Cäk 42:38 - JAM DE NHIALIC 2011

³⁸ Go Jakop lɛ̈k keek an, “Mɛnhdï acä bï tɔ lɔ ke week, ee yen ë dɔ̈ŋ yetök në man nɔm. Mänhë ka wään cï thouwë. Na jɔ dɛ kërɛɛc lɔ ye yök kueer? Acä bï lëu, yɛn cï dhiɔp. Na de kë lɔ rɔt looi, wek bï ya tɔ lɔ paan ë thuɔɔu ë dhiën ë piɔ̈u.”

Cäk 42:38 ပူးပေါင်းရင်းမြစ်များ

Cäk 37:33

Ago caath guöp ku lueel an, “Ee yen lupɔ de mɛnhdï guöpde, ade län cï ye dhiɛl yök roor, ku cuet këde. Jothep wëndï acïï läi ë tɛm ë thïïm.”

Cäk 37:34

Ago Jakop piɔ̈u riääk arëët, ku ret lupɔɔke yiic, ku tɛ̈ɛ̈u lupɔɔ ke cual ë yekɔ̈u. Ku dhiëëu wënde në nïn juëc arëët.

Cäk 37:35

Ago wɛ̈ɛ̈tke guëër ë yelɔ̈ɔ̈m, ayï duetke, bïk bɛ̈n luk piɔ̈u. Go kɛ̈n gam në luk. Go lueel an, “Yɛn bï mɛnhdï dhiëëu agut të bän lɔ paan ë thuɔɔu.” Ku ŋoot ke dhiëëu Jothep wënde.

Cäk 42:13

Gokï lueel an, “Wok aaye thiëër ku rou, wok mïth ke mony tök, bɛ̈ny, ku wääda arɛ̈ɛ̈r piny ë Kanaan. Ënɔɔnë, mänhëdan tök ë thou, ku mänhëdan thiinë ë döŋ wut ke wääda.”

Cäk 42:37

Go Ruben lɛ̈k wun an, “Gämë yɛn Benjamin në yaciin, ku abä lɔ dɔ̈k nɔm yïn. Të kɛ̈n ɛn yï lɔ dɔ̈k nɔm Benjamin, ke yï näk wɛ̈ɛ̈tkï kaarou.”

Cäk 42:4

Ku Jakop akën Benjamin bɛ̈n tɔ lɔ ke keek, wën ë man Jothep. Në luɔi ë riɔ̈ɔ̈c en në kërɛɛc bï ye lɔ yök në cäthic.

Cäk 43:13

Ku jatkï mänhëdun, lakï tëde bɛ̈ny de Rip.

Cäk 44:20

Goku puɔ̈k nɔm yïn an, ‘Wääda anu ku ë dhiɔp, ku wo de nïïm mänhëdan koor. Wën ë dhiëëth wääda ɣɔn cï yen dhiɔp. Ku mänhë ee mɛnhë ë thou. Ka ee yen acï döŋ yetök ke pïïr në man nɔm. Ku anhiɛɛr ë wun en guöp arëët.’

Cäk 44:22

Agoku puɔ̈k nɔm yïn an, ‘Meth acïï wun bï nyääŋ piny. Na nyiëëŋ wun piny, wun aduëër thou.’

1 Mel 2:6

Yïn ŋic kë duɛ̈ɛ̈rë looi ë pɛlënɔmdu, du tɔ lɔ paan ë thuɔɔu në thon ë biöökic.

Jop 41:32

Ee të cï yen tëëk thïn nyääŋic piny ke lɔ carcar ku puk wɛ̈ɛ̈r nyin ke amonh ɣer ë wic.

Diɛt 71:18

Ënɔɔnë yɛn cï dhiɔp ku yɛn cï nɔm lou, du ya nyiëëŋ piny Nhialic! Rɛ̈ɛ̈rë we yɛn të luɛɛl ɛn riɛldu kekë dhuëëŋdu, lëk rɛm bï lɔ̈ɔ̈k bɛ̈n kedhie.

Diɛt 90:10

Run kathiërdhorou kek aye kakuɔ, ee ya thiërbɛ̈t, të cïï wok riɛl, ku ayek wook yiɛ̈n nuɛɛn ku jiɛthëpiɔ̈u ëbɛ̈n, ku go pïïr guɔ thök, ku yen ee jälda.

Wɛ̈ɛ̈t 1:14

Yɛn cï luɔɔi ee looi ë piny nɔm ëbɛ̈n tïŋ, keek kedhie ayek ɣɔ̈ric, cït cum de yom cök.

Wɛ̈ɛ̈t 2:26

Raan ee Nhialic tɔ mitpiɔ̈u aye gäm pɛlënɔm, ku ŋïnydekäŋ ku miɛtëpiɔ̈u, ku raan ee karɛc looi aye Nhialic gäm luɔɔi de mɛ̈ɛ̈t ë käŋiic ku kun de käŋ nïïm, bï ke lɔ gäm raan mit ë Nhialic piɔ̈u ke yen. Kënë ayadäŋ ee ɣɔ̈ric, acït cum de yom cök.

Yith 38:10

an, “Aa ya cät an aköölkiën ke miɛtëpiɔ̈uwë. Yɛn bï lɔ paan ë thuɔɔu runkiën kɔ̈k ke pïïr abï ke tɛɛm wei.

Yith 46:4

Yɛn ee Nhialicdun ku wek bä muk agut të cïï wek dhiɔp abäk nïïm lou në nhïm ɣer. Wek cä looi, ku wek bä muk, wek bä gäm kuɔɔny ku luäk week.