcdan cuk luöi yïn. Ku tɔku yï jäl ke cïn kërɛɛc cuk luöi yïn. Ku ënɔɔnë, acuk ŋic ëgɔk nɔn cï Bɛ̈nydït yï thieei.”

Cäk 42:18

Na në kööl ë ye akööl diäk, ke lëk ë Jothep keek an, “Yɛn ee raan ee Nhialic riëëu. Kueer töŋ duɛ̈ɛ̈r ɛn we kony wëi kï:

Cäk 44:10

Go lïm ë Jothep lɛ̈k keek an, “Këdun acä gam, ku raan lan abïny yök tëde en yetök, yen abï ya lïmdï. Yɛn cïn këdï yic thïn wokë kɔc kɔ̈kë. Abïk jäl në nɔm lääu.”

Cäk 44:16

Ago Juda puɔ̈k nɔm en an, “Acïn këdan buk lɛ̈k yïn bɛ̈ny. Eeŋö buk lueel në yïn? Ee käŋö duëër wok röt kony? Nhialic awänyda nyuɔɔth. Wok bï jɔ aa lïïmku wodhie, acï bï bɛ aa raan ë yök abïny tëde yen yetök.”

Cäk 44:18

Go Juda lɔ tëde Jothep, ku lëk en an, “Bɛ̈ny, yïn läŋ an tɔ ya jam wo yïn cït man ë kë kaar. Ku du piɔ̈u bï diu we yɛn. Në biäk thööŋ yïn we melik guöpde.

2 Tham 23:3

Nhialic de Yithriɛl acï jam, acïï Raan ee Yithriɛl gël lɛ̈k ɛn an: “Melik ee Piny cieŋ ë yic, Raan ee piny cieŋ në riëëu de Nhialic,

Diɛt 75:2

Acï Nhialic lueel an, “Yɛn cï kööl de luk kiëët, ku Yɛn bï luk ŋiëc guiir.

Kɛ̈ŋ 17:15

Päl de raan de guöp awäc ku kuöm de raan cïn kë cï looi, amɛɛn Bɛ̈nydït keek.