Cäk 41:42 - JAM DE NHIALIC 2011

⁴² Ku puut melik guelade bei në yeciin, ku tɛ̈ɛ̈u në Jothep ciin. Ku yïk Jothep kɔ̈u lupɔ piɛth lɔ mot, ku yïk yeth kuat adhääp.

Cäk 41:42 ပူးပေါင်းရင်းမြစ်များ

Cäk 38:18

Go Juda ye luɔp an, “Ee kän ŋö kɔɔr, kë bä gäm yïn?” Go lueel an, “Nyäŋë yɛn gueladu kekë wïnduönë, ku lɔ thieny muk.” Go Juda ke gäm en, ku tɔ̈ɔ̈c ke yen, go liac.

Cäk 41:43

Ku tɔ kɛɛc në abëlde yic, abël ye abëëlke rou. Ku tɔ kɔckɛn ee yen tiit lɔ në yenɔm tueŋ, ke lueelkï an, “Guötkï wemiöl piny.” Ku jɔ Jothep tɔ ye bɛ̈ny de Rip ëbɛ̈n.

Ethta 10:3

Modekayo raan de Judai, yen aaye bɛ̈ny tɔ̈u në Melik Athuwereth cök guöpde. Yen aaye Judai luöi këpiɛth rɔ̈ŋ ke keek, ku jɔ aa rëërdɛn bï kek rëër ë dïu. Gokï Modekayo bɛ̈n aa dhuëëŋ guöp, ku jɔ aa nhiaar guöp në kɔc juëckɛn ke Judai.

Ethta 3:10

Go Melik këtimdɛn yen käŋ thaany ruɛ̈c bei në yecin ku gëm Ɣaman wën ee Ɣamedatha, raan de Agak, raan de ater ë kɔc ke Judai.

Ethta 3:12

Ëtɛ̈ɛ̈n ɣɔn acïï nïn thiëër ku diäk de pɛɛi tueŋ guɔ ɣëët, ke Ɣaman ë cɔl kɔc ee kak ke Melik gɔ̈ɔ̈r, ku kuën keek löŋde, bïk pukic ë thook ke juöör ëbɛ̈n, ku gäär ke në kueer ye kɔc ke ee pinyë kaken gɔ̈ɔ̈r, ku bï ke tuöc bäny ke baai, ku bäny mac wuöt kedhie, bäny ke juöör, ku gäär keek ë rin ke Melik Athuwereth, ku jɔ keek thanyiic në këtim de Melik.

Ethta 8:10

Acï ke gɔ̈ɔ̈r në rin ke Melik Athuwereth, ku thɛɛny ke yiic në katim de Melik, ku awereekë, aake ye tuɔɔc në kɔc ee cath ë jöŋgöör kɔ̈ɔ̈th, jöŋgöör ke baai de Melik ŋic riŋ aläldïïtë.

Ethta 8:15

Go Modekayo jäl ë melik lɔ̈ɔ̈m ke ceŋ lupɔɔ dït ke bääny de yiic kïn aräu cït luäät ku ɣeer ë biäk, ku lupɔ piɛth lɔ mot, ku lupɔ thiith amujuŋ, ku jɔ ya göldïït de bääny lɔ riauriau kekë adhɛ̈p, go raan ëbɛ̈n pänydït ë Thutha, bɛ̈n biic ke ke moc kiɛɛu de miɛtëpiɔ̈u.

Ethta 8:2

Go Melik këtim de cin ee yen käŋ thaany wään cï pɔ̈k nɔm ciëën tëde Ɣaman ruɛ̈c bei ku gëm Modekayo. Ku ëtɛ̈ɛ̈n Ethta acï kajuëc ke Ɣaman bɛ̈n tääu ë Modekayo ciin.

Ethta 8:8

Ka week, gäärkï në gäärduön nhiaarkï në biäk de kɔc ke Judai në rin ke Melik, ku thanykï yic në katim de Melik, në luɔi cïï kë cï gɔ̈ɔ̈r tueŋ në rin ke melik ku thanyic në këtimde duëër nyaai.”

Diɛt 73:6

Ka ayek lɛc cieŋ cït guën ë yeth, ku ceŋkï akuöörkuöör cï lupɔ.

Kɛ̈ŋ 1:9

Wëëtden abï yï tɔ läk cït göl ë dhuëëŋ në yïnɔm, ku cït kuat piɛth në yïyeth.

Kɛ̈ŋ 31:22

Ee biökke thieth ku cieŋ lupɔ piɛth lɔ mot ku lupɔɔ thiith amujuŋ.

Kɛ̈ŋ 31:24

Ee lupɔɔ gut ku ɣöc keek kɔc ee käŋ ɣaac.

Diɛt ke 1:10

Nhïmku alɛ̈kkï në yïgëm, ayek lööny ë yïyeth cït kuat de ateek.

Diɛt ke 4:9

Daai ee yïn daai, nyandiën thiaak ee miɛt ë yapiɔ̈u, ku lɔ guët ye keek cieŋ, acïk yɛn kual nɔm.

Yith 3:23

ku aluluutkɛn lɔ bilbil ku lupɔɔ ke linɔn thii ye kek kenyïïn weec, ku lupɔɔ thii lɛ̈k yek dɛɛr në kenïïm, ku ke yiëth, ku lupɔ kɔ̈k lɔ lëëulëëu bär ee ke gël nyïïn tueŋ ku kenïïm.

Jeremia 52:33

Ago Jekonia jɔ pɔ̈l bïï lupɔɔkɛn ke ɣön ë mac waar, ku jɔ aa cam paan ë melik në akööl ke pïïr de yic ëbɛ̈n.

Edhekiɛl 27:7

Lupɔɔkun aake loi ë linɔn aake cuëëc keek në Rip, aye ke dap ŋic të mec. Ɣöönkuön ke lɔ̈ŋ aake loi keek në lupɔɔ läk aläl, lupɔɔ amujuŋ ë bïïyë keek në tuur de Thaiperuth yic.

Danyel 5:16

Ku ënɔɔnë acä piŋ nɔn yïn löŋ cï thiaan yökic ku wer kacïmoony yiic. Na duëërë kë cï gɔ̈ɔ̈rë kuɛ̈n ɛn ku lɛ̈kë yɛn kë lueel, yïn bï tɔ ceŋ lupɔ thith amujuŋ de bääny, ku ceŋ kuat ë adhääp de riëëu në yïyeth ku yïn bï aa raan de diäk ë riɛl ë ciɛɛŋde yic.

Danyel 5:29

Go Belcadhar kɔcke yöök raantök, bïk Danyel yiɛ̈k kɔ̈u lupɔ thith amujuŋ ku bïk kuat ë adhääp de riëëu tääu ë yeyeth, ku tɔ ee raan de diäk ril në ciɛɛŋ ë bäänyde yic.

Danyel 5:7

Go cööt në luöi bïï ë kɔc bɛ̈ɛ̈i, kɔc ee cɔ̈ɔ̈r, ku kɔc ee lam, ku kɔc ee meek. Na wën cïk bɛ̈n ɣöt, go melik röör pelnïïm yɔ̈ɔ̈k an, “Na lɔ raan ë weyiic ya kuɛ̈n ee gäärë ku nyuth ɛn kë lueel abïï tɔ ceŋ lupɔ thiith amujuŋ de bääny ë melik, ku abï kuat de adhääp ë riëëu ceŋ ë yeyeth, ku abï ya raan de biäk ë bääny de pinydï yic.

Luk 15:22

Go wun lïïmke yɔ̈ɔ̈k an, ‘Bɛ̈ɛ̈ikï lupɔ piɛth aläldïïtë, ku tääukï ë yekɔ̈u, ku bɛ̈ɛ̈ikï guelɔ këde yenciin, ku war ka ke yencök.

1 Tham 18:4

Go Jɔnathan lupɔde yɔ̈ɔ̈t bei në yekɔ̈u ku gëm Debid, ku gëm kakɛn ë tɔŋ, abätäu, ayï thiööth.