Cäk 37:4 - JAM DE NHIALIC 2011

⁴ Na ɣɔn, aa tïŋ ë mïthëkɔcken en luɔi nhiɛɛr ë wuönden Jothep awär keek, ke ke man Jothep guöp. Ku cïkï ee bɛ lëëŋ në yen.

Cäk 37:4 ပူးပေါင်းရင်းမြစ်များ

Cäk 27:41

Ago Ethau Jakop maan guöp në këde athiɛɛidɛn cï wun gäm en. Ku lueel në yepiɔ̈u an, “Akööl bï wok wää tɔ̈ɔ̈u acïk thiɔ̈k, yɛn bï Jakop wänmääth nɔ̈k.”

Cäk 37:11

Go mïthëkɔcken en jɔ til arëët, ku muk wuönden jam në yepiɔ̈u.

Cäk 37:5

Na ɣɔn ë kööl tök, ke Jothep ë nyuöth ë nïnic wakɔ̈u. Na wën, aguïïr nyuöth mïthëkɔcken, ke jɔkï maan guöp awär wään tueŋ.

Cäk 4:5

ku reec miɔ̈c de Kain. Ago Kain piɔ̈u gɔ̈ɔ̈i arëët, go agɔ̈th tïc ë yenyin aläl.

Cäk 49:23

Abïï ë kɔckɛn ke ater yen aa muɔɔk piny arëët. Ku dhil ke lɔ̈ɔ̈k biɔɔth cök ke dhɛ̈ŋke, ku wiɛthke.

Diɛt 38:19

Kɔc de ater në yɛn arilkï ku apiɔlkï gup, kɔc juëc acïk ɛn maan baaŋ.

Diɛt 69:4

Kɔc man yɛn, ke cïn kë cä looi, kuënden ajuëc aläl awärkï nhïm ke yanɔm. Kɔc ke aterdï ayek a mak në lueth, Keek arilkï, ku akɔɔrkï bïk ya nɔ̈k. Acïk ya tɔ col ka kën ke kual.

Jeremia 12:6

Ayï kɔckuön raan ë yïn, kɔc ke dhiëndun, acïk yïn nyiɛɛn, acïk mat ë kɔc ee yïn mak. Du keek ŋäth, cakaa kek ë jam në thoŋ piɛth.”

Mak 3:25

Ayï dhiën, të tek en eyic ater, ka cïï duëër kɔ̈ɔ̈c en ee dhiënë.

Tito 3:3

Ku wook ayadäŋ wok aaye kɔc cïn nïïm wään thɛɛr, kɔc ee löŋ rɛɛc piŋ, kɔc cï math, wok ee ye lïïm ke ŋɔ̈ɔ̈ŋ ee wo dɔm ŋɔ̈ɔ̈ŋ kithic, ku yok lïïm ke kamit yok kɔɔr ë wopiɔ̈ɔ̈th, wok aaye tɔ̈u ke wo racpiɔ̈ɔ̈th deku yiic tiɛɛl, ku man kɔc wook, ku manku röt.

1 Jɔn 2:11

Ku raan man mɛnhkënë, ka tɔ̈u tëcol, ku ciɛth tëcol, ke kuc të le yen thïn, ë luɔi cï cuɔlëpiny ye tɔ cɔɔr.

1 Jɔn 3:10

Kën ee mïth ke Nhialic lɔ dhek kï, ku lɔ mïth ke jɔŋdït rac dhek: raan cïï këde piathëpiɔ̈u ee looi, ka cie këde Nhialic, ayï raan cïï mɛnhkënë ee nhiaar.

1 Jɔn 3:12

Ku cuku bï ciët Kain, raan ë bɔ̈ tëde jɔŋdïït rɛɛcë, raan cï mɛnhkënë nɔ̈k. Ku eeŋö ë nɛ̈k en? E luɔi rɛɛcë luɔide, ku piɛth luɔi de mɛnhkënë.

1 Jɔn 4:20

Të lueelë raan en, an, Yɛn nhiaar Nhialic, ku mɛɛn mɛnhkënë, ka ye alueeth: raan cïï mɛnhkënë ee nhiaar raan cï tïŋ guöp, ke duëër Nhialic nhiaar adï, Raan kën tïŋ guöp?

1 Tham 17:28

Na wën, aa piŋ Eliap Debid ke jam ke kɔc, ke ŋëny Debid ke jam ke kɔc, ku lëk en an, “Eeŋö tɔ yï bɔ̈ eenë? Eeŋa cï nyäŋ thökku ë jɔ̈ɔ̈ric? Täudu aŋic yïn ee mɛnhë, aŋiɛc nɔn yen lɛc yen ëbïï yï. Ee tɔŋ yen ë bä bɛ̈n woi baaŋ!”