Cäk 41:14 - JAM DE NHIALIC 2011

¹⁴ Go melik Jothep tɔ dïcë. Go Jothep guɔ lɔ bɛ̈ɛ̈i ënɔnthiinë ɣön ë mac. Na wën, aacï mut, ku wɛɛr lupɔɔke, ke bɔ̈ të nu melik.

Cäk 41:14 ပူးပေါင်းရင်းမြစ်များ

2 Tham 19:24

Mepiboceth, wën ë wën ë Thaulo, acï lɔ ayadäŋ le yök kekë melik Debid, ku Mepiboceth akën yecök waak, ku akën yenɔm muut, ku akën lupɔɔke waak, gɔl të wään jël ë melik në Jeruthalem aɣet wään bïï yen ciëën ke cï tiam.

2 Mel 25:29

Go Jekonia tɔ bïï lupɔɔkɛn ke ɣön ë döm bei në yekɔ̈u, ku bïï aa cam aköölnyïïn ëbɛ̈n në paam de melik nɔm, në pïïr de yic ëbɛ̈n.

Ethta 5:1

Ɣɔn në kööl ye thɛ̈k nïn diäk, ke Ethta ë jɔ lupɔɔkɛn ke bääny tääu, ku jɔ lɔ ë gɔ̈ɔ̈lic thïn ku kɛ̈ɛ̈c ɣön ë Melik thok. Aa kääc ke wël enɔm thöny de Melik tɔ̈u ɣööt thïn, ku rɛ̈ɛ̈r Melik ë thööc nɔm ɣööt ke wel e nɔm biic.

Bɛ̈n 10:16

Na wën, ke melik ë dap Mothe tɔ cɔl kekë Aron, ku lëk keek an, “Yɛn ë Bɛ̈nydït Nhialicdun luöi kërac, ku luöi week kërac aya.

Wɛ̈ɛ̈t 4:14

Yen ee dhuŋë, cakaa yen ë lony aloocic lee ë thööc nɔm, ku nɔn ë dhiëth wunden ke kuanynyin.

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Danyel 2:25

Ago Ariok Danyel yiɛ̈n melik Nebukadnedhar raan tök, melik ë Babilon, ku lɛ̈k en an, “Yɛn cï raan tök në kɔc wään pec ë Juda yök, raan duëër yïn lɛ̈k kë lueel ë nyuöthdu.