Cäk 43:32 - JAM DE NHIALIC 2011

³² Ago yiɛ̈n këcamde pei yetök, ku yïnë mïthëkɔcken këden pei. Ku yïnë kɔc ke Rip cäm në keek këcamden pei kapäc ayadäŋ. Në luɔi ë cïï kɔc ke Rip ee cam në kɔc ke Ɣeberuu. Aa ye kɔc ke Rip tïŋ ke ye aciɛɛn.

Cäk 43:32 ပူးပေါင်းရင်းမြစ်များ

Cäk 31:54

Go Jakop thɔ̈k gäm Nhialic ë kuur nɔm ku nɛ̈k ke. Ku cɔɔl kɔcke lek cam në yen ëtök. Na wën acïk thök në cäm, ke ke nin ë kuur nɔm ëtɛ̈ɛ̈n.

Cäk 43:16

Na wën, aa tïŋ Jothep Benjamin acath ke keek, ke lëk lïm nu në kake baaide nïïm an, “Lɛɛrë ee kɔckë baaidï. Ku tem thɔ̈k röl. Abïk lɔ cam në yɛn ë lë të cï akɔ̈l kɔ̈ɔ̈c cil.”

Cäk 46:34

Ke lɛ̈kkï yen an, ‘Wok ee kɔc ke ɣɔ̈k ë caaŋda, cït man wään kɔn ë kuarkuɔ aa kɔc ke ɣɔ̈k.’ Yen abï yen week jɔ puɔ̈l arɛ̈ɛ̈r piny ë Gocen. Alueel ë Jothep aya, në baŋ cïn ë kɔc ke Rip këden thïn në kɔc ke ɣɔ̈k.”

Bɛ̈n 8:26

Go Mothe puk nɔm an, “Acïï rɔt bï lëu buk Bɛ̈nydït näk eenë. Kɔc ke Rip abïk piɔ̈ɔ̈th diu në kakan buk näk Bɛ̈nydït, Nhialicda. Na lek piɔ̈ɔ̈th diu, abïk wook biɔ̈ɔ̈k në döt ku näkkï wook.