Cäk 35:11 - JAM DE NHIALIC 2011

¹¹ Ku lëk ë Nhialic en an, “Ee Yɛn Nhialic Awärjäŋ. Kɛɛrkï, juöör juëc abïk bɛ̈n bei në yïyic. Ku mïth kɔ̈k në mïthku yiic abïk aa bäny dït.

Cäk 35:11 ပူးပေါင်းရင်းမြစ်များ

Cäk 12:2

Yïn bä gäm mïth juëc. Ku abïk aa jur dït. Ku yïn bä thieei, ku rinku abä ke tɔ ŋic ë kɔc juëc. Ku yïn bä tɔ ya athiɛɛi.

Cäk 13:16

Yïn bä gäm mɛnh cït abuui. Na de raan lëu en bï abuui kueen, ka bï mïthku jɔ lëu në kuɛ̈n.

Cäk 15:5

Go Bɛ̈nydït lɛɛr biic, ku lëk en an, “Woi nhial, ku kuen kuɛl kedhie, na bä ke lëu ë kuɛ̈n. Luɔi bï mïthku juëc ka cït man ë kek.”

Cäk 17:1

Ɣɔn cï run ke Abram aa thiërdhoŋuan ku dhoŋuan, ke Nhialic Awärjäŋ ë tul tëde yen, ku lëk en an, “Yɛn ee Nhialic Awärjäŋ lëu këriëëc ëbɛ̈n, ye kë cä lɛ̈k yïn piŋ, ku ye yic looi ë cieŋ.

Cäk 17:16

Abä thieei, ku ta dhiëth yïn mɛwä. Abä thieei ku ta ye man juöör juëc. Ku abï dɛ meliik në mïthke yiic.”

Cäk 17:4

“Ënɔɔnë, Yɛn loi mändï wo yïn. Yïn bï ya wun juöör juëc ëbɛ̈n.

Cäk 18:14

De kë duëër Bɛ̈nydït dhal? Në të cä lueelë, Yɛn bï bɛ̈n të nu wek ëlë yaak wälë, ku Thara abï dɛ mɛwä.”

Cäk 18:18

Ku Abraɣam abï ya jur dïït ril. Ku juöör ke piny nɔm kedhie abä keek thieei në këde.

Cäk 22:17

Yïn bä thieei aläl, mïthku abä keek ŋuak nyïïn, ka bïk juëc cït man ë kuɛl nhial, ku cïtkï liɛɛt ë wɛ̈ɛ̈r yɔu. Ku mïthku abïk kɔc de kek ater aa tiaam.

Cäk 28:14

Ku mïthku abïk juëc ka abïk ciët abuui. Ku wek bï nïïm ɣet ë piny thar të lɔ aköl athɛ̈i, ayï të lɔ aköl amiäk. Ku të lɔ rut agut cï të lɔ wöuwic. Ku Yɛn bï juöör ke piny nɔm thieei kedhie në këdun wekë mïthku.

Cäk 32:12

Ku acï lueel ɣɔn Bɛ̈nydït an, “Yïn bä caath apiɛth, ku yïn bä gäm mïth juëc aläl, mïth cït liɛɛt ë wɛ̈ɛ̈r yɔu, mïth cïn raan duëër ke lëu në kuɛ̈n.”

Cäk 36:31

Kakë ee kek ee meliik ë kɔnë dɔm në piny ë Edom. Acïn meliŋ töŋ ë cï kɔn dɔm në kɔc ke Yithriɛl nïïm tueŋ. Bila wën ë Beyor atɔ ye meliŋ de Edom, ku wunden acɔl Dinɣabath. Na ɣɔn aa thou Bila, ke Jobap wën ë Dhira, raan wun ë Bothera ë dɔm në nyiɛnde yic. Na ɣɔn aa thou Jobap, ke Ɣucam ë dɔm në nyiɛnde yic, raan wun ë Timan. Na ɣɔn aa thou Ɣucam, ke Ɣadad wën ë Bedad ë dɔm në nyiɛnde yic, raan wään tiam kɔc ke Midian piny ë Mowap. Ku yen aaye raan wun Abith. Na ɣɔn aa thou Ɣadad: ke Thamela raan wun ë Mathereka ë dɔm në nyiɛnde yic. Na ɣɔn aa thou Thamela, ke Caul raan ë Reɣoboth nu në Yuparat yɔu ë dɔm në nyiɛnde yic. Na ɣɔn aa thou Caul, ke Baal Ɣanan, wën Akbor ë dɔm në nyiɛnde yic. Na ɣɔn aa thou Baal Ɣanan, wën Akbor, ke Ɣadar ë dɔm në nyiɛnde yic. Ku wunden aa cɔl Pau. Ku tiiŋde acɔl Meɣetabel, nyan ë Matered nyan ë Medhaɣa.

Cäk 43:14

Ku Nhialic Awärjäŋ, abï bɛ̈ny de Rip tɔ kok piɔ̈u ke week. Ku gëm week mänhëdun kekë Benjamin. Na cï gɔ̈ɔ̈r nɔn bï mïthkï määr, ke ke mär!”

Cäk 46:3

Go Nhialic lɛ̈k en an, “Ee Yɛn Nhialic de wuur, du riɔ̈c në luɔi le yïn Rip. Yɛn bï mïthku tɔ lɔ ye gökdïït ë jur ëtɛ̈ɛ̈n.

Cäk 47:27

Go kɔc ke Yithriɛl rëër piny ë Gocen ëtɛ̈ɛ̈n. Gokï kuɛth arëët ëtɛ̈ɛ̈n, ku dhiëthkï mïth juëc.

Cäk 9:1

Go Nhialic Nowa thieei kekë wɛ̈ɛ̈tke, ku lëk keek an, “Kɛɛrkï, ku thiäŋkï piny nɔm.

Cäk 9:7

“Ku yïn bï kɛɛr, ku kɔ̈thku abïk piny thiɔ̈ɔ̈ŋ nɔm ëbɛ̈n.”

1 Lëk 16:16

Löŋdɛn cï mac kekë Abraɣam, ku gutguutdɛn cï looi kekë Yithaak.

1 Lëk 16:17

Bɛ̈nydït acï amat looi kekë Jakop, löŋ bï tɔ̈u athɛɛr kekë Yithriɛl.

1 Lëk 16:18

Yïn bä gäm piny de Kanaan, ku lueel an, “Abï aa këdu.”

Bɛ̈n 1:7

Ku löök mïthken kɛɛr arëët në kecök. Gokï juëc arëët ke ke ril. Gokï Rip thiɔ̈ɔ̈ŋic.

Bɛ̈n 2:24

Na wën, aacï Nhialic dhiënden piŋ, ke tak mändɛn ɣɔn cï looi kekë Abraɣam, ku Yithaak, ku Jakop.

Bɛ̈n 6:3

Yɛn aye Nhialic Awärjäŋ. Yɛn acï tuöl ɣɔn tëde Abraɣam, ku Yithaak, ku Jakop. Ku akɛ̈n ke bɛ̈n nyuöth rinkiën ɣeriicë, rin ke Bɛ̈nydït.

Lebai 26:42

Ëtɛ̈ɛ̈n, yɛn bï mändï tak wokë Jakop, ku mändï wokë Yithaak, ku mändï wokë Abraɣam, ku yɛn bï piny tak.

2 Kor 6:18

Ku yɛn bï aa Wuöördun, ku we bï aa wɛ̈ɛ̈tkï ku nyïïrkï, kë lueel Nhialic Awärjäŋ ka.”