Cäk 36:31 - JAM DE NHIALIC 2011

^31-39 Kakë ee kek ee meliik ë kɔnë dɔm në piny ë Edom. Acïn meliŋ töŋ ë cï kɔn dɔm në kɔc ke Yithriɛl nïïm tueŋ. Bila wën ë Beyor atɔ ye meliŋ de Edom, ku wunden acɔl Dinɣabath. Na ɣɔn aa thou Bila, ke Jobap wën ë Dhira, raan wun ë Bothera ë dɔm në nyiɛnde yic. Na ɣɔn aa thou Jobap, ke Ɣucam ë dɔm në nyiɛnde yic, raan wun ë Timan. Na ɣɔn aa thou Ɣucam, ke Ɣadad wën ë Bedad ë dɔm në nyiɛnde yic, raan wään tiam kɔc ke Midian piny ë Mowap. Ku yen aaye raan wun Abith. Na ɣɔn aa thou Ɣadad: ke Thamela raan wun ë Mathereka ë dɔm në nyiɛnde yic. Na ɣɔn aa thou Thamela, ke Caul raan ë Reɣoboth nu në Yuparat yɔu ë dɔm në nyiɛnde yic. Na ɣɔn aa thou Caul, ke Baal Ɣanan, wën Akbor ë dɔm në nyiɛnde yic. Na ɣɔn aa thou Baal Ɣanan, wën Akbor, ke Ɣadar ë dɔm në nyiɛnde yic. Ku wunden aa cɔl Pau. Ku tiiŋde acɔl Meɣetabel, nyan ë Matered nyan ë Medhaɣa.

Cäk 36:31 ပူးပေါင်းရင်းမြစ်များ

Cäk 17:16

Abä thieei, ku ta dhiëth yïn mɛwä. Abä thieei ku ta ye man juöör juëc. Ku abï dɛ meliik në mïthke yiic.”

Cäk 17:6

Ku yïn bä tɔ kɛɛr aläl, ku gäm yïn juöör juëc. Ku kɔ̈k në keyiic abïk aa meliik. Yïn bï nɔm dɛ mïth juëc aläl ka bïk aa juöör.

Cäk 25:23

Go Bɛ̈nydït lɛ̈k en an, “Juöör kaarou anukï në yïyäc. Ku acuekuön bä dhiëëth abïk keyiic tek, Ku acueek tök abï riɛl awär acueek däŋë. Mɛnh tueŋ abï mɛnh ciëën aa luööi.”

Cäk 35:11

Ku lëk ë Nhialic en an, “Ee Yɛn Nhialic Awärjäŋ. Kɛɛrkï, juöör juëc abïk bɛ̈n bei në yïyic. Ku mïth kɔ̈k në mïthku yiic abïk aa bäny dït.

Cäk 36:30

ku Dicon, ku Edher, ku Dican. Kakë ee kek ee bäny ke wuöt ke kɔc ke Ɣor në rëërdɛn rëër kek në dhiënken piny ë Thiyer.

Kuɛ̈n 20:14

Mothe ë kɔc bɛ̈n tooc Kadec, tuc keek melik de Edom, lek lɛ̈k en an, “Ke mïthëkɔckun lueelkï, kɔc ke Yithriɛl. Acïk lueel an katuc cuk guum ëbɛ̈n aŋiɛckï keek.

Nyöŋ 33:29

Kɔc ke Yithriɛl, ee miɛt ë piɔ̈u cït ŋö, duëër wek piɔ̈ɔ̈th miɛt! Acïn kɔc cït week, jur ye Bɛ̈nydït kony. Ku Bɛ̈nydït guöp Yen aye köndun ku ye abätäudun, ee week kony ku tɔ we tiëm. Kɔc ke aterdun abïk bɛ̈n, bïk we lip, në kok bä wek piɔ̈ɔ̈th kok, ku ɣäänkɛn ke läm abäk keek duöm piny.

Nyöŋ 33:5

Bɛ̈nydït acï ya Meliŋ ë Jecurun, wään bï bäny ke kɔc kenïïm mat, ku mät dhiëën ke Yithriɛl ëbɛ̈n tëtök.