Cäk 35:1 - JAM DE NHIALIC 2011

¹ Ago Nhialic lɛ̈k Jakop an, “Jäl, lɔ Bethel. Lɔ rɛ̈ɛ̈rë ëtɛ̈ɛ̈n. Ku lɔ yiëkë Nhialic yïk ëtɛ̈ɛ̈n. Nhialic wään cï tuöl tëde yïn ɣɔn kɔt yïn në wänmuuth Ethau.”

Cäk 35:1 ပူးပေါင်းရင်းမြစ်များ

Cäk 12:8

Ku jɔ bɛ̈n kuëëth ke lɔ piny ë kuur, piny nu wun cɔl Bethel kɔ̈u të lɔ aköl amiäk. Ku piëët paanyde në kaam de Bethel kekë wun cɔl Ai, ke Bethel ë nu baŋ të lɔ aköl athɛ̈i, ku Ai ë baŋ të lɔ aköl amiäk. Go Abram Bɛ̈nydït yiëk yïk ëtɛ̈ɛ̈n, ku lɛm.

Cäk 16:8

Ku lëk en an, “Ɣajer, nyan lïm de Tharai, bä ë nou ku lɔ ë nou?” Go Ɣajer puk nɔm an, “Yɛn kɔt në Tharai bɛ̈nydï.”

Cäk 22:14

Ago Abraɣam ëtɛ̈ɛ̈n cäk an, “Bɛ̈nydït abï aa miööc.” Ku agut cï ee köölë aye kɔc lueel an, “Në kuur ë Bɛ̈nydït nɔm abï miööc.”

Cäk 29:1

Go Jakop bɛ baaric ke cath, go ɣet piny ë kɔc rɛ̈ɛ̈r të lɔ aköl amiäk.

Cäk 31:13

Ee Yɛn Nhialic de Bethel. Të wään bï yïn kuur cäp thar piny, ku wälë nɔm miök ku kuëëŋ në Yɛn. Ku ënɔɔnë, jɔt rɔt jäl ë pinyë, dakë yïnɔm piny wään dhiëëth ë yï thïn.’”

Cäk 31:3

Go Bɛ̈nydït lɛ̈k Jakop an, “Dakë yïnɔm piny ë yï wuur, lɔ të nu kɔckun.” Ku Yɛn bï tɔ̈u wo yïn.

Cäk 34:31

Agokï puk nɔm an, “Ka yen duëër nyankënëda jɔ looi cït man ë akɔɔrröör?”

Cäk 35:15

Ku jɔ Jakop të wään jiɛɛm en ke Nhialic cäk an Bethel.

Cäk 35:7

Ago yïk yïk, ku ciëk ëtɛ̈ɛ̈n an El-Bethel, (an Nhialic de Bethel.) Në luɔi ë cï Nhialic rɔt nyuöth en ëtɛ̈ɛ̈n, të ɣɔn kɔt en në mänhë.

Diɛt 46:1

Nhialic Yen ee gëlgëlda ku riɛlda, atɔ̈u ëceŋ ke bï wo kony në akööl ke nuan.

Diɛt 47:4

Acï wo lɔ̈c piny rɛ̈ɛ̈r wok thïn, piny cï leec, piny de kɔckɛn nhiɛɛr.

Diɛt 91:15

Të cɔɔl kek Ɛn, Yɛn bï cɔ̈tden piŋ, tëde yen nuan cï ke yök, yɛn bï tɔ̈u wo keek. Ku abä keek luäk bei, ku dhuɛ̈ɛ̈ŋ keek gup.

Bɛ̈n 2:15

Na wën, aa piŋ melik ee kënë, ke kɔɔr bï Mothe nɔ̈k. Go Mothe rɔt kual ke lɔ piny ë Midian le rëër ëtɛ̈ɛ̈n. Na kööl tök, ke Mothe lɔ nyuc ë yith nɔm. Ku bɛ̈ny de kake Nhialic de piny ë Midian aa de nɔm duet kadhorou. Gokï lɔ ë yith nɔm, lek thak thɛ̈cic pïïu ke thök ke wuönden ë ke bï dek.

Ɣodh 12:4

Acï wït kekë tunynhial, go tunynhial tiaam. Na wën, ke dhiau, ku lip athiɛɛi. Acïï ë Nhialic en bɛ̈n yök në Bethel, go jam kekë yen ëtɛ̈ɛ̈n.

Naɣum 1:15

Tiëŋkï kuur nɔm, ade tuny bɔ̈ ke wëlpiɛth ke mät! Acath kueer ke bï wël ke tiëm bɛ̈n caal! Loi dhuëŋku yïn Juda, loi ka ɣɔn cï yïn ke kuëŋ lueel. Kɔc rac abï ke riɔ̈ɔ̈k taitai, ka cïkï yïn bï bɛ yiɛ̈n tɔŋ ananden.

Nyöŋ 32:36

Bɛ̈nydït abï kɔcke luök, të cien yen tïŋ nɔn cïï riɛlden jäl. Abï piɔ̈u kok, kekë kɔc ee yen luööi, të cien yen tïŋ nɔn cïn kek nïïm kony.

1 Tham 10:3

Ku yïn jɔ baaric ëtɛ̈ɛ̈n ɣet ë tim ɣeric ë ɣök de Tabor. Yïn bï lɔ rɔ̈m wekë kɔc kadiäk ëtɛ̈ɛ̈n, kɔc lɔ Nhialic miɔɔc Bethel. Raan tök në keyiic athel thök bɔɔth kadiäk, ku raan däŋë amuk kuïïn cï pam kadiäk, ku raan ye kek diäk amuk athep thiäŋ ke mɔ̈u.