Cäk 37:27 - JAM DE NHIALIC 2011

²⁷ Aŋuɛ̈ɛ̈n ë luɔi ɣöc wok en kɔc ke Yicmiɛl, ku cuku jak guöp. Yen ee mɛnhkënëda, ku ye riɛ̈ɛ̈ŋda.” Ago mïthëkɔcken ye gam thok.

Cäk 37:27 ပူးပေါင်းရင်းမြစ်များ

Cäk 29:14

Go Laban lɛ̈k en an, “Ee yic ë gök, yïn ee yuɔɔmdï ë yic, ku ye rïïŋdï!” Go pɛɛi thöl ke rɛ̈ɛ̈r ke keek.

Cäk 37:22

cuɛtku ë yithic ë jɔ̈ɔ̈ric eenë, ku nyiëëŋku piny ëtɛ̈ɛ̈n, ku duku jak guöp.” Ruben aluel ee jamë në biäk bï yen en luäk bei në kecin. Ku tɔ dɔ̈k enɔm wun.

Cäk 42:21

Ku lëkkï röt kapäc an, “Ë yic, kë tɔ wook yök ë kë dïït tuucë, ee kë wään cuk luöi Jothep mänhëda. Wään tïŋ wok en ke cï nyin kuanyëkuany ke läŋ wook an pälku, ku cuku päl. Yen aa yïn wook gup ë kërɛɛc dïït cï wo yökë.”

Cäk 50:20

Wek aa lui yɛn kërac, go Nhialic en lɔ puk ke ye këpiɛth. Ke ya bï kɔc juëc kony wëi. Kɔc ŋoot ke ke pïr ënɔɔnë.

2 Tham 12:9

Eeŋö ee yïn jam de Bɛ̈nydït biɔɔn, abä kërac looi ë yenyin? Yïn cï Yuria raan ë Ɣit nɔ̈k në abätäu, ku nöm tiiŋde bïï aa këdu, ku acï tɔ lɔ näk në abätäu de kɔc ke Ammon!

Neɣe 5:5

Wok ee jur tök ë kɔckuɔn ke Judai, cï mïthkuɔ piɛth cït man ë mïthken? Ku wok ee mïthkuɔ ɣaac bïk aa lïïm ka duetkuɔn kɔ̈k acï ke guɔ ɣaac, ke ke ye lïïm. Wok ënïïm ciën riɛl në biäk cïï duumkuɔn ke rap, ku duumkuɔn ke tiim jɔt tëde wook.”

Neɣe 5:8

ku luɛɛl an, “Ënɔɔnë acuk lëu yen luɔi be wok ke ɣɔɔc, kek mïthëkɔckuɔn ke Judai bïk ke dɔ̈k nïïm wook, kek kɔc ɣɔn cï röt ɣɔ̈c juöör? Ke week, ënɔɔnë, wek yɔŋ kɔckuön ke Judai, bïk röt ɣɔ̈c week, wek kɔcken!” Ku bäny acïk thook bɛ̈n mim ke cïn kë luelkï.

Bɛ̈n 21:16

“Raan kual raan le ɣaac ku nɔn le yen en tɔ ye lïmde, ke näk.

Bɛ̈n 21:21

Ku na kën lïm thou ee kööl ë dui ë yen thïnë, ku jɔ bɛ̈n thou të cït miäk ku nɔn thou en ke cï nïn aa rou, ke bɛ̈ny ë dui yen ë cïï kum. Määr bï kake määr yetök ë kuöm dït.

Math 16:26

Të ciɛmë raan piny nɔm ëbɛ̈n, ku mɛ̈ɛ̈r wëike, ke piathde akou? Bï raan ŋö gam wɛɛr en wëike?

Math 26:15

le ku thiëëc keek an, “Bäk a gäm ŋö ke bä lɔ nyiën week?” Gokï wëu giim në yen ëtök, riët kathiërdiäk.

1 Tim 1:10

këde kɔc ee diäär kɔɔr, ku röör ee röör kɔɔr, ku kɔc ee kɔc peec, ku kɔc ee lueth töör, ku kɔc ee gutguut lueel ë lueth, ku na de däŋ kë de ater ke wëët piɛth,

Nyuuth 18:13

ku wɛ̈ɛ̈l cɔl kinamon, ku mer, ku wal ŋïr, ku miök tum, ku libano, ku mɔ̈u, ku miök, ku agamɔ lɔ mot, ku agamɔ kënë guöör, ku ɣɔ̈k, ku thök, ku jöŋgöör, ku abëël, ku lïïm, ku wëi ke kɔc.

1 Tham 18:17

Ku ëtɛ̈ɛ̈n, acïï Thaulo bɛ̈n lɛ̈k Debid an, “Merap kï, nyandiën dït. Abä gäm yïn thiaak, të le yïn ɛn gam thok, ku biök tɔŋ ë Bɛ̈nydït apiɛth.” (Aa cïï Thaulo kɔɔr luɔi bï yen e nɔ̈k në yeciin, aa kɔɔr nɔn bïï kɔc ke Pilithiin ye lɔ nɔ̈k tɔŋ).