Cäk 42:28 - JAM DE NHIALIC 2011

²⁸ Go mïthëkɔcken yɔ̈ɔ̈k an, “Wëukï acï keek dɔ̈k nïïm ɛn, kekï në cuaal thok!” Agokï piɔ̈ɔ̈th ŋɛɛr kedhie, ku woikï kenyïïn ke ke lɛthë keek. Ku luelkï an, “Eeŋö ee kë cïï Nhialic luöi wookë?”

Cäk 42:28 ပူးပေါင်းရင်းမြစ်များ

Cäk 27:33

Go Yithaak lath guöp ëbɛ̈n arëët, ku lueel an, “Ka eeŋa ë jɔ läi lɔ nɔ̈k ku yïn ɛn? Yɛn ë rïïŋ cuet në yïnɔm tueŋ ënɔɔnthiinë. Ku thiɛɛi raan ë bïï en. Ka athiɛɛi abï jɔ aa këde anande.”

Cäk 42:29

Na wën, aa ɣëëtkï tëde Jakop, wuönden në piny ë Kanaan, ke guïïrkï ka cï röt luöi keek kedhie. Lëkkï yen an,

Cäk 42:36

Ago wuönden lɛ̈k keek an, “Kaarkï bäk mïthkï mɔ̈ɔ̈r kedhie? Jothep ka wään cï määrë. Ku Thimion kï cï bɛ määrë. Ku yekï kaarkï an bɛkï Benjamin jɔtë. Ee yɛn abï nyin jɔ lɔ̈ɔ̈k kuany!”

Cäk 43:23

Go lïm puɔ̈k nɔm keek an, “Duökï tɔ mum wenïïm, ku duökï riɔ̈c. Nhialicdun, Nhialic de wuöördun Yen adhil ke puɔ̈k nïïm në cualkuniic. Wëukun acä ke nööm.” Na wën, ke lɔ Thimion bɛ̈ɛ̈i të nu kek.

1 Mel 10:5

Ku tïŋ këcam nu ë paamde nɔm, ku të rëër ë bänyke, ku täu tɔ̈u ë kɔc ee kake looi, ku lupɔɔkɛn yek ceŋ, ku täu de kɔc ee ye luööi në kööl de dhuëëŋ, ku miɔ̈c ye nyop ëbɛ̈n cïï Tholomon gäm Bɛ̈nydït ë Luaŋdïtic. Go jɔ ciën däŋ be tɛɛr.

Diɛt 61:2

Në piny thar ciëën yen aa yan Yï cɔɔl! Lɛɛrë yɛn tëde kuɔɔny,

Diɛt ke 5:6

Guɔ ɣöt jɔ liëp thok monydiën nhiaar, aguɔ yök ke cï guɔ jäl. Aa kaar bä piŋ röl arëët! Guɔ lɔ kɔɔr, ku akën bɛ̈n yök, Guɔ cɔɔl ku acïn röl cä piŋ, röl bëër ɛn thok.

Yith 45:7

Yɛn aa cak ɣɛɛr ke mɔ̈ɔ̈th, Yɛn ë athiɛɛi ku dhiëëu bɛ̈ɛ̈i. Ee Yɛn Bɛ̈nydït, yɛn ë loi ee kakë kedhie.

Dhiëëu 2:17

Bɛ̈nydït acï këdɛn cï lueel an bïï looi jɔ looi. Acï wook riɔ̈ɔ̈k ke cïn kokdepiɔ̈u, cït man cï yen ye lueel ɣɔn thɛɛr. Acï kɔc ke aterde tɔ tiëm, acï keek tɔ mit piɔ̈ɔ̈th në wïïk cï wok wïïk.

Dhiëëu 3:37

Këde piɔ̈n ë Bɛ̈nydït yetök, yen aye looi aköölnyïïn.

Lebai 26:36

“Ku në biäkdun wek kɔc cï döŋ ke we pïïr, yɛn bï riɔ̈ɔ̈cdït tääu në wepiɔ̈ɔ̈th piny de kɔc dɛ wek ater. Cakaa röl de yïnh ë tim gɔp ë yom abï keek tɔ kɔt. Abïk kat cït man ë ka kɔt në tɔŋ, ku abïk aa wïïk, cakaa cïn raan cop keek.

Amoth 3:6

Të cïï kaaŋ de tɔŋ kooth, cïï kɔc ke pänydït ee päu? Duëër pänydït riääk, ke cie Bɛ̈nydït Yen ee yen bɛ̈ɛ̈i?

Luk 21:26

Kɔc abïk wëi miɛt në riɔ̈ɔ̈c, ku diɛɛr ee kek diɛɛr në kë bɔ̈ ë piny nɔm, karil nu tënhial abï ke niɛŋ.

Nyöŋ 28:65

“Acïn män bäk yök ee juöörkë yiic ëbɛ̈n, acïn të bä cɔl an tëdun, Bɛ̈nydït abï week doony në diɛɛr, ku ciën aŋäth, ku mum ë nɔm,