Cäk 37:28 - JAM DE NHIALIC 2011

²⁸ Na wën, atëk kɔc ke Midian ee käŋ lɔ ɣaac, ke ke mïït Jothep bei në yithic, ku ɣöckï kɔc ke Yicmiɛl në atek kathiërrou. Agokï Jothep lɛɛr paan ë Rip.

Cäk 37:28 ပူးပေါင်းရင်းမြစ်များ

Cäk 25:2

Go ye dhiëth Dhimeran, ku Jɔkcan, ku Medan, ku Midian, ku Yicebak, ku Cuwa.

Cäk 37:25

Na wën, aŋootkï ke ke cäm, ke ke go kɔc ke Yicmiɛl tïŋ abɔ̈ në thɔ̈rɔ̈lken. Ku thɔ̈rɔ̈lken aake ɣɛ̈ɛ̈c adök, ku wɛ̈ɛ̈l cɔl baam ku mer, aa leerkï keek paan ë Rip.

Cäk 37:36

Ago kɔc ke Midian Jothep lɔ ɣaac paan ë Rip, lek ɣɔ̈c Pɔtipar, bɛ̈ny ee melik de Rip tiit.

Cäk 39:1

Ku Jothep acïï kɔc ke Yicmiɛl lɛɛr Rip, lek ɣɔ̈c Pɔtipar bɛ̈ny ë kɔc ee ɣön ë melik de Rip tiit thok.

Cäk 40:15

Ku ee kakë yiic kedhie, yɛn aa kual ɣɔn pinyda, piny ë Ɣeberuu. Ku ayï ënɔɔnë eenë piny ë Rip, yakï mac baaŋ ke cïn kë cä looi, kë rɔ̈ŋ ke mac.”

Cäk 50:15

Na wën, aa tïŋ ë mïthëkɔcken ë Jothep luɔi cï wuönden thou, ke luelkï an, “Jothep abï wo dhiɛl jɔ maan gup ee kë ciëënë. Ku abï karɛc wään luiku yen dhiɛl jɔ cool nïïm.”

Diɛt 105:17

Ku acï raan tuɔɔc ë kenïïm tueŋ, Jothep, wään cïk ɣaac ke ye lïm.

Diɛt 83:9

Luöiyë keek, kë wään bä luöi kɔc ke Midian, ku Thithera kekë Jabin në kiir de Kicon yɔu.

Bɛ̈n 21:16

“Raan kual raan le ɣaac ku nɔn le yen en tɔ ye lïmde, ke näk.

Yith 60:6

Thɔ̈rɔ̈ɔ̈l juëc abïk bɛ̈n, piny de Midian ku Eepa. Ku abïk bɛ̈n në Ceba abïk bɛ̈n, ke ke muk adhɛ̈p ke ke bïï adhääp ku wal ŋïr. Kɔc abïk Bɛ̈nydït leec në biäk de kë cïï looi!

Jeremia 38:13

agokï Jeremia miëët bei ë yithic. Ku në ee kënë cök Jeremia acï bɛ̈n tɔ̈u ë kal ë bääny yic.

Lebai 27:5

Ku na ee raan tɔ̈u ë runke ë kaam de run kadhïc kekë run kathiërrou, tɔ kuënde moc ee wëu ke ateek kathiërrou, ku tɔ kuën de tik ee wëu ke ateek kathiëër.

Kuɛ̈n 25:15

Ku tiiŋ de kɔc ke Midian ë näk, acɔl Kodhbi de Dhur. Wun yen aye bɛ̈ny de dhiëën ke kɔc ke Midian.

Kuɛ̈n 25:17

“Yiɛ̈në kɔc ke Midian tɔŋ, lak riäkkï keek.

Math 26:15

le ku thiëëc keek an, “Bäk a gäm ŋö ke bä lɔ nyiën week?” Gokï wëu giim në yen ëtök, riët kathiërdiäk.

Math 27:9

Go jam aa yic jam ɣɔn lueel ë tiët Jeremia an, “Agokï atek kathiërdiäk nööm, ke ye ɣööc de raan wään cï ë ɣööcde lueel ë kɔc ke Yithriɛl,

Luɔi 7:9

Na wën, ke kuarkuɔn thɛɛr ke ke dɔm tiɛɛl në Jothep, agokï ɣaac tɔkï leerë Rip: ku tɔ̈u Nhialic kekë yen tei,

Bäny 8:22

Na wën ke kɔc ke Yithriɛl, ë ke yöök Gidiɔn an, “Yïn bï aa bɛ̈nyda, wekë mïthku ku kuatdu, në luɔi cï yïn wook luäk bei në kɔc ke Midian cin.”

Bäny 8:24

Ku lueel an, “Yɛn de nɔm töŋ liɛp, raan ëbɛ̈n ë weyiic aduëër ɛn gäm joth në kakɛn wään cï peec yiic.” (Kɔc ke Midian acïtkï juöör kɔ̈k rɛ̈ɛ̈r ë jɔ̈ɔ̈ric ëbɛ̈n, aa ke ye ceŋ në joth ke adhääp.)