Cäk 41:30 - JAM DE NHIALIC 2011

³⁰ Ku në kecök ciëën, run ke cɔk abïk bɛ̈n kadhorou. Ka kɔc abïk nïïm määr në run ke kuɛth. Në luɔi bï cɔk piny riɔ̈ɔ̈k arëët.

Cäk 41:30 ပူးပေါင်းရင်းမြစ်များ

Cäk 41:21

Ku na cakaa nɔndɛn cï kek ke cuet, acïn raandɛn duëër en ŋic luɔi cï kek ke cuet. Në luɔi ë ŋoot kek ke ke nɔl cït ee mandɛnë. Aguɔ riëër ë nïnic.

Cäk 41:27

Ku ɣɔ̈k nɔlkë kadhorou, ku nïïm ke rap kën ŋiëc luɔkë kadhorou, në këde abiɔ̈r ë yom de aköl amiäk, ee run ke cɔk.

Cäk 41:31

Ku kɔc abïk nïïm määr taitai në run ke kuɛth, në biäk bï cɔk tuöc arëët.

Cäk 41:51

Ago Jothep lueel, an, “Nhialic ë ya tɔ mär nɔm në karɛc wään guööm keek, ku tɔ ya mär nɔm në baaida ayadäŋ.” Go wëndɛn kɛ̈ɛ̈i cäk an Manatha (acï ya tɔ Mär nɔm).

Cäk 41:54

Ku gɔl run ke cɔk röt ë määth, cït man wään cï Jothep ë lueel. Go cɔk kɔc dɔm në wuöt kɔ̈kiic, ku Rip ëbɛ̈n ade nɔm kacaam.

Cäk 41:56

Na wään, aacï cɔk yenyin ŋuak, ku cï piny ë Rip paat ëbɛ̈n: ke Jothep ë tuer ɣööt ke rap thook, ku ɣöc kɔc ke Rip rap.

Cäk 47:13

Cɔk acï jɔ dït arëët, ka acïn tëdäŋ ë nu ë kacam thïn. Go cɔk kɔc ke Rip nɔɔl, ku nɔɔl kɔc ke Kanaan.

2 Tham 24:13

Na wën ke Gad jɔ lɔ tëde Debid ku lɛ̈k en an, “Ee kënou yen bä dɔm? Cɔŋ de run kadiäk tëde yïn wekë pinydun? Ku nɔn bï kɔc ke aterdun week cop në pɛ̈i kadiäk? Ku nɔn ee jɔŋ tuc thok bï we nɔ̈k ë nïn kadiäk pinydun? Tak ee kënë yic apiɛth. Ku jɔ tök meek ee kake yiic, kë bä lɔ lɛ̈k Bɛ̈nydït.”

1 Mel 17:1

Go tiët cɔl Elija raan ë Ticibe në Giliyad lɛ̈k melik Aɣap an, “Alɛ̈k yïn në rin ke Bɛ̈nydït, Nhialic pïïr de Yithriɛl ya luööi, an abï ciën deŋ ku cïn thäc në ee runke yiic agut të bän e lueel.”

2 Mel 8:1

Na wën ke Elica ë yöök tiiŋ wun ë Cunem tiiŋ ɣɔn cïï yen wënde tɔ pïïr an bïï jäl kekë baaidu lek wun däŋ, në luɔi bïï Bɛ̈nydït cɔk tuööc ee pinyë, ku abï tɔ̈u në run kadhorou

Diɛt 105:16

Bɛ̈nydït acï cɔk tɔ löny paanden ku nyiɛɛi kacaamken ëbɛ̈n.

Kɛ̈ŋ 31:7

Tɔ dekkï ke ke cïï kuɛɛny de nyinden bï bɛ aa tak, ku bïk nïïm määr në nuɛɛnden.

Yith 65:16

Raan ëbɛ̈n tɔ̈u ee pinyë raan kɔɔr athiɛɛi, abï aa thieei, në Nhialic Adöt. Raan ee gutguut lueel, ee kuëëŋ në rin ke Nhialic yic. Agööth thɛɛr, abïk lɔ ku märkï kɔc nïïm.”

Luk 4:25

Ku wek lɛ̈k yic an, Diëër abɛɛr juëc aake nu paan ë Yithriɛl ɣɔn nu Elija, ɣɔn cï tënhial thiöök ë run kadiäk ku pɛ̈i kadhetem, ku nu cɔŋ dït ë piny nɔm ëbɛ̈n.

Jakop 5:17

Elija aaye raan cït piɔ̈u wook. Na wën, ke läŋ arëët ke deŋ cïï bï tuɛny, ago kën tuɛny ë piny nɔm ë run kadiäk ku pɛ̈i kadhetem.