Cäk 4:26 - JAM DE NHIALIC 2011

²⁶ Go Theth wënde dhiëëth, ku ciɛ̈k rin an Eenoc. Ku ëtɛ̈ɛ̈n, yen aa jɔ kɔc Bɛ̈nydït bɛ̈n bɛ aa cɔɔl rin në lɔ̈ŋdenic.

Cäk 4:26 ပူးပေါင်းရင်းမြစ်များ

Cäk 12:8

Ku jɔ bɛ̈n kuëëth ke lɔ piny ë kuur, piny nu wun cɔl Bethel kɔ̈u të lɔ aköl amiäk. Ku piëët paanyde në kaam de Bethel kekë wun cɔl Ai, ke Bethel ë nu baŋ të lɔ aköl athɛ̈i, ku Ai ë baŋ të lɔ aköl amiäk. Go Abram Bɛ̈nydït yiëk yïk ëtɛ̈ɛ̈n, ku lɛm.

Cäk 26:25

Ago Yithaak yïk yïk ëtɛ̈ɛ̈n, ku lɛ̈ŋ Bɛ̈nydït. Ku piëët pɛɛnyke ëtɛ̈ɛ̈n, ku wec lïïmke yinh däŋ.

1 Mel 18:24

Ku në tït ke Baal ë ke läŋ yanhden, ku yɛn bï Bɛ̈nydït lɔ̈ŋ, ku Nhialic lɔ lɔ̈ŋ piŋ ku tuuc mac piny nhial yen aye Nhialic.” Go kɔc gam kedhie ku luelkï an apiɛth.

Diɛt 116:17

Yïn bä gäm miɔ̈c de thieithieei ku gäm Yïn lɔ̈ŋdï.

Yith 44:5

“Abïï kɔc aa lueel ëtök tök nɔn ee Yɛn Bɛ̈nydït. Abïk bɛ̈n mɛ̈tkï röt kɔc ke Yithriɛl. Ku raan ëbɛ̈n abï kïn de rin ke Bɛ̈nydït aa gɔ̈ɔ̈r në ye kaam ku yek röt cɔɔl an wok ee kɔc ke Nhialic.”

Yith 48:1

Piɛŋkï kënë wek kɔc ke Yithriɛl wek kuat de Juda: Wek ee kuëëŋ në rin ke Bɛ̈nydït, ku yak lueel nɔn lam wek Nhialic de Yithriɛl, ku jam yak lueel acie yen yak looi.

Yith 63:19

Yïn ee wo luööi cït kë kën kɔn aa bɛ̈nyda, abuk ciët ka kën kɔn aa kɔcku.

Jeremia 33:16

Kɔc ke Juda ku Jeruthalem abïï keek kony ku abïk rëër ë läŋ. Pänydït abï cɔɔl an, ‘Bɛ̈nydït ee piathëpiɔ̈nda.’

Jowɛl 2:32

Ku ëtɛ̈ɛ̈n, raan ëbɛ̈n, raan ee Bɛ̈nydït cɔɔl rin, abï kony wëi. Në biäk bï yen dɛ kuny de wëi në kuur ë Dhiɔn nɔm, ku Jeruthalem, cït man cïï Bɛ̈nydït ye lueel an, “Kɔc kɔ̈k abïk poth ë Jeruthalem, kɔc cä ke lɔc abïk pïïr.

Dhep 3:9

“Ku Yɛn bï jam de juöör puk ke ye jam lɔ wai, ku abïk Ɛn aa lam ke cie yiëth kɔ̈k, ku yek A riëëu kedhie.

Luk 3:38

Kenan de Enoth, Enoth de Theth, Theth de Adam, Adam de Nhialic.

Luɔi 11:26

Go yök, ku bïï Antiokia. Gokï aa guëër ɣön ë Nhialic ëtök ku thölkï ruöön tök ëtɛ̈ɛ̈n, ke ke ye kut dïït ë kɔc wɛ̈ɛ̈t. Ku kɔcpiööcë aake kɔnë tɔ ye Kërthiaan në Antiokia.

Luɔi 2:21

Ku ë yic, raan ëbɛ̈n raan ë Bɛ̈nydït cɔɔl rin, ka bï dhil kony wëi.’

Romai 10:13

Cït man cï ë këcïgɔ̈ɔ̈r ye lueel an, “Raan ëbɛ̈n raan ë Bɛ̈nydït cɔɔl rin ka bï kony wëi.”

1 Kor 1:2

Awerek en gɛ̈ɛ̈rku ɣön ë Nhialic nu Korinthoi, kɔc wën cï tɔ ɣerpiɔ̈ɔ̈th ë Yecu Kërtho yic, kɔc wën cï cɔɔl bïk aa kɔc piɛthpiɔ̈ɔ̈th, kekë kɔc kedhie kɔc nu ë wuöt yiic ëbɛ̈n, kɔc ee rin ke Yecu Kërtho Bɛ̈nydïïtda cɔɔl, ee Bɛ̈nyden keek ku ye Bɛ̈nyda wook.