Cäk 35:2 - JAM DE NHIALIC 2011

² Ago Jakop lɛ̈k kɔc ke baaide, ku kɔc rɛ̈ɛ̈r në yen kedhie an, “Cuatkï yiëth lɛɛn cath në week wei. Ku wakkï wegup, abäk gup lipëlip. Ku waarkï lupɔɔkuön ciɛŋkï, në lupɔɔ kɔ̈k cäk waak.

Cäk 35:2 ပူးပေါင်းရင်းမြစ်များ

Cäk 18:19

Ei, në luɔi cän e lɔc nɔn bï yen mïthke yɔ̈ɔ̈k, ku yöök baaide, luɔi bï kek kueer ë Bɛ̈nydït lɔ̈ɔ̈k döt në yecök. Në luɔi bï kek kake piathëpiɔ̈u aa looi, ku loikï yith ë cieŋ. Ke Bɛ̈nydït ë bï Abraɣam yiɛ̈n kë cï thɔ̈n en.”

Cäk 31:19

Na wën, acï Laban amɛ̈lke lɔ tem gup, ke Racel ë löök yiëth ke wun kual.

Cäk 31:30

Aŋiɛc nɔn ë jël yïn ke ye baai de wuur yen cï tak, ku kɔɔr nɔn bï yïn yïnɔm puɔ̈k thïn. Ka eeŋö däŋ kuɛ̈lë yiëthkï ayadäŋ?”

Cäk 31:34

Ku Racel acï yiëth ke wun thiaan ë keŋkeŋ ë thɔ̈rɔ̈ɔ̈l thar piny, ku nyuuc ë kekɔ̈ɔ̈th. Go Laban paany guikic ëbɛ̈n, ku cï ke yök.

Cäk 34:2

Na wën, atïŋ ë Cekem en, wën ë Ɣamor, bɛ̈ny de ee wunë, raan ë Ɣib, ke lɔ ku dɔm, ku wit piny, ku nööm ë nɔ̈m ayäär.

Cäk 35:22

Ɣɔn rëër ë Jakop ee pinyë, ke Ruben ë nöm Bila tiiŋ mɛ̈thë wun. Ago Jakop piŋ, go piɔ̈u diu aläl. Jakop aa de nɔm mïthwät kathiëër ku rou.

2 Tham 7:23

Acïn jur däŋ ë piny nɔm cït Yithriɛl, kɔc cï keek bɛ̈ɛ̈i bei në lïïmic ku tɔ keek ee kɔc ke nɔmdu. Ku göök ku kake gäi cï luöi keek cï kɛkdu tɔ thiɛ̈i ë piny nɔm ëbɛ̈n. Yïn acï ke cuɔp wei acï kɛkdu thiäi piny në piny nɔm ëbɛ̈n. Yïn cï juöör kɔ̈k në yiëthken cuɔp wei wään bïï kɔcku bɛ̈n ee pinyë, kɔckuön cï luöny bei në lïïmic ë Rip ke ke bï aa kɔc ke nɔmdu.

2 Mel 17:29

Ku kɔc ɣɔn cï ɣap në Thamaria, acïk bɛ̈n ŋoot ke ke loi yiëthken, ku yek keek tääu në luaŋ cï kɔc ke Yithriɛl yïkic. Jur ëbɛ̈n aaye rɔt luöi yiëthken ku tɛ̈ɛ̈ukï keek në wuötkɛn rëër kek ke thïn:

2 Mel 5:10

Go Elica tuc tuöc en, bïï lɔ lɛ̈k en bïï lɔ waak ë wɛ̈ɛ̈r de Jordanic raandhorou, ku abï guöp waar ë wɛth.”

1 Lëk 16:26

Yiëth ke kɔc kɔ̈k ayek yiëth tei, ku Bɛ̈nydït yen aa cak paannhial.

Jop 1:5

Ku të cïï akööl ke dhuëëŋken thäär thök, ke Jop abï ke tuöc kanäk bï awɛ̈ɛ̈cken waak wei, ee rɔt jɔt adurduur ku gɛm miɔ̈c ye nyop ëbɛ̈n thöŋ ke kuën ë mïthke kedhie, në luɔi ye Jop e lueel ë yepiɔ̈u an, cï mïthke dhil wäc, cïk Nhialic lat ë kepiɔ̈ɔ̈th. Aye Jop cool ke looi aya.

Diɛt 51:2

Waakë karɛckï wei kedhie ku tɔ ya piath guöp në karɛckï!

Diɛt 51:7

Nyaaiyë karɛckï në ɣathop, ke ya bï guöp dik, wak ɛn, ke ya bï ɣɛɛr awär kɔɔi ë tueny ë deŋ.

Bɛ̈n 19:10

Go Bɛ̈nydït lɛ̈k en an, “Lɔ tëde kɔc, lɔ tɔ ke nöm ee köölë ku miäk ke ke wak kegup, ku wakkï lupɔɔken.

Bɛ̈n 19:14

Na wën, ke Mothe jɔ bɛ̈n piny ë kuur nɔm, ku lëk kɔc an, “Guiɛɛrkï röt.” Agokï lupɔɔken waak.

Bɛ̈n 23:13

“Piŋ kë lɛ̈k yïn ëbɛ̈n, Yɛn Bɛ̈nydït. Du yiëth kɔ̈k ee lam, ayï rinken du ke ee lueel.

Wɛ̈ɛ̈t 5:1

Ye rɔt tiit të le yïn ɣön ë Nhialic. Ye lɔ ëtɛ̈ɛ̈n ke yï bï wëët, yen aŋuän në miɔ̈c de kɔc piɔlpiɔ̈ɔ̈th, kuc nɔn ye kek karɛc looi.

Yith 1:16

Wakkï röt ke we bï ɣɛɛr. Takkï karɛc ya woi ke ke luɔikï kääc ëbɛ̈n. Ɣɛɛ, takkï luɔi de kërac kääc,

Yith 52:11

Dötkï apiɛth nɔn bä wek Babilonia nyääŋ piny, wek kɔc ɣɛ̈ɛ̈c kake Luaŋdït wedhie! Duökï ka cï pɛ̈ɛ̈n ee jak, takkï weyiic ɣer ku jälkï.

Jeremia 13:27

Acï week tïŋ ke we loi ka mɛɛn keek. Acï week tïŋ ke we kuany yiëth kɔ̈k cök ë kur nïïm ku ë duumiic, cït man ë mony cïï tiiŋ ë raan thiëëk kek diir, ku cït thɔn ë kɛɛu cop ŋun ë kɛɛu. Amawoou në week kɔc ke Jeruthalem, wek cï luöi këtuc, ee nɛn yen bä wek dikëdik?

Jeremia 16:20

Duëër kɔc röt luöi yanhden? Ei, na lek lɔ looi, kënë acïï duëër aa yiëth ë yic.”

Jeremia 5:7

Bɛ̈nydït ee lop an, “Eeŋö bän karɛc ke kɔckï jɔ pɔ̈l? Acïk Ɛn nyääŋ piny ku lɛmkï yiëth cie yic. Yɛn cï kɔckï cääm abïk kuɛth, ku acïk lɔ köör ku jɔkï aa lɔ cath në akɔɔrröör.

Edhekiɛl 18:31

Pälkï luɔi de karɛc wään yak looi, ku gämkï röt täŋ piɛth ku piɔ̈ɔ̈th piɛth. Eeŋö kaar wek thuɔɔu baai de Yithriɛl?

Edhekiɛl 20:7

Acä lɛ̈k keek bïk yiëth rackë cuat wei, yiëth nhiaarkï, ku cïkkï röt bï tɔ de acuɔl, në yiëth alueth ke Rip, në biäk yan Bɛ̈nydït Nhialicden.

Edhekiɛl 36:25

Wek bä ke wiëth gup pïïu lɔ kïr, ku wek bä waak gup në karɛckun ëbɛ̈n, ku gël week në yiëthkun ku këriëëc cï we dhiöök ëbɛ̈n.

Danyel 5:4

ku piɔnykï yiëth ë loi në adhääp, ku ateek, ku maläŋ, ku wëëth, ku tim, ku kuur.

Lebai 15:5

Ku raan lɔ agende jak, raanë abï lupɔɔke dhil waak, ku wɛɛk rɔt në pïïu, ku abï guöp rac aɣët cï thëën.

Lebai 17:16

Ku na kën lupɔɔke waak, ku cïï rɔt wak, ka abï guöp dɛ awäc.

Kuɛ̈n 31:24

Në akööl ë dhorou wek bï lupɔɔkun dhil waak, ku nyaaikï cuɔl ku jakï bɛ̈n lɔ wut.

Luɔi 19:26

Ku tiëŋkï aya ku piɛŋkï, nɔn cï Paulo kɔc juëc wëŋ ku yɛl keek wei, acie Epetho etök, ee piny de Athia nɔm ëbɛ̈n, aye keek yɔ̈ɔ̈k an, ka ye cuëëc ë kɔc cin, acïkï ee Nhialic.

1 Kor 10:7

Ku duökï röt tɔ ye kɔc ee yiëth lam aya, cït man ë kɔc kɔ̈k ë keek, acït man cï e gɔ̈ɔ̈r an, “Kɔc ayek nyuc ciëmkï ku dëkkï, na ëlë, ke ke jɔt röt lek thuëëc.”

2 Kor 7:1

Yen ka, ënɔn ciɛth wok wokë ka cï lueel an, bï ke gäm wookë, wek kɔc nhiaar, yok röt waak në acuɔl ëbɛ̈n acol ë guöp ku acol ë wëi, ku yok wopiɔ̈ɔ̈th tɔ ɣer abïk dikëdik në riëëu de Nhialic.

Galatai 4:8

Ku wään kuöc wek Nhialic, wek aaye lïïm ke yiëthkun yiëth cie Nhialic në ciɛɛŋdɛn ë ciɛkë keek.

Nyöŋ 11:28

Ku abï aa aciɛɛn të cä wek lööŋkë rïïu, ku wɛlkï röt wei bäk yiëth kɔ̈k lam, yiëth kɛ̈nkï keek kɔn lam ɣɔn.

Nyöŋ 32:16

Ku lämdɛn ë yiëth acï Bɛ̈nydït dɔ̈m tiɛl, ku kërɛɛc cïk looi acï yen tɔ göth.

Nyöŋ 5:7

“Duökï yiëth kɔ̈k ee lam, ee Yɛn Yatök.

Nyöŋ 6:14

Duökï yiëth kɔ̈k ee lam, ayï yiëth ke kɔc ceŋ në we lɔ̈m.

Nyöŋ 7:25

Nyuɔpkï yiëthken. Duökï piɔ̈ɔ̈th bï dɛ ateek ayï adhɛ̈p nu ë kekɔ̈ɔ̈th, ku duökï ke döm röt. Na lak looi wäkya abïk rac aläl, në baŋ mɛɛn ë Bɛ̈nydït Nhialic läm de yiëth.

Ɣeberuu 10:22

Jɔku lɔ në Nhialic lɔ̈ɔ̈m në piɔ̈n cïnic ruëëny, ku lokku në gäm adöt cï we waak piɔ̈ɔ̈th abuk piɔ̈ɔ̈th lɔ wai ke cïn kërɛɛc ŋïcku röt në täŋda yic ëbɛ̈n ku cï wook juɔɔl në pïïu lɔ top.

Jakop 4:8

Yak röt cuöt Nhialic, ke bï rɔt aa cuöt week. Wakkï wecin abïk piath, we kɔc ee kërac looi, ku takï wepiɔ̈ɔ̈th agɔk, wek kɔc ee piɔ̈ɔ̈th rou.

Jocua 23:7

Ku duökï röt liëëp në juöör cï döŋ në weyiic. Duökï yiëthken ee cɔɔl rin, ku duökï ee kuëëŋ në rinken. Duökï lam, ku duökï keek ee luööi.

Jocua 24:14

Na wën, ke lëk ë Jocua keek an, “Ka week, jakï Bɛ̈nydït riëëu guöp arëët, ku yak luööi aläl në wepiɔ̈ɔ̈th ëbɛ̈n. Cuatkï yiëth wei kedhie, yiëth ɣɔn ye kuarkun lam lɔŋ de wɛ̈ɛ̈r ë Yuparat, ayï Rip. Ku Bɛ̈nydït yetök yen luööikï.

Jocua 24:15

Na cäkkï Bɛ̈nydït bï luööi, ke we lɔc raan bäk luööi ee köölë. Tɛk däŋ, bäk yiëth ɣɔn ye kuarkun lam piny de Yuparat lɔŋ tui kek bäk luööi, ku nɔn ee kek yiëth ke kɔc ke Amor, kɔc rɛ̈ɛ̈r wek pinyden. Na yɛn wokë baaidï, ee Bɛ̈nydït Yen abuk luööi.”

Jocua 24:2

Na wën, ke lëk ë Jocua keek kedhie an, “Acïï Bɛ̈nydït Nhialic de Yithriɛl lɛ̈k week an, ‘ɣɔn thɛɛr, kuarkun rɛ̈ɛ̈r lɔŋ de wɛ̈ɛ̈r ë Yuparat. Aake ye yiëth lam. Ku raan tök në kuarkun ë lam yiëth, ee kuɛɛrëdun Tera, wun Abraɣam kekë Naɣor.

Jocua 24:20

Të la wek Bɛ̈nydït puɔ̈l, ku lamkï yiëth, Bɛ̈nydït abï we luöi këtuc. Të la wek En wööc piɔ̈u, abï we riɔ̈ɔ̈k na cakaa nɔn piɛth En ke week.”

Jocua 24:23

Go Jocua lueel an, “Na cäk gam aya, ke we cuɛt yiëth cath në week wei taitai abï cïn tök. Ku nhiaarkï Bɛ̈nydït Nhialicdun në wepiɔ̈ɔ̈th ëbɛ̈n.”

Juda 1:23

ku yak kɔc kɔ̈k kony në riɔ̈ɔ̈c riääc wek, abäk ke ya dɔ̈ɔ̈r bei mɛɛc, ayï lupɔ aya abäk maan lupɔ cï nyuel në rac de guöp.

Bäny 10:16

Gokï yiëth ke juöör nyaai në ke yiic, ku lamkï Bɛ̈nydït, go Bɛ̈nydït bɛ diɛɛr në yaaŋ de Yithriɛl.

Ruuth 1:15

Go Nawomi lɛ̈k Ruuth an, “Kɛ̈në tiiŋ mɔɔcdu tïŋ luɔi dhuny en enɔm kɔcken, ku yiëthken? Jäl we yen ëtök.”

1 Tham 16:5

Go bɛ̈ɛ̈r an, “Ɣɛɛ, ee këpiɛth. Yɛn aa bɔ̈ bä Bɛ̈nydït bɛ̈n miɔɔc. Ka week, waakkï, ku bäk lokku ëtök.” Ku yöök Jethe an, wɛɛk kekë wɛ̈ɛ̈tke ëtök, ke ke bï lɔ në yen ayadäŋ.

1 Tham 7:3

Ago Thamwɛl lɛ̈k baai de Yithriɛl an, “Na lak wenïïm puɔ̈k Bɛ̈nydït në piɔ̈ɔ̈thkun ëbɛ̈n, ke we pälkï yiëth ke juöör ëbɛ̈n ku kïn de yanh cɔl Acetaroth. Takï röt ee kɔc ke Bɛ̈nydït ku Yen bäk aa lɔ̈ŋ Yetök, ago week kony ë kɔc ke Pilithiin cin.”