Cäk 43:11 - JAM DE NHIALIC 2011

¹¹ Ago wuönden lɛ̈k keek an, “Na ee täude ka, ke we nöm kapiɛth cï luɔk pinydanë, ku yiɛ̈nkï keek bɛ̈ny ë Rip ke ye miɔ̈cde. Nɔ̈mkï këthiin ë baam, ku nɔ̈mkï kiëc thiinakäŋ, ku lɔ adök, ku mer, ku mïth miit ke tim cɔl pithaaciyo, ku almon.

Cäk 43:11 ပူးပေါင်းရင်းမြစ်များ

Cäk 33:10

Ago Jakop lueel an, “Acie yen, yïn läŋ, na dhuëŋ ɛn guöp, ke yï dɔm miɔ̈cdï, ke yïn bä ya tïŋ nyin cït Nhialic, në dhuëëŋduön cïn a gam.

Cäk 37:25

Na wën, aŋootkï ke ke cäm, ke ke go kɔc ke Yicmiɛl tïŋ abɔ̈ në thɔ̈rɔ̈lken. Ku thɔ̈rɔ̈lken aake ɣɛ̈ɛ̈c adök, ku wɛ̈ɛ̈l cɔl baam ku mer, aa leerkï keek paan ë Rip.

Cäk 43:10

Na cie luɔi cï wok gääu, adï cuk cök aa rou ënɔɔnë, ke wo ye lɔ ku lok bɛ̈n.”

Cäk 43:14

Ku Nhialic Awärjäŋ, abï bɛ̈ny de Rip tɔ kok piɔ̈u ke week. Ku gëm week mänhëdun kekë Benjamin. Na cï gɔ̈ɔ̈r nɔn bï mïthkï määr, ke ke mär!”

Cäk 43:15

Ago wɛ̈ɛ̈t ke Jakop miɔ̈c nööm, ku nömkï wëu ee yiic rou. Ku jɔtkï Benjamin, ku jëlkï lek Rip. Na wën, ke ke lɔ të nu Jothep.

Cäk 43:25

Gokï miɔ̈cden guiir tɔkï thiɔ̈k, ke bïk bɛ̈n gäm Jothep të le yen bɛ̈n ë lë të cï akɔ̈l kɔ̈ɔ̈c cil. Acïk piŋ nɔn bï kek lɔ cam në yen ëtök ë lë të cï akɔ̈l kɔ̈ɔ̈c cil.

Cäk 43:26

Na wën, aa bɔ̈ Jothep, ke yïnkï miɔ̈c ɣööt thïn, ku gutkï kenïïm piny në yenɔm.

1 Mel 10:15

mɛtke në athölbö ye kuöt en kɔc ee käŋ ɣaac, ku ka ye yök në ka cï lɔ ɣaac thook, ku ka ye meliik ke Arab kedhie juëër en, ku ka ye bäny mac wuöt ke Yithriɛl juaar.

1 Mel 10:25

Në ruöön thok ëbɛ̈n, raan ëbɛ̈n në ke yiic aaye miɔ̈cde bɛ̈ɛ̈i, wëu ke adhääp ku ateek, ku lupɔɔ, ku wëu ke tɔŋ, ku mer, ku jöŋgöör, ku mul.

1 Mel 15:19

“Mɛ̈tku, cït man ɣɔn mɛ̈të wäär ke wuur. Atekkë kekë adhɛ̈p ayek miɔ̈cdiën ë dhuëëŋ gäm yïn. Ku ënɔɔnë, riäk mändu wekë Baaca melik de Yithriɛl, ke bï remdɛn ë tɔŋ nyaai në akendï nɔm.”

1 Mel 4:21

Melik Tholomon aa mac ciɛɛŋ ëbɛ̈n, gɔl në wɛ̈ɛ̈r ë Yuparat lee piny de Pilithiin, ku ɣeet aken de Rip. Ku kɔc mɛc ëtɛ̈ɛ̈n ëbɛ̈n aake ye athölböden yiɛ̈n Tholomon ku yek luööi në akööl ɣɔn pïïr en ëbɛ̈n.

2 Mel 16:8

Go Aɣadh ateek ku adhäm ë yök Luaŋdït, ku kak ë yök të ye käŋ tɔ̈ɔ̈u thïn ɣöndïït ë melik tɔ leerë ë kɔc, ke ke ye miɔ̈c yïnë melik de Athiriya.

2 Mel 20:12

Në ë kaamë yic, melik de Babilonia, Merodak Baladan wën ë Baladan ë awerek de miɛtëpiɔ̈u ku miɔ̈c tuöc melik Ɣedhekia ɣɔn cï yen e piŋ nɔn cï yen guöp dɛ juäi ku cï guöp pial.

2 Mel 8:8

go lɛ̈k Ɣadhiɛl raan töŋ ë bänyke an, “Yiɛ̈në miɔ̈cë raan de Nhialic, ku lɛ̈kë yen bïï Bɛ̈nydït thiëëc, na bä guöp pial ku nɔn cä bï guöp bï pial.”

Ethta 4:16

“Lɔ määtë kɔc ke Judai kedhie, kɔc nu ë Thutha, bïk thek në biäkdï, ë ke cïï cäm ku cïkkï dëk ë nïn kadiäk aköl ku wakɔ̈u, ku yɛn wokë duet lui ë yɛn, wok bï thek aya cït man ë kek, ku ëtɛ̈ɛ̈n yɛn bï jɔ lɔ tëde Melik na cakaa nɔn yen dhäŋ de löŋicë, na cï ya nɔ̈k ë ya thou.”

Diɛt 68:29

në baŋ de luaŋduön nu ë Jeruthalem, të ye meliik Yïn yiɛ̈n miɔ̈c.

Diɛt 72:10

Meliik ke Tarcic kekë meliik ke tuöör, abïk miɔɔc në miɔ̈c, meliik ke Ceba kekë Theba, abïk yen yiɛ̈n miɔ̈c.

Diɛt 76:11

Gämë Bɛ̈nydït Nhialicdu gutguut cï lëk yen, yiɛ̈nkï miɔ̈c yen, wek juöör thiɔ̈k wedhie. Nhialic ee kɔc ëbɛ̈n tɔ riɔ̈c në Yen,

Bɛ̈n 3:8

ka Yɛn aa bɔ̈ piny, bä keek bɛ̈n luäk bei në kɔc ke Rip cin. Ku bɛ̈ɛ̈i keek bei piny ë Rip, lɛɛr keek piny piɛth dïït lääu. Piny ee wat ë ca ku miök ë kiëc. Piny rëër ë kɔc ke Kanaan thïn, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth.

Kɛ̈ŋ 17:18

Raan cïï käŋ ee yökiic ee yen ee rɔt dɔ̈m cuöt ë käny lei.

Kɛ̈ŋ 18:16

Miɔ̈c gɛmë raan në dhuëëŋ ee ye lɛɛr në bɛ̈ny lɔ̈ɔ̈m.

Kɛ̈ŋ 19:6

Kuɔɔny aye kɔɔr tëde bɛ̈ny, ku amiööc ee määth ke raan ëbɛ̈n.

Kɛ̈ŋ 21:14

Kɔc ayek kum thok gam në cuëër, ke bï agɔ̈th tɔ lir.

Diɛt ke 4:10

Nhiëërdu ee ya miëtpiɔ̈u, nyandiën thiaak mit ë yapiɔ̈u. Nhiëërdu yen apiɛth awär mɔ̈u, ku awäudu atum aläl, awär wal ŋïr ëbɛ̈n

Diɛt ke 4:14

wal ke thapron, ku kalamuth ku kinamon, ku nɔn ee tiim ke wal ŋïr ëbɛ̈n, mer ku aloyeth ayek luɔk ëtɛ̈ɛ̈n, ku nyïïn ke wal kedhie, wal ŋïr aläl.

Diɛt ke 8:14

Bäär të nu yɛn, monydiën nhiaar, cït man ë kɛɛu, cït thɔn ë ŋɛɛr nu ë kuur nɔm të ye wal ŋïr luɔk.

Jeremia 8:22

Cïn wal ë baam nu ë Giliyad? Cïn akïm nu ëtɛ̈ɛ̈n? Ka eeŋö kën ë kɔckï tɔ waar?

Edhekiɛl 27:15

Kɔc ke Rodeth ayek ɣööc tëde week, kɔc tɔ̈u në wɛ̈ɛ̈r yɔu ëbɛ̈n ayek we gäm tuŋ ke akön ku agɔk wɛɛrë ke kakun.

Edhekiɛl 27:17

Juda kekë Yithriɛl ayek kakun ɣɔɔc në agamɔ, ku miök de olip, ku miök de kiëc, ku wal ŋïr.

Edhekiɛl 27:22

Në biäk de kakuön yak ɣaac, yen aye kɔc ke Ceba ku Raama ee käŋ ɣaac ke ɣɔɔc, ayek keek waar në adhääp, ku kuur läk, ku wal ŋïr.

Lebai 20:24

Ku wek cä yɔ̈ɔ̈k an, ‘Wek bï pinyden nööm. Abä gäm week ke ee kë bäk lɔ̈ɔ̈k lak piny, yen ee wat ë ca ku miök ë kiëc. Ee yɛn Bɛ̈nydït Nhialicdun, raan ë lɔ̈c week bei ë juööriic.

Luɔi 21:14

Na wën, aa reec këda gam, ke wo jɔ jam pɔ̈l, ku luelku an, “Abï looi tei në këde piɔ̈n ë Bɛ̈nydït.”

Nyöŋ 33:14

Ku tɔ pinyden thiei në mïth ke tiim, piny kueth në mïth ke tiim ee luɔk në pɛ̈i nyïïn ëbɛ̈n.

1 Tham 25:27

Ku miɔ̈c cï lïmdu yiɛ̈n bɛ̈nydï, ë gëmë kɔc ee yïn kuany cök.

1 Tham 9:7

Ago Thaulo lɛ̈k lïm an, “Na lok lɔ eeŋö buk gäm en? Këcam tɔ̈u në atheepkuɔ yiic acïk thök. Wok cïn nïïm miɔ̈c buk lɔ gäm raan de Nhialic. Eeŋö tɔ̈u tëde wook?”