Cäk 43:30 - JAM DE NHIALIC 2011

³⁰ Ago Jothep dap jäl në kelɔ̈m ëthiäu në luɔi ë cï yen piɔ̈u kok ke mänhë. Go piɔ̈u guɔ thiaany. Go rɔt lɔ kɔ̈ɔ̈r të le yen dhiau thïn. Ago lɔ ɣöndɛn ë nïn thïn, le dhiau ëtɛ̈ɛ̈n.

Cäk 43:30 ပူးပေါင်းရင်းမြစ်များ

Cäk 42:24

Ago Jothep jäl në kelɔ̈m le dhiau. Na wën, aacï thök ë dhiëëu, ke bɔ̈ të nu kek. Ku dɔm Thimion, ku dut ke woikï.

Cäk 45:2

Ago dhiau arëët, abï kɔc ke Rip ye piŋ röl. Agokï thok lɛɛr baai de melik.

Cäk 46:29

ke Jothep ë kɛɛc në abëlde yic, ku le Gocen të nu wunë. Na wën, atïŋkï röt, ke Jothep ë nyuth rɔt wun, ku duut wun yeth, ku dhiɛɛu ë caŋawën.

1 Mel 3:26

Go tiiŋ wën pïïr ë mɛnhde ë yic, piɔ̈u kok ke mɛnhde arëët go melik yɔ̈ɔ̈k an, “Yïn bɛ̈nydï, gämë mɛnh pïïr raanë, ku du nɔ̈k!” Ku lueel ë tiiŋ däŋë an, “Acï bï ya këdï ku cie këdu, meth abïï tekic ë rou.”

Jeremia 31:20

“Yithriɛl Yïn ee wënhdiën läk, mɛnh nhiaar aläl. Të yan yïn lueel rin, yïn ya tak ë nhiëër. Piɔ̈ndï ee lɔ biic tënu yïn, Yɛn bï piɔ̈u kok.

Ɣodh 11:8

“Duɛ̈ɛ̈r week jɔ päl wei adï, kɔc ke Eparaim? Duɛ̈ɛ̈r week gam wei adï, wek kɔc ke Yithriɛl? Duɛ̈ɛ̈r week riɔ̈ɔ̈k taitai adï cït päny de Adama, ku nɔn luöi week kë cä luöi Dheboyim? Acïï ë piɔ̈ndï duëër tɔ luɔɔi! Nhiëërdiën nhiaar Ɛn week adït aläl.

Luɔi 20:19

Yɛn ee ka ke Bɛ̈nydït looi në kuur aa yɛn rɔt kuɔɔr piny, ku në dhiën dït aa yɛn dhiau ku në thëm dït ee ya them në baŋ de män cïï Judai kethook mat, an, bïk a nɔ̈k.

Luɔi 20:31

Yɛn tiɛɛt wek röt, ku takkï wenïïm nɔn kɛ̈n ɛn wëët pɔ̈l wëët aa yɛn week wɛ̈ɛ̈t wedhie ë run kadiäk, wɛ̈ɛ̈rwakɔ̈u ku aköl, ke ya ye dhiau ë pïïu ke yɛn nyin.

Luɔi 20:37

Gokï dhiau arëët kedhie, ku kuakkï Paulo yeth, ku cimkï,

Pilipoi 1:8

Nhialic ee cäätɔdï, ee täŋ aa yɛn we tak arëët wedhie në nhiëër ë Yecu Kërtho.

Pilipoi 2:1

Ku na de muŋdepiɔ̈u nu ë Kërthoyic, ku na de luŋdepiɔ̈u nu, luŋ bɔ̈ ë nhiëëric, ku na de määth ë Wëidït nu, ku na de kokdepiɔ̈u nu.

Kolothai 3:12

Yen dam wek piɔ̈n ë dap kok, cït kɔc cïï Nhialic lɔc, kɔc ɣeriic ku nhiaar ke, ku damkï dhuëëŋ, ku piɔ̈n koor, ku kuur ee raan rɔt kuɔɔr piny, ku rëër ëmääth, ku guöm de kajuëc.

2Tim 1:4

Ciët aa yɛn a nɔm cät ë pïïu ke yïnyin, yen aa ya yɛn yïn tak aläl, adï tiëŋ yïn, ke ya bï piɔ̈u miɛt abä piɔ̈u a yum.

1 Jɔn 3:17

Ku na de raan cath ke ka pïïrë kɔc ke, ke jɔ mɛnhkënë tïŋ acï käŋ dak, go yic riɛl ke ye, ke nhiëër ë Nhialic cath ke yen adï?