Cäk 35:5 - JAM DE NHIALIC 2011

⁵ Na wën, ajël Jakop kekë mïthke, ke Nhialic ë tɔ kɔc nu në pɛ̈ɛ̈nydït thiääk në keek dɔm ë riɔ̈ɔ̈c. Gokï ke kɛ̈n bɛ̈n kuany cök.

Cäk 35:5 ပူးပေါင်းရင်းမြစ်များ

Cäk 34:30

Ago Jakop lɛ̈k Thimion kekë Lebi an, “Wek ë ya yiɛ̈n guöp wël. Wek ë rinkï riɔ̈ɔ̈k tëde kɔc de piny, kɔc ke Kanaan ku kɔc ke Peridh. Tiɛ̈ŋkï, wok lik. Na lek keyiic määt, ku yïnkï wo tɔŋ. Cïkï ya bï riɔ̈ɔ̈r nyin wokë baaidï ëbɛ̈n?”

Cäk 35:4

Agokï yiëth lɛɛn wään nu tëde keek gäm Jakop. Ku gëmkï jothkɛn ë yek cieŋ në keyïth. Ago Jakop ke lɔ wɛc piny ë tim de ɣok thar. Ku kut kenïïm ëtɛ̈ɛ̈n ë wun cɔl Cekem lɔ̈ɔ̈m.

2 Lëk 14:13

Ago Atha kekë remdɛn ë tɔŋ keek cop abïk ɣet Jiraar. Go rem de tɔŋ juëc de Kuc bɛ̈n nɔ̈k ë tɔŋ yic, abïk tɔ̈u ke ke cïï kenïïm be kut tëtök bïk thɔ̈ɔ̈r. Kɔc ke Kuc acï ke tiaam liŋliŋ abïï ciɛ̈n raan töŋ dɔ̈ŋ ke pïïr. Acïï Bɛ̈nydït keek tiaam kekë remdɛn de tɔŋ, ago rem de tɔŋ kajuëc cï peec rum.

2 Lëk 14:14

Na wën ke ke riɔ̈k pɛ̈ɛ̈nydït thiääk në Jiraar, në biäk cïï kɔc ë tɔ̈u ëtɛ̈ɛ̈n riɔ̈ɔ̈c në Bɛ̈nydït. Go rem de tɔŋ pɛ̈ɛ̈nydït tɔ̈u ëtɛ̈ɛ̈n yak yiic kedhie ku rumkï kajuëc.

2 Lëk 17:10

Na wën ke Bɛ̈nydït ë tɔ ciɛɛŋ thiɔ̈k ëtɛ̈ɛ̈n riɔ̈c, në luɔi bï kek lɔ thɔ̈ɔ̈r ë melik Jeɣocapat.

Diɛt 105:14

Ku akën ë Nhialic keek bɛ̈n tɔ yɔŋ ë raan, go ke gël ë luɔi yen meliik jɔ̈ɔ̈ny.

Diɛt 14:5

Ëtɛ̈ɛ̈n abïk dɛ riɔ̈ɔ̈cdït, në luɔi tɔ̈u ë Nhialic kekë rem de kɔc piathëpiɔ̈ɔ̈th.

Bɛ̈n 23:27

“Kɔc ee week kaaŋ nïïm abä keek aa riääc, ku nuɔɔn kɔc gɔ̈m në week. Ku kɔc de ater në week abä keek aa tɔ kɔt në week.

Bɛ̈n 34:24

Të cän juöör kɔn cuɔp wei në wenïïm tueŋ, ku cä tëdun kɔn tɔ lääu, të la wek ë Bɛ̈nydït Nhialic nɔm, acïn raan bï pinydun bɛ them në rum në kɛm ke dhuëŋkë kadiäk.

Nyöŋ 11:25

Të bä wek lɔ thïn ëbɛ̈n në ee pinyë, Bɛ̈nydït Nhialicdun abï kɔc tɔ riɔ̈c në week, cït man cïï Yen ë thɔn, ku acïn raan bï we tɔ kääc.

Nyöŋ 2:25

ë kööl manë guöp yɛn bï riɔ̈ɔ̈cdït tääu në juöör ke pinynɔm piɔ̈ɔ̈th agokï aa riɔ̈ɔ̈c në week. Abïk käŋ aa piŋ në biäkdun ago keek lath ku rem keek piɔ̈ɔ̈th në këdun.

Jocua 5:1

Na wën, ke piŋ ë meliik ke Amor në wɛ̈ɛ̈r de Jordan kɔ̈u baŋ të lɔ aköl athɛ̈i, ku piŋ ë meliik ke Kanaan kedhie, në Wɛ̈ɛ̈rdïït ɣer kɔ̈u ëbɛ̈n nɔn cïï Bɛ̈nydït wɛ̈ɛ̈r de Jordan tɔ dëu, abï kɔc ke Yithriɛl tem të ril. Agokï riɔ̈ɔ̈c aläl, ku pɛ̈lkï röt wei në biäk de kɔc ke Yithriɛl.

1 Tham 11:7

Na wën ke nöm miöör kaarou, ku thim keek ë thïïm, ku tooc tuuc jɔt leerkï keek piny ë Yithriɛl ëbɛ̈n ku thɔn keek an, “Raan ëbɛ̈n, raan cïï Thaulo lɔ kuany cök tɔŋ kekë Thamwɛl, miöörkë abï keek thim cït ee miöörkë!” Ago kɔc ke Yithriɛl riɔ̈ɔ̈c në kë bïï Bɛ̈nydït luöi keek. Agokï keyiic määt kedhie abï ciën raan töŋ dɔ̈ŋ.

1 Tham 14:15

Na wën ke riɔ̈ɔ̈cdït ë dɔm rem de tɔŋ ë Pilithiin ëbɛ̈n, kɔc wën ee lɔ rum, ayï kɔc wën nu wutic, arëk abï piny rɔt nieeŋ, ku dɔm riɔ̈ɔ̈c dït keek.